NUMBERS 3:3 - Navajo Bible

³ Díí Éran haye'ké kódaolyé: éí nááda'iiłniihii ak'ah bik'i yadaadziidgo bee dabi'doolzį́į'ii, nidaal'a'go náá'iiłniihii danilį́į doo.

NUMBERS 3:3 ပူးပေါင်းရင်းမြစ်များ

I CHRONICLES 23:6

Áádóó David éí Líívai biye'ké Gérshan áádóó Kóhath índa Miirárai dajoolyéé nít'éé' yę́ę bik'ehgo ał'ąą nihodee'nil.

EXODUS 28:41

Índa nínaaí Éran áádóó biye'ké t'áá bił éí éé' bee hadahodidíílííł, áádóó ak'ah hak'i yadeidííziłgo dahodíísįh índa diyingo hats'ąą hasti'ii ats'ádahodííniłgo dazhdiyin doo.

EXODUS 40:13

índa Éran éí éé' dadílzinii biih hodííłtééł, índa ak'ah hak'i yeidííził, áádóó diyingo áhodíílííł, áko shá nidajil'a'go náá'iiłniihii dajílį́į doo.

EXODUS 40:15

áádóó ak'ah hak'i yadeidiyííziłgo bee dahodíísįhgo bizhé'é ak'ah bik'i yeiniziidígi át'éego ádíílííł. Áko shá nidaal'a'go náá'iiłniihii danilį́į doo; jó, dazhdiyingo ádaho'diilyaaígíí hool'áágóó nááda'iiłniihii dajílį́įgo náás da'ahijílchíih doo.

LEVITICUS 8:12

Ákohgo Éran éí ak'ah ak'i yahiidzídígíí bitsiit'áajį' yadziiziidgo jíísį́į́'; diyingo ats'ázhníłtį́.

LEVITICUS 8:30

Áádóó Mózes éí ak'ah ak'i yahiidzíidii áádóó diłígíí bikáá' náá'iiniihí yik'íístahii t'áá bíí'ohígíí néidiiką́ągo Éran áádóó biye'ké índa dabi'éé' t'áá yił yik'íístahgo Éran áádóó bi'éé' áádóó biye'ké índa dabi'éé' dadílzingo ájiilaa.

NUMBERS 3:4

Nidi Néídab áádóó Abáíhu éí Bóhólníihii binááł dzineezná; jó, Bóhólníihii binááł kǫ' doo dílzinii náájiisnii'ígíí Dził Sáínai honoojíidi ákójíít'įįd; éí ha'áłchíní doo hólǫ́ǫ da nít'éé', áádóó Eliyéízar índa Íthamar naal'a'go bizhé'é Éran binááł náá'iiłniihii nilį́į́ nít'éé'.

HEBREWS 7:28

Aláahgo nááda'iiłniihii doo t'áá ákwii ádaat'éii bee haz'áanii bik'ehgo ninábidi'nił nít'éé', nidi éí bee haz'áanii bikéé'dóó Diyin God saad yee ádee hadoodzíi'ii bik'ehgo biYe' aláahgo náá'iiłniihii nilį́į doogo niiníłtį́. Éí hool'áágóó t'áá sahdii ats'áyiiníłtį́.