NUMBERS 1:3 - Navajo Bible

³ Ízrel dine'é danilíinii bitahgi naadiindóó yówehgo béédááhaii ana'al'į́ yídaneel'áanii t'áá ałtso dah deínéehii Éran bił yídííłtah.

NUMBERS 1:3 ပူးပေါင်းရင်းမြစ်များ

II SAMUEL 24:9

Ákohgo Jó'ab éí Ízrel dine'é jííłta'go diné ánéelą́'ígíí naaltsoos bikáá' ájiilaago aláahgo naat'áanii baazhníłtsooz; nít'éé' Ízrel dine'é doo nídanilyéesii tseebíidi neeznádiindi mííl ánéelą́ą'go diltłish bee na'abaah dayiichįįh lá, áádóó Júdah dine'é ashdladi neeznádiindi míilgo ánéelą́ą́' lá.

I CHRONICLES 5:18

Áádóó Rúben dine'é áádóó Géed dine'é índa Manáseh dine'é ałníí'dóó doo nídanilyéesii naagé índa diltłish nideiłjid yídaneel'áanii áádóó da'diłt'ohii índa na'abaah dayiichįįhii dízdiindóó ba'aan dį́įdi mííldóó ba'aan tsosts'idi neeznádiindóó ba'aan hastą́diin nídahidiibaa'.

II CHRONICLES 25:5

Náá'áłdó' Amazáíyah éí Júdah dine'é áłah áyiilaago dahazhé'é yę́ę ba'áłchíní náás ahoolchíiłii bik'ehgo mííl siláo dah deínéehii áádóó neeznádiin siláo dah deínéehii yindanit'a'í danilį́įgo Júdah dine'é índa Bénjamin dine'é yá niinínil. Áádóó naadiindóó dego béédááhaígíí yiyííłta' nít'éé', éí táadi neeznádiin diné néidiinilígíí, anaa' biniyé hasht'e'ádadiilyaii, tsiidétáán áádóó naagé nideijaahgo yídaneel'ą́.

EXODUS 12:17

Áádóó hodílzingo áłah náhdleeh baa nináhkahgi díík'ǫsh t'áágééd bááh ályaii nídaohdį́įh doo, háálá t'áá éí bijį́į́dą́ą́' Ííjip kéyahdę́ę́' nidine'é dah deínéehii ch'íní'eezh ni'. Éí bąą ła'a jį́ hodílzingo áłah náhdleeh góne' náás da'ahíínółchííhgóó bik'eh hoogáałgo ahool'áa doo.

EXODUS 30:14

Íighah dah dahizhdiikáahgo daho'déélta'ígíí naadiin hwéédááhaidóó degoígíí t'áá ádzíłtso éí Bóhólníihii díí baa dahizhdidoo'ááł.

EXODUS 38:26

Jó, dinéhígíí t'ááłá'í nítínígo bííka wolyéii nidayiizhjaa'; éí shékel ałníí'dóó hodiyingo haz'ą́ągi choo'íinii bik'ehgo ákónéelt'e'go wólta'; t'ááłá'í jinítínígo dah ho'dólta'góó nidadziskai; naadiin hwéédááhaidóó degoígíí t'áá ádzíłtso naaltsoos bikáá' daházhi' ádaalyaii; hastą́ądi neeznádiindóó ba'aan táadi mííldóó ba'aan ashdladi neeznádiindóó ba'aan ashdladiin nida'iizhjaa' lá.

NUMBERS 14:29

Díí honoojítahgi danihits'íís dadínóonééł; jó, danihi'déélta'ígíí t'áá ánółtso naadiindóó yówehgo nihéédááhaii shich'į' saad dahonohłǫ́ǫ́ nít'e'ígíí nanihídoodįįł.

NUMBERS 26:2

Ízrel dine'é dabizhé'é yę́ę ba'áłchíní náás ahoolchíiłii t'áá ałtso bik'ehgo naadiindóó yówehgo béédááhaii ana'al'į́ yídaneel'áanii t'áá ałtso Ízrel dine'é bitahgi yídóoł tah.

NUMBERS 3:15

Líívai dine'é yíníłta'; éí dabizhé'é yę́ę ba'áłchíní ahoolchíiłii áádóó ahii' háá'ahoolchíiłii bik'ehgo ashiiké t'ááłá'í bee nídadeezidóó yówehgo béédááhaii t'áá ałtso deídííłtah.

NUMBERS 32:11

T'áá aaníí, Ííjip kéyahdę́ę́' diné ch'ínákaígíí naadiindóó yówehgo béédááhaígíí t'ááłá'í nidi éí Éíbraham áádóó Áízak índa Jéíkab bich'į' kéyah bee ádee haasdzí'ígíí éí kéyahgi doo dahwiizdoołtséeł da, háálá doo t'áá íiyisí shik'ehgo dajíkáah da nít'éé'.

NUMBERS 33:1

Ííjip kéyahdę́ę́' Ízrel dine'é bisiláo yił daníjaa'go Mózes áádóó Éran boo'ishgo kót'éego ch'ídahaazná.

NUMBERS 4:3

tádiindóó ashdladiin béédááhaijį' éí níbaal bii' dahozdísinii yindadoolnishgo yaa daneesánígíí ałtso yíníłta'.

DEUTERONOMY 24:5

Diné ła' ániid be'asdzą́ą́ hazlį́į'go doo anaa'góó doogáał da, áádóó doo ha'át'éegoda naanish bee bóhólníihgo óolzin da doo, nidi be'asdzą́ą́ silį́'ígíí yił hóshǫ́ǫ doo biniyé bighangi naagháago t'ááłá'í nídoohah.

DEUTERONOMY 3:18

Áko íídą́ą́' bee ánihidííniidgo ádíshní, Bóhólníihii nihiDiyin God díí kéyah nihaidiní'ánígíí nihíí' ádaahłééh. Doo nídanilyéesii danohłíinii, bee na'abaahí hasht'eet'éego ádaahłéehgo nihik'isóó Ízrel dine'é danilíinii bilą́ąjį' ha'naa nidooh'nééł.