NUMBERS 26:3 - Navajo Bible

³ Áádóó Mózes índa náá'iiłniihii Eliyéízar éí Mó'ab kéyah dadzígaigi Jórdan tooh nílíní bíighahgi Jériko binaashiijí hach'į' hahaasdzíi'go ání,

NUMBERS 26:3 ပူးပေါင်းရင်းမြစ်များ

NUMBERS 22:1

Áádóó Ízrel dine'é dah náádii'náago Jériko kin haal'áii binaashiijí Jórdan tooh nílíní ha'a'aahjígo Mó'ab kéyah nidzisgaigi niníná.

NUMBERS 26:4

Diné deínółta'; éí naadiindóó yówehgo béédááhaii Bóhólníihii éí Mózes índa Ízrel dine'é yich'į' yee haadzíi'ii át'é. Ííjip kéyahdę́ę́' ch'íná'nánígíí:

NUMBERS 26:63

Díí daho'déélta'ígíí éí Mó'ab kéyah dzígai Jórdan tooh nílíní bíighahgi Jériko binaashiijí Ízrel dine'é dajílíinii Mózes áádóó náá'iiłniihii Eliyéízar hóółta'.

NUMBERS 31:12

Áádóó deisnáanii áádóó yąąh da'ííghą́ą'ii índa dabinaalye'é éí Mózes áádóó náá'iiłniihii Eliyéízar índa Ízrel dine'é dah yinéełii éí Jériko kin haal'áádóó Jórdan tooh ha'naa Mó'ab kéyah dzígaigi dah yinéełgo áadi yaa áłah ádayiilaa.

NUMBERS 33:48

Dził Ábarim daní'áádóó dah náádii'náago Mó'ab kéyah nidzisgaigi Jériko binaashiijí Jórdan tooh nílíní bibąąhgi ninááná'ná.

NUMBERS 35:1

Áádóó Mó'ab kéyah nidzisgaigi éí Jériko binaashiijí Jórdan tooh nílíní ha'a'aahjigo haz'ánígi Bóhólníihii éí Mózes yich'į' haadzíi'go ííłní,

DEUTERONOMY 34:1

Mó'ab kéyah dadzígaidóó Mózes dah diiyáago Dzi ł Nííbo yąąh híiyáago Dził Pízgah bighą́ą'jį' haayá; éí Jériko binaashiijí dził si'ánígíí át'é, áko Bóhólníihii éí Gíliyad kéyahdóó Dan dine'é bikéyahjį' t'áá át'é hach'į' ííshją́ą́ áyiilaa.

DEUTERONOMY 34:6

Áádóó Mó'ab kéyah yíldzisgi Bóhólníihii yóó'áhoolaa; Beth-píyor hoolyéhígíí binaashiijí yíldzisgi yóó'áhoolaa, nidi díí jį́į́góó hojishcháá' doo ła' bił bééhóziní da.

DEUTERONOMY 34:8

Áádóó Mó'ab kéyah dadzígaigi Ízrel dine'é éí Mózes yaa daachago tádiin yiską́; kót'éego Mózes baa yínííł dajílį́įgo baa atínídazhdindleehígíí bíighah niiníłką́.