NUMBERS 18:3 - Navajo Bible

³ Áko bee nihídahólníihii éí yaa ádahalyą́ą doo, índa níbaal bii' hodílzinii t'áá át'é yaa ádahalyą́ą doo, nidi łeets'aa' chodao'íinii dadílzinígíí áádóó bikáá' náá'iiniihí éí doo yit'áahjį' nidaakai da doo, ákót'éego éí bí índa nihí ałdó' doo bił dadínóohnéeł da.

NUMBERS 18:3 ပူးပေါင်းရင်းမြစ်များ

EZEKIEL 44:13

Nááda'iiłniihii doo dajílį́į́góó doo shit'áahjį' dazhdookahgo shá nidazhdool'aał da, índa shidiyingo chodao'íinii éí t'áá íiyisí dadiyinígíí doo bit'áahjį' dazhdookah da, nidi t'óó bee haa yádahóósįįdii índa doo yildinígi ádajíít'įįdii bee hohodiit'i'go nidajikai doo.

NUMBERS 1:51

Áko níbaal bii' hodílzinii nihidoogéełgo Líívai dine'é éí ninádei'dii'áah doo, índa nináádoot'áałgo Líívai dine'é éí ninádei'áah dooleeł, índa t'áá háiida doo Líívai dine'é nilíinii níbaal bii' hodílzinii yíighahjį' deeyáii éí bidi'yoolyééł.

NUMBERS 1:53

Nidi Líívai dine'é éí níbaal bii' hodílzinii, éí neeznáago bik'eh ó'oo'níiłii bee bééhániihii bii' sinilii, binaagóó biníbaal ninádei'nił doo, áko Ízrel dine'é dah yinéełii atí'él'į́ doo bik'i hwiidooleeł da; Líívai dine'é éí níbaal bii' hodílzinii, éí neeznáago bik'eh ó'oo'níiłii bee bééhániihii bii' sinilii, bee bídahólníihgo yaa ádahalyą́ą doo.

NUMBERS 16:40

Díí Ízrel dine'é bich'į' bee ééhániihii át'ée doo, áko diné ła' doo Éran biye'ké náás ahoolchíiłii jílį́į́góó Bóhólníihii binááł tsin bijeeh dilidgo łikání halchinii nááhizhdoołnih biniyé doo áháníjį' nizhdoogáał da; éí doo Kórah áádóó bił dah yikah yę́ę ádabi'diilyaaígi doo áhodi'doolníił da. Díí éí Mózes binahjį' Bóhólníihii hach'į' haadzíí'.

NUMBERS 18:4

Ákohgo nihíká anídaajahgo níbaal bii' dahozdísinii yaa ádahalyą́ą doo; níbaal bii' hodílzinii bina'anishgi t'áá át'é yindaal'a' doo; doo Líívai dine'é nilíinii doo ła' nihit'áahjį' nidaakai da doo.

NUMBERS 18:7

Éí bąą ni áádóó niye'ké bił náá'iiłniihii danohłį́į́jí nihindaanishígíí bikáá' náá'iiniihí binaagi t'áá át'é báhígíí índa dáádiníbaal bine'jíígíí baa ádahołyą́ą doo; díí nihindaanish át'ée doo; náá'iiłniihii dadoohłeeł biniyé naanish nihaa diní'ą́, áko doo náá'iiłniihii nilíinii éí áajį' niníyáhígíí hodi'yoolyééł.

NUMBERS 3:25

Áko Gérshan biye'ké da'ahílchíihii éí níbaal bii' dahozdísinii t'áá éí níbaal áádóó bik'í náltihígíí índa éí níbaal bich'é'étiingi dáádiníbaalígíí yaa ádahalyą́ą doo,

NUMBERS 3:31

Áko tsits' aa' dílzinii, bikáá' adání, bee hool'iní bá yadaa'áhí índa naakigo bikáá' náá'iiniihígíí áádóó hodiyingo haz'ą́ą́ góne' chodao'íinii nááda'iiłniihii chonídayool'įįhígíí, áádóó ata'naníbaalígíí índa t'áá át'é ákwii binda'anishii bindajil'a' doo.

NUMBERS 3:36

Áko Miirárai ba'áłchíní ahoolchíiłii éí níbaal bii' hodílzinii bá tsin neheeshjíí' ahééneelkálígíí áádóó tsin níyizii naaniigo bąąh daní'áhígíí áádóó bíyah danii'áii áádóó bitł'ááh naaznilgo t'ááłáhíjí biih dahasdzánígíí áádóó bił chodao'íinii índa ákwii binináda'anishígíí t'áá át'é bee hódaho'doos'níi'go bindajil'a' doo.

NUMBERS 31:30

Áádóó łahjį' ałníí'dóó Ízrel dine'é baa dahaas'nilígíí t'áá ha'át'íhída ashdladiin ánéelą́ą'go bits'ą́ą́dóó t'ááłá'ígo ats'ádahidoołtééł: éí bíla' ashdla'ii nilíinii áádóó béégashii áádóó télii áádóó dibé índa da'alį́'ígíí t'áá ał'ąą ádaat'éii éí Líívai dine'é Bóhólníihii biníbaal bii' hodílzinii yaa ádahalyáanii baa dadidooh'ááł.

NUMBERS 4:15

Áko nihináá'í'néehgo Éran áádóó biye'ké éí hodiyingo haz'ą́ągi bee hahodít'éii áádóó hodiyingo haz'ą́ągi chodao'íinii t'áá át'é ałtso hasht'éédayiil'įįhdóó bik'ijį' Kóhath dine'é binaanish ádayósingo deíyeeh doo yiniyé nídaakah doo; éí t'áá ha'át'íhída diyinígíí doo yidadólchííd át'ée da doo, éí doodaii' ła'da yideelchidgo dadootsaał. Éí níbaal bii' dahozdísinii bii'ígíí Kóhath dine'é da'ahílchíihii dabiyéél.