NUMBERS 27:3 - Navajo Bible

³ Nihizhé'é yę́ę honoojíidi ádin; éí Kórah yił ahíikaigo Bóhólníihii yich'į' nidaalteeh nít'é'ígíí doo yił naakai da nít'éé', nidi t'áá bí ádił ni'iisíihgo daaztsą́, áko biye'ké éí t'áadoo hazlį́į' da.

NUMBERS 27:3 ပူးပေါင်းရင်းမြစ်များ

EZEKIEL 18:4

Shoo, ii' naazíinii t'áá ałtso shí; azhé'é bii' sizíinii shíí' át'éego aye' bii' sizíinii ałdó' shí; ii' sizíinii ádił ni'iisíihii dadootsaał.

NUMBERS 14:35

Shí Bóhólníihii nishłíinii haasdzíí', T'áá aaníí, díí doo yá'áshónígi ádaat'ínígíí t'áá ałtso ahíikaigo shik'ijį' danilíinii kóhodeeshłííł; díí honoojíigi ázhdoodįįł; dazhdínóonééł.

NUMBERS 16:19

Nít'éé' Kórah éí t'áá dah oonééł nít'éé' áłah áyiilaago níbaal bii' dahozdísinii yah e'etiiní bidááhdóó Kórah éí Mózes áádóó Éran yik'ijį' danilį́įgo nidaazį'; Bóhólníihii bits'ádi'nílíidii éí dah oonéłígíí t'áá ałtso bich'į' yit'íní silį́į́'.

NUMBERS 16:49

Áko naałniih dahóóghą́'ígíí éí dį́į́'ts'áadahdi mííldóó ba'aan tsosts'idi neeznádiin ázhnéelą́ą́'; Kórah bił ałch'odadzisne'go ádzísdįįdígíí bilááh ázhnéelą́ą́'.

NUMBERS 26:33

Áko Híífer biye' Ziilófehad t'áadoo biye'ké hazlį́į' da, nidi hatsi'ké t'éí hólǫ́. Díí Ziilófehad bitsi'ké kódaolyé: Mála, Nóah, Hágla, Mílka índa Térza.

NUMBERS 27:2

Áko éí níbaal bii' dahozdísinii bich'éédą́ą'gi Mózes áádóó náá'iiłniihii Eliyéízar áádóó naat'áanii danilíinii índa dah oonéłígíí t'áá ałtso yidááhdóó niikaigo ádaaní,

NUMBERS 27:4

Ha'át'íísh biniyé nihizhé'é yę́ę biye'ké t'áadoo hazlį́'ígíí biniinaa dabik'is bitahdóó bízhi' doo bééhodoozįįł da? Éí bąą nihizhé'é yę́ę dabik'is bitahdóó kéyah nihíí' dooígíí ła' nihaa dinoh'aah.

JOHN 8:21

Jesus ánááhodoo'niid, Shí k'ad dah diishááh, áko nihí hadashinohtáa dooleeł, ákondi t'áá ádił da'íínółzíihgo dadínóohnééł; déyáágóó doo dadohkááh át'ée da.

JOHN 8:24

Éí bąą ánihidííniid ni', T'áá ádił da'íínółzíihgo dadínóohnééł, háálá shí Christ ásht'į́įgo doo deinohdlą́ą́góogo t'áá ádił da'íínółzíihgo dadínóohnééł.

ROMANS 5:12

Diné t'ááłazhdilt'éhígíí hwee nahasdzáán bikáa'gi ádił ni'iidzííh hazlį́į́'. Áko bąąhági át'éii bee aniné hazlį́į'go nihokáá' dine'é t'áá ałtso daniné silį́į́', háálá t'áá ádzíłtso ádił nida'dziisdzíí'.

ROMANS 5:21

Bąąhági át'éii hwee ádíhólníihgo bik'ehgo ádajooníłígíí dazneezná. T'áá éigi át'éego Diyin God bibee ajooba' hwee ádíhólníihgo bik'ehgo t'áá ákogi ádajít'éhígíí, Jesus Christ nihiBóhólníihii bee hool'áágóó dajiináa doo.

ROMANS 6:23

Háálá Diyin God bich'į' ádił ni'iidzííh éí aniné niyiilé, nidi Jesus Christ nihiBóhólníihii bee Diyin God éí iiná doo ninít'i'ii t'áá jíík'e nihainílá.