NUMBERS 2:3 - Navajo Bible

³ Ha'a'aahjí háá'át'ááh bich'į'go éí Júdah bisiláo deínéehii bik'ehgo t'áá bí bidah na'at'a'í yíighahgi ninádaa'néeh doo; Amínadab biye' Náshan éí Júdah dine'é yinanit'a'í nilį́.

NUMBERS 2:3 ပူးပေါင်းရင်းမြစ်များ

GENESIS 35:22

Áko ákódzaago Ízrel éí kéyah yiyi'gi kééhat'į́įgo Rúben dah diiyáago Bílhah, hazhé'é be'asdzą́ą́ yíł'íní, bił jineezhtéézh, áko éí Ízrel yiyíínii'. Jéíkab biye'ké éí naakits'áadah.

GENESIS 35:23

Líyah biyáázhké: Jéíkab bá alą́ąjį' yizhchíinii éí Rúben wolyéii áádóó Símiyan áádóó Líívai áádóó Júdah áádóó Ísakar índa Zébyulan daolyé.

I CHRONICLES 2:10

Ram éí Amínadab há yizhchį́ áádóó Amínadab éí Náshan há yizhchínígíí Júdah dine'é binanit'a'í nít'éé',

I CHRONICLES 5:2

Azhą́ Júdah hak'isóó biláahgo áhóodziil nít'éé' áádóó hats'ą́ą́dóó aláahgo naat'áanii hazlį́į́', nidi Jóseph éí alą́ąjį' yizhchínígíí bee bóhólníihii bíí' silį́į́'.

EXODUS 6:23

Amínadab bitsi' éí Néíshan bilah nilíinii Iiláísheba wolyéii Éran be'asdzą́ą́ silį́į́'. Áko Néídab áádóó Abáíhu áádóó Eliyéízar índa Íthamar díí Éran yá niyiishchį́.

NUMBERS 1:5

éí diné nihíká adoojahígíí kódaolyé: Shédiyer éí Rúben dine'é nilį́įgo biye' Iiláízer,

NUMBERS 1:7

Amínadab éí Júdah dine'é nilį́įgo biye' Náshan,

NUMBERS 10:5

Áko bee i'níłníihgo éí nízaadgóó nídiiłts'į́įhgo ha'a'aahjígo dah oonéłígíí dah nídii'néeh doo.

NUMBERS 2:4

Júdah bisiláo dah yinéełii dayéélta'ígíí tsosts'idiindóó ba'aan dį́įdi mííldóó ba'aan hastą́ądi neeznádiingo ánéelą́ą́'.

NUMBERS 3:38

Nidi níbaal bii' hodílzinii bidááhdóó ha'a'aahjigo ninádaa'néhígíí t'áá níbaal bii' dahozdísinii si'ánígíí háá'át'ááh bich'ijígo éí Mózes áádóó Éran índa biye'ké ninádaa'néeh doo; éí hodiyingo haz'ą́ą́ góne' honaanish ádadzósinii Ízrel dine'é bá baa ádahojilyą́ą doo; doo náá'iiłniihii nilíinii áajį' eelwodígíí bidi'yoolyééł.

NUMBERS 7:12

Ła'a jį́ aleeh góne' Júdah dine'é nilíinii Amínadab biye' Náshan néidiyoołnihígíí nááyiisnii':

NUMBERS 7:17

áádóó náádahidoonihii hózhǫ́ǫ́jí nááhániihii ádaat'éego éí béégashii naakigo, deenásts'aa' ashdla'go, tł'ízíchǫǫh ashdla'go, dibé yázhí biką'ii ła' béédááhaii ashdla'go, díí éí Amínadab biye' Náshan nááyiisnii'.

MATTHEW 1:4

áádóó áadi Ram éí Amínadab há yizhchį́, áádóó bik'ijį' Amínadab éí Náshan há yizhchį́, ákóne' Náshan éí Sálman há yizhchį́,

RUTH 4:20

Amínadab bá Náshan yizhchį́, Náshan bá Sálman yizhchį́,