NUMBERS 17:3 - Navajo Bible

³ Áádóó Líívai dine'é bigish bikáa'gi éí Éran bízhi' ádíílííł; Ízrel dine'é dahazhé'é yę́ę náás ahoolchíiłii bá aląąjį' nidzizíinii gish t'ááłá'í hak'eh nítą́ą doo.

NUMBERS 17:3 ပူးပေါင်းရင်းမြစ်များ

EXODUS 6:16

Díí Líívai biye'ké náás ahoolchíłígíí kódaolyé: Gérshan áádóó Kóhath índa Miirárai, áko Líívai bíídíiską́ą́dóó neeznádiindóó ba'aan tádiindóó ba'aan tsosts'id binááhai.

EXODUS 6:20

Ámram éí hazhé'é bilah Jákebed hwe'asdzą́ą́ ájiilaa, áko Éran áádóó Mózes yishchį́. Ámram bíídíiską́ą́dóó neeznádiindóó ba'aan tádiindóó ba'aan tsosts'id binááhai.

JEREMIAH 42:20

Ádinda'sohdlo'go Bóhólníihii nihiDiyin God bich'į' nidasisooł'a' yę́ędą́ą́' kódadohníigo, Bóhólníihii nihiDiyin God bich'į' nihá sodílzin, áko Bóhólníihii nihiDiyin God t'áá ádííniidígíí bee nihił hodíílnihgo bida'diilnííł, dadooniid ni'.

EZEKIEL 37:16

Náá'ákóne', diné nílíinii, tsin t'ááłá'í nídiitįįhgo Júdah bá, áádóó bik'isóó danilíinii Ízrel dine'é bá bikáa'gi bik'e'íłchí, áádóó Íífreiyim bitsin éí tsin nínáádiitįįhgo Jóseph bá índa bik'isóó danilíinii Ízrel dine'é bá bikáa'gi bik'e'íłchí,

NUMBERS 17:2

Ízrel dine'é bich'į' handziihgo dabizhé'é yę́ę náás ahoolchíłígíí gish bik'eh nítą́ągo nídidíínił; bá aląąjį' naazíinii t'áá ałtso dabizhé'é yę́ę náás ahoolchíiłii bik'ehgo gish naakits'áadahgo nídidííniłgo dine'é łá'í jinízínígo dahagish bikáa'gi házhi' ádadííliił.

NUMBERS 17:4

Éí níbaal bii' dahozdísingi tsits'aa' dílzinii neeznáago bik'eh ó'oo'níiłii bee bééhániihii bii' sinilii bidááhdóó nihił ahínéishkahígi nidadoohnił.

NUMBERS 18:1

Áko Bóhólníihii éí Éran áyidííniid, Níbaal bii' hodílzingi nahadláhígíí bik'ijį' doo ákwii ádaał'į́į́góó éí ni áádóó niye'ké áádóó nizhé'é yę́ę bits'ą́ą́dóó náás ahoolchíiłii bił bá nináhinohdéeh doo, áádóó ni áádóó niye'ké biłgo éí náá'iiłniihii danohłį́įgo doo ákwii ádaaht'į́į́góó bá nináhinohdéeh doo.

NUMBERS 18:7

Éí bąą ni áádóó niye'ké bił náá'iiłniihii danohłį́į́jí nihindaanishígíí bikáá' náá'iiniihí binaagi t'áá át'é báhígíí índa dáádiníbaal bine'jíígíí baa ádahołyą́ą doo; díí nihindaanish át'ée doo; náá'iiłniihii dadoohłeeł biniyé naanish nihaa diní'ą́, áko doo náá'iiłniihii nilíinii éí áajį' niníyáhígíí hodi'yoolyééł.

NUMBERS 26:10

Áko éí ni' ąą áhoodzaago Kórah t'áá hoł aho'doolna'go ádadzisdįįd, índa naakidi neeznádiindóó ba'aan ashdladiingo ázhnéelą́ą'go kǫ' ahodííłk'ą́ą́'. Áko éí bee ééhózinii dadzizlį́į́'.