NUMBERS 2:18 - Navajo Bible

¹⁸ E'e'aahjígo éí Íífreiyim bisiláo deínéehii bik'ehgo t'áá bí bidah na'at'a'í yíighahgi ninádaa'néeh doo; Amáíhad biye' Iilíshama éí Íífreiyim dine'é yinanit'a'í nilį́.

NUMBERS 2:18 ပူးပေါင်းရင်းမြစ်များ

GENESIS 48:5

Ákohgo t'ah doo Ííjip kéyahgi naa nishááh yę́ędą́ą́' niye' naaki Ííjip kéyahgi ná yizhchínígíí éí shí; Rúben índa Símiyan shíhígi át'éego Íífreiyim índa Manáseh shí dooleeł.

JEREMIAH 31:9

Atíndadindleehgo nináhidookah, áádóó nída'ookąąhgo yish'ish doo. Tooh danílíinii bibąąhgóó k'éhézdon atiingóó anídahodiyeeshkah. Ákwe'é doo dazhdidoogoh da, háálá Ízrel dine'é bizhé'é nishłį́, áádóó Íífreiyim éí alą́ąjį' shá yizhchį́.

NUMBERS 1:10

Jóseph ba'áłchíní Íífreiyim dine'é nilį́įgo Amáíhad biye' Iilíshama, áádóó Manáseh dine'é nilį́įgo Piidázer biye' Gaméíliyel,

NUMBERS 1:32

Jóseph ba'áłchíní nilíinii, Íífreiyim dine'é náás ahoolchíiłii ahii' háá'ahiyoolchíłígíí dabizhé'é yę́ę yada'áłchíní danilį́įgo dabi'déélta'ígíí dabízhi' bik'ehgo naadiindóó yówehgo béédááhaii t'áá ałtso ana'al'į́ yídaneel'áanii

NUMBERS 10:22

Áádóó Íífreiyim dine'é daníjaa'go bidah na'at'a'í yik'ehgo dah diiná; díí dah oonéłígíí éí Amáíhad biye' Iilíshama á sizį́.

NUMBERS 2:19

Íífreiyim bisiláo dah yinéełii dayéélta'ígíí dízdiindi mííldóó ba'aan ashdladi neeznádiingo ánéelą́ą́'.

NUMBERS 7:48

Tsosts'id jį́ aleeh góne' Íífreiyim dine'é naat'áanii nilíinii Amáíhad biye' Iilíshama náá'iisnii':

NUMBERS 7:53

áádóó náádahidoonihii hózhǫ́ǫ́jí nááhániihii ádaat'éego éí béégashii naakigo, deenásts'aa' ashdla'go, tł'ízíchǫǫh ashdla'go, dibé yázhí biką'ii ła' béédááhaii ashdla'go, díí éí Amáíhad biye' Iilíshama nááyiisnii'.

DEUTERONOMY 33:17

Yee ayóó át'éii éí bidóola alą́ąjį' yizhchíinii nahalin; bidee' éí béégashii ałchinii bidee' nahalin; éí yee nahasdzáán nidahonees'ą́ą́góó ał'ąą dine'é t'áá ła' bizhi'ee iiniiłkaad doo. Íífreiyim dine'é neeznáadi mííl ádanéelą́ą'go áádóó Manáseh dine'é miil ádanéelą́ą'go ákódahodoolííł.