NUMBERS 13:4 - Navajo Bible

⁴ Éí kót'éego dabi'dójí: Rúben dine'é bitahdóó Záker biye' Shamúwa.

NUMBERS 13:4 ပူးပေါင်းရင်းမြစ်များ

GENESIS 35:22

Áko ákódzaago Ízrel éí kéyah yiyi'gi kééhat'į́įgo Rúben dah diiyáago Bílhah, hazhé'é be'asdzą́ą́ yíł'íní, bił jineezhtéézh, áko éí Ízrel yiyíínii'. Jéíkab biye'ké éí naakits'áadah.

GENESIS 35:23

Líyah biyáázhké: Jéíkab bá alą́ąjį' yizhchíinii éí Rúben wolyéii áádóó Símiyan áádóó Líívai áádóó Júdah áádóó Ísakar índa Zébyulan daolyé.

I CHRONICLES 2:1

Díí Ízrel biye'ké ádaat'į́: Rúben, Símiyan, Líívai, Júdah, Ísakar, Zébyulan,

EZEKIEL 48:1

Ízrel dine'é ádóone'é danilínígíí kódaolyé: náhookǫsjigo hoodzoígíí éí Ayóó'át'é Tónteel bibąąhdóó dahodiidzogo ha'a'aahjigo hoodzo níléí Héthlan hoolyéejį', éí áádóó ha'a'aahjigo Héímath hoolyéejį' nááhoodzo, éí áádóó Héízar-íínan hoolyéejį' nááhoodzo, éí áádóó náhookǫsjigo Damáskasdóó Héímath bá hoodzoígíí áajį' bohodiidzo, áko ha'a'aahjí hoodzodóó e'e'aahjí hoodzojį' Dan dine'é éí ła' hahoodzoígíí baa didoot'ááł.

NUMBERS 13:3

Áko Mózes éí Bóhólníihii hach'į' yee haadzí'ígíí bik'ehgo Péíran honoojíídóó dah dazhdiił'a'; éí t'áá ałtso Ízrel dine'é aląąjį' naazíinii danilį́.

NUMBERS 13:5

Símiyan dine'é bitahdóó Hórai biye' Shéífat.

NUMBERS 14:36

Áko Mózes éí kéyah hadoolził biniyé ákǫ́ǫ́ diné ajiis'a' nít'é'ígíí áádę́ę́' nákaigo doo yá'át'ééhgóó kéyah yaa dahoolne'ígíí biniinaa t'áá dah oonééł nít'éé' hach'į' saad dahasłį́į́';

NUMBERS 32:7

Ha'át'íísh biniyé Ízrel dine'é éí kéyah Bóhólníihii beidiní'áanii yiih dookah nít'é'ígíí bąąh nidahoyołkaad?

NUMBERS 34:19

Éí hastóí kódaolyé: Júdah dine'é bitahdóó éí Jiifáneh biye' Kéíleb niiltį́;

REVELATION 7:5

Júdah dine'é naakits'áadahdi mííl bída'diidlid, Rúben dine'é naakits'áadahdi mííl, Géed dine'é naakits'áadahdi mííl,