NUMBERS 3:6 - Navajo Bible

⁶ Líívai dine'é áháníjį' niní'éésh; éí náá'iiłniihii Éran yá nidaal'a' doo biniyé baa ní'éésh.

NUMBERS 3:6 ပူးပေါင်းရင်းမြစ်များ

MALACHI 2:4

Shibee aha'deet'áanii éí Líívai bá náás yit'ih dooleeł biniyé díí bik'eh ó'oo'níiłii nihich'į' kóshłaago nihił béédahózin doo, ní t'áá ałtsoní bee Bóhólníihii.

DEUTERONOMY 10:8

Ákwii nahalzhiish yę́ędóó Bóhólníihii éí Líívai dine'é t'áá sahdii niinínil, áko Bóhólníihii bitsits'aa' dílzinii éí bee aha'deet'áanii bii' sinilii nidei'áa dooleeł áádóó Bóhólníihii binááł na'al'a' bee nidzizį́į doo, índa díí jį́į́góó bízhi' baa dahojiniih doo.

NUMBERS 2:33

Nidi Líívai dine'é éí Ízrel dine'é t'áadoo bił bi'déélta' da; Bóhólníihii éí Mózes yich'į' haadzí'ígi ádaadzaa.

NUMBERS 2:17

Dah dajínéehgo joonéełii haníi'gi Líívai dine'é éí níbaal bii' dahozdísinii deíyeehgo hoł náás yinéeł doo. Ninádei'áahgo áádóó náádei'dii'áahgo kót'éego t'áá ałkéé' dah dajínéehii t'áá hó hadah na'at'a'í bik'ehgo dah nídazhdii'néeh doo.

NUMBERS 3:5

Áko Bóhólníihii éí Mózes yich'į' haadzíi'go ání,

I CHRONICLES 23:32

Áádóó níbaal bii' dahozdísinii áádóó hodiyingo haz'áanii baa ádahojilyą́ą doo índa Éran haye'ké bik'isóó danilíinii éí Bóhólníihii bikingi bá nidajil'a' doo.

II CHRONICLES 29:11

Shiye'ké, k'ad t'áadoo nida'áhodołziidí, háálá Bóhólníihii binááł nisoozį́įgo bich'į' nidahohłáago tsin bijeeh dilidgo łikání halchinii dadohłidgo bá nidaał'a' doo biniyé nánihiizláá'.

EZRA 6:18

Áko Mózes binaaltsoos biyi' bee ak'e'ashchínígi át'éego Jerúsalem kin haal'áagi Diyin God bá nidajil'a' biniyé nááda'iiłniihii áádóó Líívai dine'é ch'ídahodoołáałii ałkéé' nidadziznil.

NUMBERS 18:21

Áádóó Ízrel dine'é ninádeidiyii'aahii t'áá át'é neeznáá daníjaa'ígíí éí t'ááłá'ígo shijaa' Líívai dine'é daabíí' dooleełgo baa diní'ą́; jó, éí yikiin níbaal bii' dahozdísinii yindaal'a'go nidaalnish.

I CHRONICLES 6:33

Díí diné dahataałii lą́ą dabiye'ké ałdó' sin yee dahataał. Kóhath dine'é bitahdóó éí díí: Hííman sin yee hataałii nilíinii éí Jówel biye' jílį́, áádóó Jówel éí Shému'el biye' jílį́,

I CHRONICLES 15:2

Áko David ání, Diyin God bitsits'aa' dílzinii doo ła'da nei'áa da dooleeł, t'áá hazhó'ó Líívai dine'é t'éiyá, háálá éí nidei'áa doo biniyé Bóhólníihii atah biizláá' áádóó yá nidaal'a'go ahool'áa doo.

I CHRONICLES 23:28

Háálá Bóhólníihii bikin bii' sohodizingi éí tł'óo'di haz'ánígi áádóó wóne'é dahooghangi Éran biye'ké danilíinii nidaal'a' áádóó dadílzinii t'áá ałtso chin bąąh ádingo óolzingo áádóó Diyin God bikin bii' sohodizingi nidaalnish doo biniyé nibi'dee'nil.