NUMBERS 17:8 - Navajo Bible

⁸ Áko biiskání Mózes éí níbaal bii' hodílzinii bii' neeznáago bik'eh ó'oo'níiłii bee bééhániihii si'ání góne' yah ajííyáá nít'éé'; jó, Éran bigish éí Líívai dine'é bá sitánígíí bąąh hada'neesą́ągo bílátah da'iigaigo bąąh bineest'ą' álman wolyéhígíí dadínéesą́ą́ lá.

NUMBERS 17:8 ပူးပေါင်းရင်းမြစ်များ

GENESIS 40:10

éí ch'il na'atł'o'ii bits'áoz'a'ígíí táá'; éí bílátahgóó dah deitsoii nahalin, áádóó bílátahí dahazlį́į́', áádóó índa ch'il na'atł'o'ii bąąh neest'ą́.

PSALMS 110:2

Bóhólníihii éí Záíyandóó ne'ayóó át'éii naat'á gish yił dah doolnihgo ádidooniił, Ni'ana'í bitahgi nanít'á!

SONG OF SOLOMON 2:3

Tsintahgi bilasáanii sikaadígíí nahalingo ayóó'óósh'níinii tsíłkéí yitahgi naaghá. T'áá íiyisí shił hózhǫ́ǫgo bichaha'oh biyaagi nédá áádóó bineest'ą' shił ayóó áhálniih.

ISAIAH 4:2

Éí jínídi Bóhólníihii bits'ą́ą́dóó haníísáanii ayóó ánóolninii áádóó ayóó át'éii át'ée doo áádóó Ízrel dine'é yisdádahineezhchą́ą'ii bá kéyah bits'ą́ą́dóó aneest'ą' t'áá íiyisí yá'át'éeh doo índa ayóó ádanóolnin doo.

EZEKIEL 17:24

Shí Bóhólníihii nishłíinii, tsin sikaadii agháá'áníłnézígíí áłts'ísígo áshłééh áádóó tsin sikaadii áłts'ísígíí éí ayóó áníłnéezgo áshłééh; tsin dootł'izhii éí yishgan áádóó tsin siganii éí náás nooséełgo dootł'izhgo ánáshdléehgo tsin yíl'áhígíí t'áá ałtso bił béédahózin doo. Shí Bóhólníihii nishłíinii haasdzíí' áádóó bi'deeshłiił.

EZEKIEL 19:12

T'áá na'níle'dii hahodi'yoolghan; ni'jį' ahodi'yoolghan; ha'a'aahdę́ę́' deeyolgo haneest'ą' ałtso yisgan; hats'áoz'a' dabidziilii yiyiizti'go daniiłna'go ałtso adahideezk'ą́ą́'.

EZEKIEL 19:14

Bits'áoz'a' ła' biyi'dę́ę́' kǫ' hadíínóodgo bineest'ą' ałtso iidííłk'ą́ą́', áádóó bits'áoz'a' bidziilii doo ła' ánászįįd da, áko naat'á gish doo ła' náhodoodleeł da. Díí lą́ą baa atínáhodindleeh ni, áádóó baa cha hasingo hodeeshzhiizh ni.

NUMBERS 16:5

áádóó Kórah índa yił dah yikahígíí ábijiní, Yiską́ągo t'ah abínídą́ą́' Bóhólníihii háí bíí' jílį́įgo áádóó jidiyingo ííshjání áhodoolííł, índa ádíighahjį' nihodoolóós; éí néidiiłtíinii ádíighahjį' niidoolóós.

NUMBERS 17:5

Ákohgo diné bigish nídideeshtį́łígíí éí ch'ilátah hózhóón bąąh hodooleeł, áádóó Ízrel dine'é nich'į' saad dahółónígíí dabidideeshxił.

NUMBERS 17:9

Ákohgo Mózes éí Bóhólníihii bits'ą́ą́dóó gish t'áá át'é Ízrel dine'é yich'į' ch'íiníjaa', áko deinééł'į́į'go diné łá'í nízínígo dabigish nídeidiyiitą́.

HEBREWS 9:4

Ákóne' bikáá' náá'iiniihí óola bik'ésti'go si'ą́, éí bikáa'gi tsin bijeeh dilidgo łikání halchinii nídídli', áádóó tsits'aa' dílzinii óola t'áá át'éé nít'éé' bik'ésti'go ałdó' si'ą́, éí biyi' góne' óola ásaa' éí bááh mána wolyéii bee siką́ągo bii' siką́, áádóó Éran bigish ch'il nahalingo bílátah da'iichiihii ałdó' bii' sitą́, índa bee aha'deet'áanii bee tsé bik'e'ashchį́įgo ałdó' bii' sinil.