NUMBERS 15:4 - Navajo Bible

⁴ áko Bóhólníihii bich'į' náá'jii łniihígíí éí ak'áán nááhidoonihii éí ómer bee í'neel'ąąhí bee ak'áán t'ááłáhídi haaką́ągo éí kwáart bee í'neel'ąąhí áníłtsooígíí bíighahgo bee ak'ah haaką́ągo bił ałtahgo néidiyoołnih.

NUMBERS 15:4 ပူးပေါင်းရင်းမြစ်များ

EXODUS 29:40

áłtséhé góne' dibé yázhí nááhíłniihgo ómer bee í'neel'ąąhí bee ak'áán t'ááłáhídi haaką́ągo éí kwáart bee í'neel'ąąhí bee áliv sikaadii bineest'ą' ník'íbí'neeshtłishii bik'ah haaką́ągo bił ałtahgo nááhíłniih doo, índa yanáadzi'go nááhániihii biniyé kwáart bee í'neel'ąąhí bee wáin hadookááł.

LEVITICUS 23:13

Índa ómer bee í'neel'ąąhí bee ak'áán dibahí naakidi haaką́ągo éí ak'ah bił ałtahgo náádahołniih doo; éí didlidgo łikání halchingo Bóhólníihii bich' į' nááhániihii át'é, áádóó yanáadzi'go nááhániihii éí wáin t'ááłáhídi yikááł bíighahgo náádahołniih doo.

LEVITICUS 6:14

Díí ak'áán nááhániihjí bee haz'áanii át'é: Éran biye'ké éí Bóhólníihii binááł bikáá' náá'iiniihí bidááhdóó náádayiiłniih doo.

LEVITICUS 2:1

Áko ła'da Bóhólníihii bich'į' ak'áán nááhániihii náájiiłniihgo éí ak'áán dibahí bik'ijį' ak'ah yaadziidgo índa bikáa'gi tsin bijeeh dilidgo łikání halchinii fránkinsens wolyéii niijaa'go éí náájiiłniihii át'ée doo.

LEVITICUS 14:10

Áádóó tseebíí yiską́ągo dibé yázhí biką'ígíí naakigo hadaałt'éii néididoojih índa dibé yázhí ła' binááhaí bi'ádígíí t'ááłá'ígo hadaałt'éii néididoołtééł, áádóó ak'áán nááhániihii éí ómer bee í'neel'ąąhí bee táadi ak'áán dibahí haaką́ągo ak'ah bił ałtahgo índa bąąh ha'íízhahí bii' ak'ah hadeezbingo néididookááł.

HEBREWS 13:16

Yá'át'éehgo ádadoohníłígíí índa nihee dahólóonii náádaała' bił ałts'ą́ą́' da'nołk'iiz dooleełígíí baa dayoohnééh lágo, háálá ákójít'ínígíí éí nááhániihii Diyin God yaa bił hózhónígíí át'é.

ROMANS 15:16

shí Jesus Christ binaal'a'í nishłį́įgo Diyin God baa hane' yá'át'éehii bee naash'a'go doo Jew dine'é danilíinii éí Níłch'i Diyinii diyingo ádabile'go Diyin God dabidínóozįįłígíí biniyé, náá'iiniih k'ehgo Diyin God baa hodideesh'ááł biniyé hoł dahashne'.

MALACHI 1:11

Jó, háá'át' ááhdóó aná'át'áahjį' ał'ąą dine'é bitahgóó shízhi' ayóó át'ée doo. Índa t'áá ałtsogóó tsin bijeeh dilidgo łikání halchinii áádóó nááhániihii chin bąąh ádinii shich'į' náádayiiłniih doo. Háálá ał'ąą dine'é bitahgóó shízhi' ayóó át'ée doo, ní t'áá ałtsoní bee Bóhólníihii.

EZEKIEL 46:14

T'áá ákwíí bíní ak'áán nááhániihii hasht'eiyínísin doo; íífa bee ak'áán hadeezbingo hastą́ągo ahááką́ągo t'ááłáhí haaką́ bíighahgo áádóó áliv ak'ah t'ááłáhídi yikááł ałníí' t'áá bich'į' anéelt'e'go ak'áán t'óó bee niłhinígo ályaago éí nááhániihgo íínísin doo; díí t'áá áłahíjį' ak'áán nááhániihgo éí Bóhólníihii bich'į' bee hoogáałii át'éego ahool'áa doo.

ISAIAH 66:20

Ákohgo Ízrel dine'é éí náádeidiyoołnihii łeets'aa' chin bąąh ádinii yee Bóhólníihii bikin bii' sohodizin si'ą́ąjį' da'íkaahígi át'éego Jerúsalemdi shidził diyinii si' ą́ąjį' ał'ąą dine'é t'áá ałtso bitahdóó łį́į́' bee índa tsindaabąąs bijáád naakiígíí bee áádóó diné bee nidaajahígíí bee áádóó dzaanééz bee índa naaldlooshii dadilwo'ii bee nihik'isóó danilíinii Bóhólníihii bich'į' nááhániihgo nideidiyoo'ish, ní Bóhólníihii.

JUDGES 9:9

Nidi áliv tsin áhodidooniił, Da' shi'ak'ah bee Diyin God áádóó diné hoł nilínígíí bits'ą́ą́' dah dideesháałgoósh tsin naazkaadii t'áá ałtso t'éí binanisht'áa doo?

LEVITICUS 2:15

Áko bik'ijį' ak'ah yanídaohdzi'go fránkinsens wolyéii bikáá' dah dadoohjih; díí ak'áán nááhániihii át'ée doo.

LEVITICUS 1:13

Nidi bitsą́ siláí áádóó bijáád táidoogis. Áko náá'iiłniihii éí t'áá ałtso néididooniłgo bikáá' náá'iiniihí bikáa'jį' yididoołił; díí didlidgo nááhidoonihii éí Bóhólníihii bich'į' łikání halchingo nááhániihii át'ée doo.

LEVITICUS 3:7

Néidiyoołnihii éí dibé yázhí néidiyoołnihgo Bóhólníihii binááł nááyiiłniih doo.

NUMBERS 28:4

Abínígo dibé yázhí ła' náádahołniih doo; ła'ígíí éí e'e'áahgo náádahołniih doo;

NUMBERS 28:12

índa ómer bee í'neel'ąąhí bee ak'áán táadi haaką́ągo ak'ah bił ałtahgo ak'áán nááhidoonihii át'éego dóola yázhí ła' bóóltą'go bił náádahołniih doo, áádóó ómer bee í'neel'ąąhí bee ak'áán naakidi haaką́ągo ak'ah bił ałtahgo ak'áán náhidoonihii át'éego deenásts'aa' bóóltą'go náádahołniih doo,

EZRA 7:17

Áko díí béesoígíí hazhó'ó chodaoł'į́įgo bee dóola, deenásts'aa', dibé yázhí, ak'áán náádahaniihii áádóó yanáadzi'go náádahaniihii, t'áá bił tsį́įłgo nidahidííłnihgo Jerúsalem kin haal'áagi niDiyin God bikin si'ą́ągi bikáá' náá'iiniihí bikáa'jį' náádahidoołnih.

NUMBERS 7:13

díí nááyiisnii'ígíí éí béésh łigaii łeets'aat'ą́hí t'ááłá'ígo éí shékel wolyéii t'ááłáhídi neeznádiindóó ba'aan tádiin dah hidiidloh bíighahgo áádóó béésh łigaii łeets'aa' nímazí t'ááłá'ígo éí níbaal bii' hodílzingi shékel choo'íinii tsosts'idiin dah hidiidloh bíighahgo, díí t'áá áłah bii' ak'áán hadeezbingo ak'ah bił ałtahgo éí ak'áán nááhániihii át'éego nááyiisnii';

NUMBERS 29:6

Díí éí dah néitį́įhgo didlidgo nááhániihii índa ak'áán nááhániihii bóóltą'go áádóó t'áá ákwíí jį́ didlidgo nááhániihii éí ak'áán nááhániihii áádóó yanáadzi'go nááhániihii bił ahóóltą'go áda'ał'ínígíí bik'ehgo Bóhólníihii bich'į' didlidgo łikání halchingo náádahołniih doo.