NUMBERS 15:5 - Navajo Bible

⁵ Índa kwáart bee í'neel'ąąhí bee wáin t'ááłáhídi haaką́ągo yanáadzi'go nááhidoonihii át'éego hasht'eidoolííł éí didlidgo nááhániihii, doodaii' nááhániihii át'éego dibé yázhí t'ááłá'ígo bik'eh níką́ągo hasht'eidoolííł.

NUMBERS 15:5 ပူးပေါင်းရင်းမြစ်များ

NUMBERS 28:14

Áádóó yanáadzi'go nááhániihii éí kwáart bee í'neel'ąąhí bee wáin naakidi haaką́ągo dóola yázhí ła' bóóltą'go, áádóó kwáart bitisígo bee í'neel'ąąhí ánéelt'e'ígíí bee wáin haaką́ągo deenásts'aa' bóóltą'go índa kwáart bee í'neel'ąąhí bee wáin t'ááłáhídi haaką́ągo dibé yázhí bik'eh nítį́įgo náádahołniih doo, áko díí éí nináháhááh bii' t'áá nínádízi' bik'eh didlidgo náádahołniih doo.

NUMBERS 28:7

Índa yanáadzi'go nááhániihii éí kwáart bee í'neel'ąąhí bee wáin t'ááłáhídi haaką́ągo dibé yázhí t'ááłá'ígo bił náádahołniih doo; hodiyingo haz'ą́ągi wáin bidziilii yanáadzi'go nááhániihii Bóhólníihii bich'į' náádahołniih doo.

II TIMOTHY 4:6

Nááshidi'yoolnihígíí koshídę́ę́' hoolzhish; dadeestsaałii baa hoolzhiizh.

PHILIPPIANS 2:17

Azhą́ nááhániihii nahalingo nihe'oodlą' t'áá bił nááshi'diiznii' nidi, shił hózhǫ́ áádóó t'áá ánółtso t'áá íiyisí nihił nihitah shił hózhǫ́.

ZECHARIAH 9:17

Dooládó' yee yá'ádaat'éehii áádóó yee danizhóníii ayóó át'ée da! Tł'oh naadą́ą́' bee tsíłkéí dabíiyis dooleeł áádóó wáin ániidíii bee ch'ikéí bízháán nidaakaii dabíiyis dooleeł.

SONG OF SOLOMON 1:4

Ách'į' shidídzį́įsgo ahiniilchéeł doo. Aláahgo naat'áanii t'áá bí bighan góne' shił yah íí'áázh. Naa nihił dahózhǫ́ǫ doo áádóó t'áá íiyisí nihił nidahoozhǫǫh doo. Ne'ayóó'ó'ó'ni' éí wáin biláahgo béédeiilniih doo. T'áá ákogi ádaat'éii ayóó'ádanó'ní.

PSALMS 116:13

Bee yisdá'iildééhjí bee adlání ádá shóideesht'eełgo shił hózhǫ́ǫgo Bóhólníihii bízhi' bee yíníshíigo bich'į' sodideeszįįł.

JUDGES 9:13

Nidi ch'il na'atł'o'ii áhodidooniił, Da' shineest'ą' bitoo' bee Diyin God áádóó diné danilíinii éí bił hóshónígíí bits'ą́ą́' dah dideesháałgoósh tsin naazkaadii binanisht'áa dooleeł?

LEVITICUS 1:10

Áádóó nááhizhdoołnihii éí dibé bitahdę́ę́' dibé ła', doodaii' tł'ízí ła' didlidgo nááhizhdoołnihgo éí biką'ii hadaałt'éii nááhizhdoołnih.

LEVITICUS 3:6

Náájidi'yoołnihgo nááhidoonihii éí hózhǫ́ǫ́jí nááhániihii Bóhólníihii bich'į' nááhizhdoołnihígíí éí dibé nanilkaadii biką'ii, doodaii' bi'áadii hadaałt'éii ła' nízdidoolóosgo nááhizhdoołnih.

LEVITICUS 3:7

Néidiyoołnihii éí dibé yázhí néidiyoołnihgo Bóhólníihii binááł nááyiiłniih doo.

NUMBERS 15:6

Doodaii' deenásts'aa' nááhániihgo éí ómer bee í'neel'ąąhí bee ak'áán naakidi haaką́ągo éí kwáart bitísígo bee í'neel'ąąhí bik'ehgo ak'ah haaką́ągo bił ałtahgo hasht'eidoolííł.

NUMBERS 15:11

Kót'éego dóola yázhí, doodaii' deenásts'aa', doodaii' dibé yázhí, doodaii' tł'ízí yázhí t'ááłá'í nítínígo ákónál'įįh doo.

II CHRONICLES 29:35

Áádóó didlidgo nááhániihii t'óó ahayóí áádóó hózhǫ́ǫ́jí nááhániihii bik'ah t'áá bił índa yanáadzi'go nááhániihii didlidgo nááhániihígíí t'áá bik'eh daníką́ągo, kót'éego Bóhólníihii bikin bii' sohodizingi nidahojiłáago ádajiilaa.

EXODUS 29:40

áłtséhé góne' dibé yázhí nááhíłniihgo ómer bee í'neel'ąąhí bee ak'áán t'ááłáhídi haaką́ągo éí kwáart bee í'neel'ąąhí bee áliv sikaadii bineest'ą' ník'íbí'neeshtłishii bik'ah haaką́ągo bił ałtahgo nááhíłniih doo, índa yanáadzi'go nááhániihii biniyé kwáart bee í'neel'ąąhí bee wáin hadookááł.

LEVITICUS 23:13

Índa ómer bee í'neel'ąąhí bee ak'áán dibahí naakidi haaką́ągo éí ak'ah bił ałtahgo náádahołniih doo; éí didlidgo łikání halchingo Bóhólníihii bich' į' nááhániihii át'é, áádóó yanáadzi'go nááhániihii éí wáin t'ááłáhídi yikááł bíighahgo náádahołniih doo.

EZRA 7:17

Áko díí béesoígíí hazhó'ó chodaoł'į́įgo bee dóola, deenásts'aa', dibé yázhí, ak'áán náádahaniihii áádóó yanáadzi'go náádahaniihii, t'áá bił tsį́įłgo nidahidííłnihgo Jerúsalem kin haal'áagi niDiyin God bikin si'ą́ągi bikáá' náá'iiniihí bikáa'jį' náádahidoołnih.