NUMBERS 2:2 - Navajo Bible

² Diné t'ááłá'í jinítínígo Ízrel dine'é dajílínígíí t'áá hó hadah na'at'a'í bíighahgi dahazhé'é yę́ę ba'áłchíní bił bidah na'at'a'í bíighahgi ninádaji'néeh doo; níbaal bii' dahozdísinii binaadi ninádaji'néeh doo.

NUMBERS 2:2 ပူးပေါင်းရင်းမြစ်များ

PSALMS 74:4

Naa áłah ná'ádleeh yę́ę góne' ni'ana'í danilíinii nidahodeesdláád; t'áá bí yik'ehgo naaldeehii yadeidíníishin.

PSALMS 76:11

Bóhólníihii nihiDiyin God nilíinii bich'į' ádee hadahidoohdzí'ígíí bida'ohłééh. Binaagóó nidaakaii t'áá ałtso Diyin God dólzin dooleełígíí éí aa doolyéełii yaa dayiiníił le'.

ISAIAH 12:6

Dził Záíyandi kééhót'íinii baa hózhóonii biniinaa ayóó íits'a'go sin bee hótaał, háálá Ízrel biDiyin nilíinii nihitahgóó hólónígíí éí ayóó át'é.

ISAIAH 18:3

Nihokáá'góó naołdeehii t'áá ánółtso, ni' bikáá'góó kéédahoht'íinii, dziłghą́ą́'dóó dah na'at'a'í dah diiltsoozgo dadínóoł'įįł, áádóó deenásts'aa' bidee' bee í'dílzoołí diists'ą́'ígíí dadidoohts'į́į́ł.

EZEKIEL 43:7

Áko áshíłní, Diné nílíinii, kwe'é shibikáá'dóó nahat'áii si'ą́ą doo áádóó ákwii dínís'eez doo. Ákwii Ízrel dine'é hool'áágóó bitah honishłǫ́ǫ doo, índa Ízrel dine'é áádóó aláahgo honanit'a'í nídaadleełii shízhi' doo ílį́į́góó doo ánáádazhdoodlíił da biniyé hwe'eda'alyaii doo ánáádazhdoodlíił da, índa aláahgo naat'áanii danilį́į́ nít'ée'ii bee bééhániihígíí dah daask'id bighą́ą'di ádayiilaaígi doo nináádazhdoo'nił da.

ZECHARIAH 9:16

Éí bijį́ biBóhólníihii Diyin God bidine'é éí dibé dah danéelkaadígi át'éego yisdéidoonił; jó, naat'á ch'ah éí tsé da'ílíinii bee nidaashch'ąą'ígi át'éego bikéyah bikáa'gi dah na'at'a'í dah yidoołtsos.

NUMBERS 1:50

Nidi Líívai dine'é éí níbaal bii' hodílzinii, éí neeznáago bik'eh ó'oo'níiłii bee bééhániihii bii' sinilii, áádóó łeets'aa' t'áá át'é índa t'áá ałtsojį' bił chodao'íinii bee hódahólníih doogo nihodíínił, índa níbaal bii' hodílzinii áádóó t'áá ałtsojį' bił chodao'íinii t'áá bił nidajiyéego baa ádahojilyą́ą dooleeł, índa níbaal bii' hodílzinii binaagóó ninádaji'néeh doo.

NUMBERS 10:14

Júdah dine'é daníjaa'go bidah na'at'a'í yik'ehgo alą́ąjį' dah diiná; díí dah oonéłígíí éí Amínadab biye' Náshan á sizį́.

NUMBERS 10:18

Áádóó Rúben dine'é daníjaa'go bidah na'at'a'í yik'ehgo dah diiná; díí dah oonéłígíí éí Shédiyer biye' Iiláízer á sizį́.

NUMBERS 10:22

Áádóó Íífreiyim dine'é daníjaa'go bidah na'at'a'í yik'ehgo dah diiná; díí dah oonéłígíí éí Amáíhad biye' Iilíshama á sizį́.

NUMBERS 10:25

Áádóó Dan dine'é daníjaa'go bidah na'at'a'í yik'ehgo éí akéédę́ę́' aa ádahalyą́ą doo biniyé dah diiná: díí dah oonéłígíí éí Amishádai biye' Eihaiyíízer á sizį́.

NUMBERS 2:1

Bóhólníihii éí Mózes áádóó Éran yich'į' haadzíi'go ání,

NUMBERS 2:10

Áádóó shádi'ááhjígo éí Rúben bisiláo deínéehii bik'ehgo t'áá bí bidah na'at'a'í yíighahgi ninádaa'néeh doo; Shédiyer biye' Iiláízer éí Rúben dine'é yinanit'a'í nilį́.

NUMBERS 2:3

Ha'a'aahjí háá'át'ááh bich'į'go éí Júdah bisiláo deínéehii bik'ehgo t'áá bí bidah na'at'a'í yíighahgi ninádaa'néeh doo; Amínadab biye' Náshan éí Júdah dine'é yinanit'a'í nilį́.

NUMBERS 24:2

Nít'éé' Béílam hajííghalgo Ízrel bidine'é danilínígíí bik' ehgo dabiníbaal yii' dabighango dziiłtsą́, áko Diyin God biNíłch'i hak'i hoole'.

I CORINTHIANS 14:33

Háálá Diyin God éí hahóó'á doo bił yá'át'éeh da, nidi Diyin God bidiyį́į́' t'áá ałtsogóó áłah nídaadleehígi át'éego hasht'ediniit'éego bił yá'át'ééh.

I CORINTHIANS 14:40

Bíni'dii t'áá ałtsoní yá'át'éehgo índa hasht'ehodít'éego baa na'aldeeh le'.

PHILIPPIANS 1:27

Áyąądą́ą́' Christ baa hane' yá'át'éehii nizhónígo bik'eh deínóhkáah le', áko nihaa níyáago, éí doodaii' doo aadi naasháa da nidi, t'áá aheełt'éego danołdzilgo nidasoozį́įgo áádóó t'ááłá'í nitsáhákees bee hane' yá'át'éehii deinohdlánígíí bee ahąąh deínółdzíiłgo nihaa náhodiists'į́įh doo.

COLOSSIANS 2:19

Christ éí da'oodlání t'áá ła' bizhi'ee yá Atsiits'iin nilíinii doo hózhǫ́ ádíidéélt'i' da. Nidi ats'íís ahadadit'ą́ą́góó ats'id yee da'ahótą'ígi át'éego nihí t'áá ła' bizhi'ee Christ bits'íís daniidlį́įgo bídadíníit'i'. Áko Diyin God nihi'iisą́ągo niilzééł.

JOSHUA 3:4

Ákót'ée nidi nihita' ahonízahgi bídadí'nóoł'aał go táadi mííl ké silá ánízahdę́ę́' bikéé' wohkah doo. Tsits'aa' dílzinii éí t'áadoo bit'áahjį' nidaahkaí, áko disoohkaigóó nihił béédahózin doo, háálá t'ah doo kojį' dohkáah da nít'éé'.