NUMBERS 10:9 - Navajo Bible

⁹ Áko nihikéyahgi ana'í nihich'į' nahwiiłnáago bik'ijį' anaa' ádaahłéehgo nízaadgóó éí dilní didííłts'į́įłgo bee i'dííłnih, áko Bóhólníihii nihiDiyin God binááł nihéédahodoonihgo nihi'ana'í bits' ą́ąjį' yisdádoohkah.

NUMBERS 10:9 ပူးပေါင်းရင်းမြစ်များ

GENESIS 8:1

Áko índa Diyin God éí Nóah yénálniih, índa naaldeehii t'áá ałtso áádóó alį́į́' t'áá ałtso tsinaa'eeł yii' hólóonii t'áá hoł yénálniih. Áko Diyin God éí nahasdzáán bikáa'gi níyolgo áyiilaa índa tó yaa nídí'nées'ąąd;

II CHRONICLES 13:12

Áádóó jó, Diyin God éí t'áá bí nihinanit'a'í nilį́įgo nihił hólǫ́, áádóó binááda'iiłniihii éí béésh dilní bee í'dílzoołí nihich'į' deididoołts'į́įłgo yee nihida'doołnih. Ízrel dine'é nohłíinii, danihizhé'é yę́ę biDiyin God Bóhólníihii t'áadoo bik'ijį' danohłíní, háálá doo ła'dadoohłíił da.

II CHRONICLES 13:14

Áko Júdah dine'é t'ą́ą́' nídadéét'į́į́' nít'éé', jó, hadááhdę́ę́' índa hane'dę́ę́' hwe'ana'í yíl'á, áko Bóhólníihii bich'į' hadazhdeeshghaazhgo nááda'iiłniihii béésh dilní bee í'dílzoołí yee ádadííniid.

PSALMS 106:4

Bóhólníihii nílíinii, nidine'é bee bich'oni'nínígíí bee shéénílniihgo shí ałdó' yisdáshíłteeh.

PSALMS 106:42

Hoda'ana'í ałdó' hade ádahósingo biyaa jizhjaa'go áho'diilyaa.

PSALMS 136:23

Bí lą́ą nihaa dahojoobá'ígo ádaniit'éego nihénáálnii' ni', háálá aa a'ááh nízingo ahóyéel'á.

ISAIAH 18:3

Nihokáá'góó naołdeehii t'áá ánółtso, ni' bikáá'góó kéédahoht'íinii, dziłghą́ą́'dóó dah na'at'a'í dah diiltsoozgo dadínóoł'įįł, áádóó deenásts'aa' bidee' bee í'dílzoołí diists'ą́'ígíí dadidoohts'į́į́ł.

ISAIAH 58:1

Yéego hadílgháásh, t'áadoo t'ą́ą́' kwíínísiní; deenásts'aa' bidee' bee í'dílzoołí bee ájínínígi át'éego niinéé' bee chánahgo ádíní áádóó shidine'é ádił nida'iilzííh índa Jéíkab dine'é bibąąhági ádaat'éii bich'į' yit'íní ánílééh.

JEREMIAH 4:19

Shii' sizíinii nílíinii, deenásts'aa' bidee' bee í'dílzoołí dadiits'a'go índa ałt'ááh jííjée'go disíníts'ą́'ígíí biniinaa nitsináshtłi'ii bee nitsináshtłi', áádóó shijéí diniih, shijéí doo hasht'edit'eehgóó doo dííníshxéel da.

JEREMIAH 4:21

Haa lá nízáágóó dah na'at'a'ígíí nísh'į́į doo? Índa haa lá nízáágóó deenásts'aa' bidee' bee í'dílzoołí dadiits'a'go diists'a' doo?

JEREMIAH 4:5

Júdah kéyahgi baa dahołne', áádóó Jerúsalem kin haal'áagi bee nidadołghaash, Kéyahgi deenásts'aa' bidee' bee ída'dohsooł. Ahóokáahgo, tį' kin hadaas'á ditą́ągo binída'astł'inígóó dadiikah, diníigo ts'ídá yéego bee nidílghaash.

JEREMIAH 49:2

Bóhólníihii ání, Éí bąą Áman dine'é bikin haal'á Rábahdi anaa' haleehgo dilní didoots'į́į́ł áádóó éí ahiih nídahineezkaadgo yanáa'áa doo; bikin naazhjaa'ígíí adahididoolk'ą́ą́ł, jó'akon, áko índa Ízrel dine'é bíí' yę́ę bíí' nídoodleeł, ní Bóhólníihii.

JEREMIAH 6:1

Bénjamin dine'é danohłíinii, Jerúsalem kintahdóó hasih haz'ą́ąjį' ch'ínóhjeeh! Tekówadi deenásts'aa' bidee' bee í'dílzoołí bee ádidoohniił, índa Beth-hákaremdi bee ééhózin dooleeł biniyé didoołjeeh, háálá náhookǫsdę́ę'go doo yá'áshǫ́ǫ́góó atí'oolíiłii yit'íní yileeh.

JEREMIAH 6:17

Náá'áłdó' hada'asíid dooleełii éí, Deenásts'aa' bidee' bee í'dílzoołí ánínígíí deísółts'ą́ą́', daaníi doo biniyé nihá ninínil. Nidi, Doo t'áá k'ad dasidiits'ą́ą' da, daaní.

EZEKIEL 7:14

Dilní yee ádadííniidgo t'áá ałtso hasht'e'ádadiilyaa, nidi doo ła' dazhdoobah da, háálá diné t'áá yíl'áá nít'éé' t'óó báhádzidgo atíháshłééh.

HOSEA 5:8

Gíbiyah kin haal'áagi deenásts'aa' bidee' bee í'dílzoołí bee ádadohniih áádóó Réímah kin haal'áagi béésh dilní bee í'dílzoołí bee ádadohní. Beth-éíven kin shijaa'gi hadadołgháásh, Bénjamin nílíinii, t'ą́ą́' nídínít'į́į́'.

LEVITICUS 23:24

Ízrel dine'é bich'į' handziihgo kóbidiní, Tsosts'id nídízííd binih ła'a jį́į́ góne' háá'áyį́į́h jį́ deidooł'aałgo bee ééhániihii át'éego dilní didoots'į́įłgo hodílzingo áłah doohłeeł.

AMOS 3:6

Kin haal'áajį' deenásts'aa' bidee' bee í'dílzoołí ádííniidgo t'áá aaníí diné nídadooldzííł. Kin haal'áii bik'ijį' doo yá'áshóonii ahóóle'go Bóhólníihii éí binaanish át'é.

ZEPHANIAH 1:16

Kin hadaas'áii binaa ahééda'astł'inii índa yada'niiltł'óonii bik'ijį' ana'í bidilní áádóó anada'ał'į́įgo dadilwoshgo ha'doo'ááł.

NUMBERS 31:6

Ákohgo Mózes díí anaa'góó diné bida'dziis'nii'; diné t'áá ałtso bitahdę́ę́' t'ááłáhídi mííl ádanéelą́ą'go náá'iiłniihii Eliyéízar biye' Fíniyas éí dadílyingo chodao'íinii áádóó béésh łigaii dilní bee áńdazhdi'niih dooígíí yoojihgo bizh'níłnii'.

I CORINTHIANS 14:8

Siláo bidilnéhígíí doo bééhózingóó diits'a'go háishą' anaa' yiniyé hasht'e'ádidoolnííł?

DEUTERONOMY 20:1

Nihi'ana'í danilíinii bik'iiojée'go łį́į́' áádóó tsindaabąąs bijáád naakiígíí índa siláo nihilááh ánéelą́ą'go baa ákodanoozį́į'go t'áadoo béédaałdzidí, háálá Bóhólníihii nihiDiyin God éí Ííjip kéyahdę́ę́' ch'ínihiní'eezhii nihił hólǫ́.

JOSHUA 6:5

Áko kót'ée dooleeł: deenásts'aa' bidee' bee í'dílzoołí nízaadgóó yee ádadidooniił, áko yee ádadidooniiłígíí éí dasidoots'ą́ą'go diné ts'ídá t'áá ałtso hahodidoołdlałgo ayóó át'éego hahóó'áa doo, áádóó kin haal'áhígíí ditą́ągo binaa ahéé'ítł'inígíí naa'ahiłdaasgo éí bitis gó'ąą Ízrel dine'é t'ááłá'í nítínígo t'áá k'éhézdon yah adoojah.

JUDGES 10:12

Sáídan dine'é áádóó Ámalek dine'é índa Méíyana dine'é nihide ádahósingo biniinaa nídashoohkąąhgo bits'ą́ąjį' yisdánihíínil.

JUDGES 10:8

Éí yihah góne' bik'ee Ízrel dine'é chaał nidahoyiiníihgo áádóó yide ádahósin nít'éé'. Tseebííts'áadah nááhaijį' Ízrel dine'é t'áá ałtso yide ádahósingo Jórdan tooh biláahdi Gíliyad nahós'a'gi Ámor dine'é bikéyahdi kéédahat'į́į́ nít'éé'.

JUDGES 2:18

Áádóó Bóhólníihii éí ándahodii'aahii há néidiinilgo Bóhólníihii éí ándahodii'aahii nídaadleehii yił dahólǫ́ǫ́ nít'éé', áko hweda'ana'í bits'ą́ąjį' ánihodii'aahii yisdáhwiiníiłgo yiiníłką́; Bóhólníihii łahgo át'éego hąąh tsíńdeezkééz, háálá hweda'ana'í hade ádahósingo bik'ee chaał nidahojiyiinííh nít'éé' áádóó hóda'ats'ihgo bik'ee ti'dahojiyooznii'.

JUDGES 3:27

Áko nídzídzáago Dził Íífreiyimdi deenásts'aa' bidee' bee í'dílzoołí bee ázhdííniidgo Ízrel dine'é dziłghą́ą́'dę́ę́' hoł adah deíjeehgo bilą́ąjį' joolwołgo

JUDGES 6:34

Nidi Bóhólníihii biNíłch'i Diyinii éí Gídiyan bik'i hoole' go deenásts'aa' bidee' bee í'dílzoołí yee ádííniidgo Éíbiyíízer dine'é hakéé' dah diiná.

JUDGES 6:9

Áko Ííjip dine'é bílák'ee hanihíínil, áádóó nihide ádahósinii t'áá ałtso bílák'ee hanihíínil, índa nihilą́ąjį' ałtso shaa ch'íheezhjée'go bikédaayah nihílák'edíí'ą́.

I SAMUEL 10:18

áádóó Ízrel dine'é ábizhdííniid, Ízrel dine'é biBóhólníihii Diyin God kóníigo haadzíí', Ííjip kéyahdę́ę́' Ízrel dine'é ch'íní'eezh, áko Ííjip dine'é bílák'eedóó índa aláahgo yee bídahólníihgo bił haz'áanii yee nihide ádahósinii bits'ą́ąjį' yisdánihíínil.