NUMBERS 3:8 - Navajo Bible

⁸ Áko níbaal bii' dahozdísingi bii' chodao'íinii t'áá át'é baa ádahojilyą́ą doo áádóó Ízrel dine'é bá honaanish ádadzósingo níbaal bii' hodílzinii si'ánígi nidaal'a' doo.

NUMBERS 3:8 ပူးပေါင်းရင်းမြစ်များ

I CHRONICLES 23:27

Áko akée'di saad bee David hadziisdzí'ígíí bik'ehgo Líívai dine'é naadiindóó dego béédááhaígíí yéélta'.

II CHRONICLES 29:11

Shiye'ké, k'ad t'áadoo nida'áhodołziidí, háálá Bóhólníihii binááł nisoozį́įgo bich'į' nidahohłáago tsin bijeeh dilidgo łikání halchinii dadohłidgo bá nidaał'a' doo biniyé nánihiizláá'.

ISAIAH 52:11

Dah dohkááh, dah dohkááh, bits'ą́ąjigo dah dohkááh; chin bąąh hólóonii bidadoołchííd; biníí'dę́ę́' ch'ínóhkááh; Bóhólníihii bileets'aa' deínóhjáahii, chin nihąąh ádaadin áda'dołnééh.

NUMBERS 10:17

Áko níbaal bii' hodílzinii ni'diit'ą́ągo éí Gérshan áádóó Miirárai biye'ké éí níbaal bii' hodílzinii deíyeehgo dah diiná.

NUMBERS 10:21

Índa Kóhath dine'é éí níbaal bii' hodílzinii góne' dadílzingo chodao'íinii deíjáahgo nihidahaazná, áko t'ah doo jínééhgóó haba' níbaal bii' hodílzinii nideiz'ą́.

NUMBERS 3:7

Áádóó bí índa dah oonééł t'áá ałtso bá níbaal bii' dahozdísinii si'ánígi honaanish ádadzósin doo.

NUMBERS 3:9

Kót'éego Líívai dine'é éí Éran índa biye'ké baa díínił; éí Ízrel dine'é bits'ą́ą́dóó t'áá naazį́į́ nít'éé' baa ha'nííł.

NUMBERS 31:30

Áádóó łahjį' ałníí'dóó Ízrel dine'é baa dahaas'nilígíí t'áá ha'át'íhída ashdladiin ánéelą́ą'go bits'ą́ą́dóó t'ááłá'ígo ats'ádahidoołtééł: éí bíla' ashdla'ii nilíinii áádóó béégashii áádóó télii áádóó dibé índa da'alį́'ígíí t'áá ał'ąą ádaat'éii éí Líívai dine'é Bóhólníihii biníbaal bii' hodílzinii yaa ádahalyáanii baa dadidooh'ááł.

NUMBERS 4:15

Áko nihináá'í'néehgo Éran áádóó biye'ké éí hodiyingo haz'ą́ągi bee hahodít'éii áádóó hodiyingo haz'ą́ągi chodao'íinii t'áá át'é ałtso hasht'éédayiil'įįhdóó bik'ijį' Kóhath dine'é binaanish ádayósingo deíyeeh doo yiniyé nídaakah doo; éí t'áá ha'át'íhída diyinígíí doo yidadólchííd át'ée da doo, éí doodaii' ła'da yideelchidgo dadootsaał. Éí níbaal bii' dahozdísinii bii'ígíí Kóhath dine'é da'ahílchíihii dabiyéél.

NUMBERS 4:28

Díí kót'éego Gérshan dine'é ba'áłchíní ahii' háá'ahiyoolchíłígíí níbaal bii' dahozdísinii yininádaalnishgo nidaal'a'go náá'iiłniihii Éran biye' Íthamar bídahojółníih dooleeł.

NUMBERS 4:33

Díí kót'éego Miirárai dine'é ba'áłchíní ahii' háá'ahiyoolchíłígíí níbaal bii' dahozdísinii t'áá át'é yininádaalnishgo nidaal'a'go náá'iiłniihii Éran biye' Íthamar bídahojółníih dooleeł.