NUMBERS 3:1 - Navajo Bible

¹ Éran áádóó Mózes bits'ą́ą́dóó yichíiłii kódaolyé; Dził Sáínaigi Bóhólníihii éí Mózes yił ałch'į' haadzíí' yę́ędą́ą́' nidaakai.

NUMBERS 3:1 ပူးပေါင်းရင်းမြစ်များ

GENESIS 10:1

Díí éí Nóah biye'ké Shem áádóó Ham índa Jéífeth bits'ą́ą́dę́ę́' náás oochíłígíí ádaat'į́. Tó nahwéskaidóó bik'ijį' dabiye'ké nidahaazhchį́.

GENESIS 2:4

Bóhólníihii Diyin God éí yádiłhił índa nahasdzáán áyiilaa bijį́į́dą́ą́' nahasdzáán índa yádiłhił bił niilyáii dahodideezlį́į́'.

GENESIS 5:1

Ádam ba'áłchíní náás da'ahílchíihii díí naaltsoos bii' baa hane'. Diyin God éí diné ájiilaadą́ą́' t'áá honáłt'éego ájiilaa.

EXODUS 6:16

Díí Líívai biye'ké náás ahoolchíłígíí kódaolyé: Gérshan áádóó Kóhath índa Miirárai, áko Líívai bíídíiską́ą́dóó neeznádiindóó ba'aan tádiindóó ba'aan tsosts'id binááhai.

EXODUS 6:20

Ámram éí hazhé'é bilah Jákebed hwe'asdzą́ą́ ájiilaa, áko Éran áádóó Mózes yishchį́. Ámram bíídíiską́ą́dóó neeznádiindóó ba'aan tádiindóó ba'aan tsosts'id binááhai.

EXODUS 6:27

Ííjip dine'é aláahgo binanit'a'í Féro Ííjipdę́ę́' Ízrel dine'é ch'ídoot'ishgo bee bich'į' yájííłti'ígíí éí díí Mózes áádóó Éran ájít'į́.

LEVITICUS 25:1

Áko Dził Sáínaidi Bóhólníihii kóníigo Mózes yich'į' haadzíí',

LEVITICUS 27:34

Díí bik'eh ó' oo'níiłii ádaat'éego Bóhólníihii éí Mózes yich'į' yee haadzíi'go Ízrel dine'é bá Dził Sáínaidi kóhodoo'niid.

NUMBERS 2:34

Ízrel dine'é t'áá ákǫ́ǫ́ ádaadzaago Bóhólníihii éí Mózes yich'į' yee haadzí'ígíí t'áá ałtso yik'eh ádaadzaa; bidah na'at'a'í yíighahgi ninádaa'nééh nít'éé' áádóó ahii' háá'ahiyoolchíiłii t'áá ałtso dabizhé'é yę́ę ba'áłchíní náás ahoolchíiłii bik'ehgo yił nee'ni'jį' dah nídadii'nééh.

MATTHEW 1:1

Jesus Christ éí David bits'ą́ą́dóó oochíiłii nilį́, áádóó David éí Éíbraham bits'ą́ą́dóó oochíiłii nilį́. Kót'éego Jesus Christ bizází yę́ę náás da'ahílchį́.