NUMBERS 15:3 - Navajo Bible

³ áádóó Bóhólníihii bich'į' didlidgo náádahidoołnihii ádadoohłíiłgo, éí didlidgo nááhániihii, doodaii' nááhániihii bee ádee hadaohdzíi'ii, doodaii' nááhániihii t'áá nihí ádeinohsingo nidadinoo'áanii, doodaii' hodílzingo áłah ná'ádleeh nídaoł'aahgo éí béégashii bitahdę́ę́' béégashii ła', doodaii' dibé bitahdę́ę́' dibé ła' nídidoohłóosgo Bóhólníihii bich'į' łikání halchingo náádahołniih doo,

NUMBERS 15:3 ပူးပေါင်းရင်းမြစ်များ

GENESIS 8:21

Áko Bóhólníihii éí náájiiłniihígíí łikání halchingo yishchą́ą'go Bóhólníihii bijéí biyi'di ádííniid, Diné haniinaa ni' doo hóyée'go bá hanáádeesdzih da, háálá diné t'áá áłchíní nilį́į́dę́ę́' bijéí bii'dę́ę́' doo yá'át'éehii bił ádaat'į́; hináanii nináneel'ą́ąjį' ásíłdįįdígi át'éego hináanii doo ánáádeeshdįįł da.

EZRA 7:17

Áko díí béesoígíí hazhó'ó chodaoł'į́įgo bee dóola, deenásts'aa', dibé yázhí, ak'áán náádahaniihii áádóó yanáadzi'go náádahaniihii, t'áá bił tsį́įłgo nidahidííłnihgo Jerúsalem kin haal'áagi niDiyin God bikin si'ą́ągi bikáá' náá'iiniihí bikáa'jį' náádahidoołnih.

PSALMS 54:6

T'áá shí íinisingo nááhániihígíí nich'į' nááhideeshnih. Bóhólníihii nílíinii, nízhi' bee naa hashniih doo, háálá éí yá'át'ééh.

EXODUS 29:18

bikáá' náá'iiniihí bikáa'gi deenásts'aa' t'áá át' é didííłił; éí Bóhólníihii bich'į' didlidgo nááhániihii át'é; Bóhólníihii bich'į' didlidgo nááhániihii łikání halchinii át'é.

EXODUS 29:25

Áko índa dabilák'eedóó nídidííniłgo bikáá' náá'iiniihí bikáa'jį' Bóhólníihii bich'į' łikání halchinii át'éego didlidgo nááhidííłnih; éí Bóhólníihii bich'į' didlidgo nááhániihii át'é.

EXODUS 29:41

Dibé yázhí ła'ígíí éí e'e'áahgo nááhíłniih doo; abínígo nááhíłniihígi át'éego ak'áán nááhidoonihii índa yanáadzi'go nááhidoonihii bił nááhíłniih doo; Bóhólníihii bich'į' łikání halchingo didlidgo nááhániihii át'é.

LEVITICUS 10:13

Áko t'áá ákwii hodiyingo haz'ą́ągi dadoohsį́į́ł, háálá ni áádóó niye'ké bił nihaa hidit'aahígíí Bóhólníihii bich'į' didlidgo náádahaaznii'ii bits'ą́ą́dóó át'é; jó, shí ákót'éego shich'į' yee haadzíí'.

LEVITICUS 27:2

Ízrel dine'é bich'į' handziihgo kóbidiní, Diné ła' t'áá bí ádá ádee hadidoodzihgo Bóhólníihii yaa ádidoot'áałgo éí bą́ą́h aníłį́įgo bee hosíníł'ánígíí bik'ehgo ni'doolééł.

LEVITICUS 7:16

Nidi bí nááyiisnii'ígíí éí yee ádee haadzíi'ii át'éego, doodaii' t'áá bí ninéidiní'ą́ągo nááyiisnii'ii át'éego t'áá nááyiisnii' bijį́ doodį́į́ł, áádóó bíí'ohígíí biiskání ałdó' doodį́į́ł.

NUMBERS 28:27

Nááda'ayołniihgo didlidgo nááhániihii łikání halchingo Bóhólníihii bich'į' náádahołniih dooígíí éí dóola yázhí naakigo, deenásts'aa' t'ááłá'ígo índa dibé yázhí tsosts'idgo ła' béédááhaii dabiką'ígíí,

NUMBERS 29:8

Nidi nááda'ayołniihgo didlidgo nááhániihii Bóhólníihii bich'į' didlidgo łikání halchingo náádahidoołnihii éí náádahołniih dooígíí, éí dóola yázhí t'ááłá'ígo, deenásts'aa' t'ááłá'ígo índa dibé yázhí tsosts'idgo dabiką'ii ła' béédááhaii hadaałt'éii,

NUMBERS 6:15

áádóó díík'ǫsh t'áágééd bááh ályaii ts'iizis bee yíkánígíí, tł'oh naadą́ą́' ak'áán éí ak'ah bił ałtaa násdziidgo bááh dá'áka'í nahalinígíí ak'ah bik'i yadziidii, áádóó ak'áán nááhidoonihii índa yanáadzi'go nááhániihii nááhizhdoołnih.

MATTHEW 3:17

Áádóó yá'ąąshdę́ę́' iinéé' diists'ą́ą'go ání, Díí shiYe' ayóó'óósh'níinii jílį́, t'áá íiyisí hąą shił hózhǫ́.

II CORINTHIANS 2:15

Yisdádaha'níiłii índa dadínóonéełjį' da'íłdįįhígíí bitahgóó Diyin God bich'į' Christ yee łikání halchinii daniidlį́,

II CORINTHIANS 2:16

dadínóonéełjį' da'íłdįįhígíí bich'į' anoonéełjį' aniné halchinii daniidlį́, yisdádaha'níłígíí bich'į' éí iináajį' iiná halchinii daniidlį́. Háishą' kót'éii yíneel'ą́?

EPHESIANS 5:2

T'áá Christ ayóó'ánihó'nínígi át'éego ayóó'ó'ó'ní bee dayínóhkááh. Jó, Christ nihá niná'ádeet'ą́ągo łikání halchingo nááhániihii nilį́įgo Diyin God yich'į' náá'ádiisnii'.

DEUTERONOMY 12:11

ákwii haz'ą́ągi Bóhólníihii nihiDiyin God t'áá bí náhodidoo'áłígi bízhi' dólzin doo; áadi náádahołniihii t'áá ałtso nidahohjáah dooígíí nihich'į' bee haasdziih: éí didlidgo náádahołniihii, áádóó nááhidoonihgo náádahołniihii, áádóó t'áadoo le'é neeznáá daníjaa'ígíí éí t'ááłá'ígo shijaa' Bóhólníihii baa nídahidoh'aahii, áádóó bił yádi'diilnihgo náádahołniihii, índa t'áá bee ádee hadasoohdzíi'ii ts'ídá yá'át'éehii t'áá ałtso Bóhólníihii bich'į' ádee hadasoohdzíi'go náádahołniihii nidahohjáah doo.

DEUTERONOMY 12:17

Danihiníghangóó díí t'áadoo daohsání: éí tł'oh naadą́ą́' neeznáá daníjoolgo t'ááłá'ígo shijoolii, éí Bóhólníihii baa nídahidoh'aahii, doodaii' wáin ániidíii, doodaii' áliv tsin naazkaadii bineest'ą' bik'ah neeznáá daníką́ągo t'ááłá'í sikánígíí, éí Bóhólníihii baa nídahidoh'aahii, doodaii' nihilį́į́' áádóó nihidibé alą́ąjį' nidahaazhchíinii náádahołniihii, doodaii' t'áá ha'át'íhída bee ádee hadasoohdzíi'ii bee náádaho łniihii, doodaii' t'áá nihí ádeinohsingo náádahołniihii, doodaii' bił dah ní'diilnihgo náádahołniihii,

DEUTERONOMY 12:6

Índa ákwii didlidgo náádahołniihii, áádóó nááhidoonihgo náádahołniihii, áádóó t'áadoo le'é neeznáá daníjaa'ígíí éí t'ááłá'ígo shijaa', Bóhólníihii baa nídahidoh'aahii, áádóó bił yádi'diilnihgo náádahołniihii, áádóó bee ádee hadasoohdzíi'go náádahołniihii, áádóó t'áá nihí ádeinohsingo náádahołniihii, índa nihilį́į́' áádóó nihidibé alą́ąjį' nidahaazhchíinii náádahołniihii ninádahohjih doo.

PHILIPPIANS 4:18

Shí k'ad t'áá bilááh neel'ą́ągo ałtso shich'į' na'ílyá! T'áadoo le'é shich'į' ádaahłaaígíí Iipafrodáítas sheinínil, áko nídiiláago k'ad t'áadoo bídin nishłíní da. Éí Diyin God bich'į' łikání halchingo nááhániihii t'áá néidooléłígi át'éii át'é, áádóó bił hóshóonii át'é.