NUMBERS 17:2 - Navajo Bible

² Ízrel dine'é bich'į' handziihgo dabizhé'é yę́ę náás ahoolchíłígíí gish bik'eh nítą́ągo nídidíínił; bá aląąjį' naazíinii t'áá ałtso dabizhé'é yę́ę náás ahoolchíiłii bik'ehgo gish naakits'áadahgo nídidííniłgo dine'é łá'í jinízínígo dahagish bikáa'gi házhi' ádadííliił.

NUMBERS 17:2 ပူးပေါင်းရင်းမြစ်များ

GENESIS 49:10

Naat'á gish Júdah doo bighadootį́įł da; Éí Sháíloh níyáajį' naat'áanii bigish bikee' bita'dę́ę́' doo hadootį́įł da, Áádóó éí bá diné áłashdooleeł.

II CHRONICLES 31:17

Nááda'iiłniihii éí dabizhé'é yę́ę bits'ą́ą́dóó náás ahoolchííł bik'ehgo áádóó Líívai dine'é naadiindóó dego béédááhaígíí éí t'áá ałkéé' daníjaa'go bindaanishígíí bik'ehgo dayíłkiin dooígíí baa nídaajih nít'éé'.

PSALMS 110:2

Bóhólníihii éí Záíyandóó ne'ayóó át'éii naat'á gish yił dah doolnihgo ádidooniił, Ni'ana'í bitahgi nanít'á!

PSALMS 125:3

Jó, diné t'áá ákogi ádaaníiłii doo bąąhági ádadooníłígíí biniyé diné doo yá'áshóonii binaat'á gish éí diné t'áá ákogi ádaaníiłii kéyah bá haadzogi doo yee nidant'áa da doo.

EXODUS 30:26

Áko éí bee níbaal bii' dahozdísinii índa tsits'aa' dílzinii éí neeznáago bik'eh ó'oo'níiłii bee bééhániihii bii' sinilii bik'ídííłtah;

EXODUS 4:17

Áko díí gish yítį́į́ł; bee éédahózinii bee áníł'į́į doo.

EXODUS 4:2

Bóhólníihii áhodííniid, Ha'át'íísh dah yítį́į́ł? Áko ázhdííniid, Gish át'é.

EZEKIEL 19:14

Bits'áoz'a' ła' biyi'dę́ę́' kǫ' hadíínóodgo bineest'ą' ałtso iidííłk'ą́ą́', áádóó bits'áoz'a' bidziilii doo ła' ánászįįd da, áko naat'á gish doo ła' náhodoodleeł da. Díí lą́ą baa atínáhodindleeh ni, áádóó baa cha hasingo hodeeshzhiizh ni.

EZEKIEL 21:10

bee ni'dootsiłígíí biniyé hááhaashk'aazh; bik'i nizdidlaad dooleeł biniyé ákót'éego ályaa. Ákoósh nihił dahózhǫ́ǫ doo? Shiye' binaat'á gish éí gish tsin bee ádaalyaii t'áá ałtso yiz'įįd.

EZEKIEL 21:13

Jó, bee na'óhontaahii át'é, ákoshą' naat'á gish yiz'įįdígíí ts'ídá ádoodįįł, ní Bóhólníihii Diyin God.

MICAH 7:14

Nidine'é níí' danilínígíí, éí Dził Kármel bąąh tsin yíl'á ałníi'gi kééhat'íinii dibé nahalingo nitsihał binahjį' bi'iyísą́ągo íínísin; bíni'dii ałk'idą́ą́' át'éé nít'éé' yę́ęgi át'éego Béíshan kéyahgi índa Gíliyad kéyahgi da'ayą́ą doo.

NUMBERS 17:1

Áko Bóhólníihii éí Mózes yich'į' haadzíi'go ííłní,

NUMBERS 17:3

Áádóó Líívai dine'é bigish bikáa'gi éí Éran bízhi' ádíílííł; Ízrel dine'é dahazhé'é yę́ę náás ahoolchíiłii bá aląąjį' nidzizíinii gish t'ááłá'í hak'eh nítą́ą doo.

NUMBERS 7:1

Mózes éí níbaal bii' hodílzinii ałtso niiní'ą́ bijį́į́dą́ą́' ak'ah yik'i yayiiziidgo yiyíísį́į́' áádóó dílzingo niidiní'ą́, bee binda'anishígíí t'áá ałtso t'áá bił áádóó bikáá' náá'iiniihí índa łeets'aa' chodao'íinii t'áá ałtso ak'ah yik'i yadayiiziidgo yiyíísį́į́' áádóó dílzingo niidiní'ą́.