MATTHEW 9:3 - Navajo Bible

³ Áádóó jó'akon, bee haz'áanii yínda'niłtinii ła' t'áá biyi'ídi ádadííniid, Díí diné éí Diyin God doo yidósingóó yáłti'.

MATTHEW 9:3 ပူးပေါင်းရင်းမြစ်များ

LEVITICUS 24:16

Áádóó ła'da Bóhólníihii bízhi' doo jidísingóó bá hadzoodzíi'go éí t'áá aaníí hodi'yoolyééł; dah oonééł t'áá át'é t'áádóo nídí hoł nidazdoołniił; dé'éyóní índa kéyah bii' ho'dizhchíinii éí Bóhólníihii bízhi' doo jidísingóó bá hadzoodzíi'go hodi'yoolyééł.

NUMBERS 15:30

Nidi diné ła' t'áá bizááká ádił ni'iilzíihgo éí kéyahgi ho'dizhchį́įgo, doodaii' dé'éyóní jílį́į dago, Bóhólníihii doo jidísingóó bik'ijį' hadziidziihii éí Ízrel dine'é bits'ą́ąjį' hodi'yoolyééł.

MATTHEW 26:65

Nít'éé' aláahgo náá'iiłniihii ák'ina'ooldláadgo ání, Diyin God baa'ihgo bá hadzoodzíí'. Ha'át'íishą' biniyé ła' ch'ínáádahót'aah doo? Jó, k'ad Diyin God baa'ihgo bá hadzoodzíi'go dahosidoots'ą́ą́'.

MATTHEW 7:29

háálá naat'áanii ídlį́įgo na'nitinígíigi át'éego naz'neeztą́ą́', bee haz'áanii yínda'niłtinii nahalingo éí dooda.

MARK 14:64

Diyin God baa'ihgo bá hadzoodzíi'go dahosidoots'ą́ą́'. Éí haash yit'éego baa nitsídaahkees? Nít'éé' hodi'yoolyéełgo t'áá ałtso há hadaasdzíí'.

MARK 3:28

T'áá aaníígóó ánihidishní, Diné yee bąąhági ádaat'íinii ts'ídá t'áá ałtso, áádóó Diyin God baa'ihgo bá yáti' t'áá ałtso éí bá yóó'anídahidit'aah dooleeł,

MARK 3:29

nidi t'áá háiida Níłch'i Diyinii baa'ihgo yá hahadziihígíí, éí ts'ídá doo bá yóó'anídidoot'áał da, nidi éí hool'áágóó bąąhági át'éii bee ádąąh dah hodzist'ą́,

MARK 7:21

Háálá diné bii'dę́ę́', bijéí bii'dę́ę́' nichxǫ́'ógo nitsáhákees hahwiileeh, adilyé, na'ageh bee tsi'na'adá, diné naatseed,

LUKE 5:21

Áko bee haz'áanii yínda'niłtinii índa Férisii danilíinii nida'ídí'níiłkidgo ádaaní, Díí Diyin God í'diilyaago hahadziihígíishą' háí át'į́? Háishą' ádił ni'iidzííh á yóó'iidii'aah? Diyin God t'éiyá ni.