MATTHEW 8:3 - Navajo Bible

³ Áko Jesus k'ídeesníi'go hodeelchid kóníigo, Íinisin lą́ą; łóód nąąh óodįįh. T'áá áko łóód ats'íís yiyáanii naałdzidii yę́ę hąąh ásdįįd.

MATTHEW 8:3 ပူးပေါင်းရင်းမြစ်များ

GENESIS 1:3

Áádóó Diyin God ádííniid, Adinídíin le'. T'áá áko adinídíín hazlį́į́'.

II KINGS 5:11

Nidi Néíyaman báhóóchįįdgo dah nídiidzáago ání, Shą́ą́' hanii shich'į' ch'ízhdoogáałgo shidááhdóó yizdoozįįłgo Bóhólníihii haDiyin God yízhdóozhiiłgo hála' bee shikáá' tázhdidoolnihgo shilóód nízhdoołdzih nisin nít'éé'.

II KINGS 5:14

Áádóó ákóyaa dah diiyáago Diyin God yá naal'a'í ádííniidígíí bik'ehgo Jórdan tooh bii' tsosts'idi ninázbį́į́', áádóó halóód náádzíi'go áłchíní bits'ísígi át'éego hats'íís náhásdlį́į́' índa ho'déédee'.

PSALMS 33:9

Háálá t'óó hadzoodzíi'go bohoolyaa, áádóó hadzoodzíi'go nahasdzáán niilts'id.

EXODUS 4:7

Áádóó Diyin God ánááhodoo'niid, Nijéíts'iinjį' át'anáádílnííh. Áko át'anáázhdoolnii' áádóó hanínáázhdoolnii', nít'éé' t'áá hatsį' yę́ęgi át'é násdlį́į́' lá.

MATTHEW 12:13

Ákohgo diné bíla' bąąh dah haz'áanii ííłní, K'ídílchííd. Áko k'ídeeshchidgo bíla' t'áá łahjí át'éhígi át' éego hadaałt'é násdlį́į́'.

MARK 1:41

Áádóó Jesus haa a'ááh niizį́į'go k'ídeesnii'go hodeelchidgo ání, Íinisin lą́ą; łóód nąąh óodįįh.

MARK 4:39

Áko ch'éédzídzidgo níyol dzideeztehgo tó ábijiní, K'adí! Hasht'edít'eeh! Áko ííyol, índa t'áá íiyisí hodiiyeel.

MARK 5:41

Áko at'ééd bíla' jiiłtsoodgo ábijiní, Talétha kóomii, éí, At'ééd, nídiidááh nidishní, jiníigo óolyé.

MARK 7:34

áádóó yá'ąąshgóó dzidéez'į́į'go ádił hadzoodzolgo áhojiní, Éfatha, éí, Ąą ánínééh, jiníigo óolyé.

MARK 9:25

Nít'éé' Jesus éí diné t'óó ahayóí kodę́ę́' dayíjeehgo jiiłtsą́ągo níłch'i nichxǫ́'ígíí dzideeztehgo ábijiní, Ni, níłch'i doo yájíłti'góó áádóó doo azdiits'a'góó áhwiinilaii hwii'dę́ę́' haninááh, áádóó t'ááká hwiih náodza' yíila', nidishní.

LUKE 4:27

Áádóó Iiláísha Diyin God yá halne'ii ałdó' hináádą́ą́' Ízrel bikéyahgi łóód ats'íís yiyáanii naałdzidii bee bąąh dah nidahaz'ánígíí t'óó ahayóí nít'éé', nidi t'áadoo ła' náábi'dooldzí'í da, nidi Néíyaman, Síriyadę́ę́' diné nilíinii, t'éiyá nábi'dooldzíí'.

LUKE 5:13

Áko Jesus k'ídeesníi'go hodeelchidgo áháłní, Íinisin lą́ą; łóód nąąh óodįįh. T'áá áko łóód ats'íís yiyáanii naałdzidii hąąh ásdįįd.

LUKE 7:14

Áádóó hwíighahgi deeyáago bee nidaho'diltéhígíí yideelchidgo, da'íłteehii deizį'. Áko daaztsánígíí áyidííniid, Dinééh, ándishní, Nídiidááh.

JOHN 11:43

Kót'éego hadzoodzíi'go, yéego hazhdoolghaazhgo ázhdííniid, Lázaras, wóshdę́ę́' ch'ínínááh!

JOHN 15:24

Diné t'ah doo ííléehii doo bitahgi baa niséyáágóogo, doo ádił da'asziih da doo nít'éé', nidi k'ad shí áádóó shiTaa' t'áá áníidla danihijiiłtsą́ áádóó nihik'ee dazdeeznih.

JOHN 5:21

Jó, aTaa' éí daneeznánígíí néidiyiiłjeehgo iiná yeidii'aah, ts'ídá t'áá éí bił ahináłt'éego aYe' t'áá hóznízinígíí iiná baa hizhdi'aah.