NUMBERS 10:2 - Navajo Bible

² Béésh łigaii bee dilní bee í'dílzoołí naakigo íidoolíiłgo íínísin; hasht'e'nibí'dííłniił, áko éí choiníł'į́įgo Ízrel dine'é t'áá ałtso bá nídiiłts'į́įhgo áłah nádleeh doo áádóó dah nídii'néeh doo.

NUMBERS 10:2 ပူးပေါင်းရင်းမြစ်များ

II KINGS 12:13

Nidi Bóhólníihii bikin bii' sohodizin góne' béésh łigaii da'asaa' áádóó kǫ' bee niltsésí áádóó łeets'aa' áádóó béésh dilní bee í'dílzoołí índa t'áá ha'át'íhída béésh łigaii bee ádaalyaaígíí, doodaii' óola bee ádaalyaaígíí éí Bóhólníihii bikin bii' sohodizin góne' béeso yah aajaa'ígíí doo bee nidahaaznii' da,

II CHRONICLES 5:12

áádóó Líívai dine'é t'áá ałtso éí dahataałígíí Éísaf, Hííman áádóó Jedúthan índa dabiye'ké áádóó dabik'is t'áá daabił áłts'óózígo yisdizígíí bee na'at'ą́hí łigaii dits'idgo ályaii yee hadadít'éego béésh ahídí'niłgo diits'a'ígíí, tsin tł'óół neeznáá bąąh daneelzhee'go bee nida'a'néii áádóó tsin tł'óół naakits'áadah bąąh daneelzhee'go bee nida'a'néii dah deíjáahgo bikáá' náá'iiniihí ha'a'aahjigo niní'áagi naazį́, áádóó t'ááłáhídi neeznádiindóó ba'aan naadiingo nááda'iiłniihii t'áá biłgo éí béésh dilní bee í'dílzoołí yee ádaaní.

PSALMS 81:3

Dah néitį́įhgo áádóó hááníbąsgo hodílzingo áłah ná'ádleeh bijį́į́ góne' deenásts'aa' bidee' bee í'dílzoołí nídadoołts'į́į́h.

PSALMS 89:15

Hane' baa hózhóonii bił béédahózinii bik'idahojidlí. Bóhólníihii nílíinii, éí ninii' bee i'díídííngóó hool'ingo deíkááh.

EXODUS 25:18

Áko óola t'áá bízhání bee diyingo naal'a'í naakigo béé'ályaago chérabim wolyéii ádadoohłííł; hasht'e'nibída'doołniiłgo aa a'ááh hasinii bił haz'ání nineel'ánígi t'áá ałch'ishdę́ę́' sizį́įgo ádadoohłííł.

EXODUS 25:31

Bee hool'iní bá yadaa'áhígíí éí óola t'áá bízhání bee ádadoohłííł. Óola hasht'e'nibí'dííłniiłgo bá si'ánígíí índa dego bá yadaa'áhígíí áádóó bílátah dah na'azką́ągo ak'ah biih náhádzídígíí áádóó éí bitł'ááh ní'deeskǫ'ígíí índa ch'ilátah hózhóón bee naashch'ą'ígíí éí t'áá ła' bizhi'ee ádadoohłííł.

ISAIAH 1:13

Náádahaniihii t'áadoo biniyéhí daígíí t'áadoo nidahohjáhí; tsin bijeeh dilidgo łikání halchinii áádóó hááníbąsgo nihi'áłah ná'ádleehígíí áádóó nihihá'áyį́į́h jį́ áádóó dílzingo áłah nídaahdleehígíí doo yinishdin da; doo ákwii át'éii bił naazhóodgo baa áłah nídaahdleehgo doo shił aaníi da.

JEREMIAH 4:5

Júdah kéyahgi baa dahołne', áádóó Jerúsalem kin haal'áagi bee nidadołghaash, Kéyahgi deenásts'aa' bidee' bee ída'dohsooł. Ahóokáahgo, tį' kin hadaas'á ditą́ągo binída'astł'inígóó dadiikah, diníigo ts'ídá yéego bee nidílghaash.

HOSEA 8:1

Deenásts'aa' bidee' bee í'dílzoołí ázanitsééh. Atsági át'éego ana'í éí Diyin God bikin bii' sohodizin yik'i hwiidooleeł, háálá shibee aha'deet'áanii k'ídeizti' áádóó shibee haz'áanii doo ákǫ́ǫ́ ádayííł'įįd da.

JOEL 1:14

Hodílzingo doo adą́ ats'ánóh'aah; hodílzingo áłah doohłeeł biniyé bíká ádadohní. Hastóí aląąjį' naazíinii áádóó kéyahgóó kéédahat'íinii t'áá ałtso Bóhólníihii bikin góne' áłah ádaohłéehgo Bóhólníihii yéego nídaohkąąh.

JOEL 2:1

Dził Záiyangi deenásts'aa' bidee' bee í'dísooł áádóó shidził diyinii bighą́ą́'góó bee i'doolnihgo didoots'į́į́ł. Háni' kéyahgóó kéédahojit'íinii t'áá ádzíłtso hatah dahoditłid, háálá Bóhólníihii nídoodáłígíí baa hodoolzhish. T'áá aaníí, k'adę́ę baa hoolzhíísh.

NUMBERS 10:1

Áádóó Bóhólníihii éí Mózes yich'į' hanáánáádzíi'go ání,

NUMBERS 10:7

Áádóó oonéłígíí áłah ádooníiłgo éí áłts'ísígo dilní nídiiłts'į́įh doo, nidi doo bee i'ílníhígi át'éego nízaadgóó nídiiłts'į́įh da doo.

EPHESIANS 4:5

áádóó Bóhólníihii t'ááłá'í, áádóó oodlą́ t'ááłá'í, áádóó bee alzį́įhii t'ááłá'í,