MATTHEW 7:7 - Navajo Bible

⁷ Da'íínóhkeed, áko deínóhkeedígíí nihaa dadoolyééł; hádaaht'į́, áko hádaaht'ínígíí bik'ídadoohkah; dáádílkał nídanołts'in, áko nihá ąą ádadoolnííł.

MATTHEW 7:7 ပူးပေါင်းရင်းမြစ်များ

GENESIS 26:32

Ákódzaago t'áá éí bijį́ Áízak bá nidaal'a'í yíkaigo tó hadayiiznilígíí yee hoł dahoolne'go ádahodííniid, Tó bik'ida'siigeed.

I KINGS 3:5

Áko Gíbiyandi Sálaman éí tł'ée'go Bóhólníihii hach' į' yit'íní í'diilyaago baa nijiiyeełgo Diyin God kóshíłní jinízin, Shííníkeedígíí naa dideesh'ááł.

PSALMS 10:17

Bóhólníihii nílíinii, a'ohgo ádaat'éii yídin danilíinii bá disíníts'ą́ą́'; dabijéí dabidziilgo áńdandle' dooleeł; éí bich'į' dah díníit'aahgo diits'į́į́h,

PSALMS 10:4

Diné doo yá'áshóonii ádaa dzódlíigo doo Diyin God hát'į́į da. Diyin God ts'ídá doo yaa nitsíkees da.

PSALMS 119:12

Bóhólníihii nílíinii, naa ha'niih le'! Bee nihoyíní'áanii bínashiníłtin!

PSALMS 27:8

Háshidíní'į́į́', shidííníniidgo shijéí áníłní, Bóhólníihii nílíinii, hándésh'į́į́'.

PSALMS 34:4

Bóhólníihii hanishtáago shich'į' ééhoosįįd, áádóó bik'ee shił yée'ii t'áá ałtso yits'ąą yisdáshííłtį́.

PSALMS 37:4

Áádóó ałdó' Bóhólníihii baa nił nihoozhǫǫh, áko nijéí bee bídin nílíinii neidiyii'aah doo.

PSALMS 50:15

Nihide áhoot'įįhgo nídashiinohkąąh, áko yisdánihideeshnił áádóó ayóó át'éego shaa dahohniih doo.

PSALMS 69:32

A'ohgo ádaa nitsídaakeesii díí dayiiłtsą́ągo bił dahózhǫ́ǫ doo. Nihí Diyin God há daoht'íinii, nihijéí hááda'iiłdįįh le'.

PSALMS 70:4

Háni'dii hadaninitáii t'áá ałtso bił nidahoozhǫǫh áádóó ninahjį' bił dahózhǫ́ǫ le'! Nibee yisdá'iildééh ayóó'ádayó'níinii t'áá áłahíjį', Bíni'dii Diyin God éí ayóó át'éego baa ha'niih, daaníi le'!

PSALMS 86:5

Háálá ni, Bóhólníihii nílíinii, yá'át'éehii nílį́ áádóó ádi ł oodzíí' á yóó'ahidí'aah áádóó nídanookąąhii t'áá ałtso bich'į' nił hadlee'go baa a'ááh nínízin.

PROVERBS 8:17

Ayóó'ádashijó'níinii ayóó'ádahósh'ní, áádóó t'áá hahígo shíkadantáii shik'ídahidookah.

SONG OF SOLOMON 3:2

K'ad nídideesh'nahgo kintahgóó deesháałgo kintaa da'aztiingóó índa hóteelgo dahonít'i'góó t'áá íiyisí ayóó'óósh'níinii há dídéesh'įįł. Hanítą́ą' nidi, t'áadoo bik'íníyáa da.

ISAIAH 30:19

Dził Záíyandi, Jerúsalem kin haal'áagi kéédahat'į́ danohłíinii, doo atínínáádadinohdleeh da doo; nicha yidiizts'ą́ą'go t'áá íiyisí nihaa jiidoobaał; t'áá yidiizts'ą'í nihich'į' ééhodoosįįł.

JEREMIAH 33:3

Shich'į' sodílzin, áko nich'į' ééhodeesįįłgo ayóó ádaat'éii índa ayóó ádabóodziilii doo nił béédahózinii nich'į' yit'íní ádadeeshłííł.

AMOS 5:4

Jó, Bóhólníihii éí Ízrel dine'é ííłní, Shíká ádaaht'į́įgo dahinohnáa doo.

MATTHEW 18:19

Áádóó ánáánihidish'ní, Nahasdzáán bikáa'gi nihitahgi nidinołt'éego ha'át'íida bee aha'di'nooht'ą́ągo yínóhkeedígíí, shiTaa' yá'ąąshdi hólóonii nihá yi'doolííł.

MATTHEW 21:22

Áko da'iinohdlą́ągo t'áá ha'át'íhída dayínóhkeedgo sodadołzingo, éí nihaa dahalyée doo.

MATTHEW 6:33

Nidi Diyin God bee bóhólníihgo bił haz'áanii áádóó yee ts'ídá t'áá ákogi át'éii alą́ąjį' hádaaht'į́, áko éidí t'áá ałtso nihá bíidoolyééł.

MATTHEW 7:11

Áko nihí doo yá'ádanoht'éeh da nidi, aa doolyéełii yá'ádaat'éehii nihada'áłchíní baa dadoohłéełii nihił béédahózingo, éí bilááh át'éego nihiTaa' yá' ąąshdi hólóonii ha'át'íhída yá'ádaat'éehii bídajókeedígíí haa yiiníiłgo át'é.

MATTHEW 7:8

Háálá t'ááłá'í jinítínígo dajókeedii éí haa dahalyé, hádajit'ínígíí bik'ídajiikááh, índa dáádílkał nídazniłts'inígíí há ąą ádaalne'.

MARK 11:24

Éí bąą ánihidishní, T'áá ha'át'íhída dayínóhkeedgo bíká sodadołzinígíí éí t'áá íídą́ą́' nihaa deet'ą́ągo deinohdlą́ą le', áko danihíí' dooleeł.

LUKE 13:25

Kin bee bóhólníihii nídidoo'nahgo dádi'doołkał, áko nihí t'áá tł'óo'di nidasoozį́įgo, dáádílkał nídanołts'ingo ádadohníi doo, Bóhólníihii, [Bóhólníihii,] nihá ąą ánílééh. Áko ánihididooniił, Nidaahkaidę́ę́' doo shił bééhózin da.

LUKE 18:1

Áádóó diné t'áá áłahjį' sodadilzin dooleełgo, áádóó doo bąąh nidahwiikaad da doo biniyé, hane' bee ak'idi'dootį́įłii bee bił hojoolne'go

JOHN 15:16

Nihí doo nídashidoołtį́į da, nidi shí t'éí nánihiyéláa'go ninihinínil, nihits'ą́ą́dóó aneest'ą' nidahwiileeh doo biniyé dahidohkááh, áko nihineest'ą' t'áá hólǫ́ǫ doo, áádóó t'áá ha'át'íhída shízhi' bee aTaa' bídayínóhkeedígíí, éí nihaididoo'ááł.

JOHN 15:7

Áko shii' dahonohłǫ́ǫgo, áádóó shizaad nihii' dahólǫ́ǫgo, t'áá danohsinígíí dayínóhkeed, áko nihá bi'doolnííł.

JOHN 4:10

Jesus hach'į' hanáánáádzíi'go áhodííniid, Diyin God einíláhígíí áádóó, Tó ła' shaa níkaah, niłnínígíí bééhonísingo bídíí'níkeedgo, tó hináanii neidookááł nít'éé'.

ROMANS 2:7

Áko hada'jólníigo yá'át'éhígi ádajooníłígíí bee aa ha'niih áádóó ił ídlį́ índa iiná doo ninít'i'ii t'áá hazááká bíká ádajit'ínígíí éí hool'áágóó jiináa doogo Diyin God haididoo'ááł.

ROMANS 3:11

doo nidi ła'da ak'i'diitįįh da, doo nidi ła'da Diyin God bééhodeesįįł nízingo háidéez'į́'í da.

HEBREWS 11:6

T'áá háiida hwe'oodlą' t'áágééd éí Diyin God ts'ídá doo bił hojíshǫ́ǫ le' át'ée da. Háálá t'áá háiida Diyin God baa deeshááł jinízinígíí éí Diyin God hólǫ́ǫgo índa t'áá éí hádaat'íinii yik'ijidlí jinízingo ts'ídá joodlą́ą doo.

JAMES 5:15

Díí Diyin God dayoodlą́ągo yaa dadzólíigo sodadilzinígíí beego, hatah honeezgai doo ájít'éhí da nízhdoodleeł; Bóhólníihii nááhodidoołááł, índa ádił ni'dziilzííh ládą́ą́' há yóó'anídidoot'ááł.

I John 3:22

T'áá ha'át'íhída bídayíníikeedgo bits'ą́ą́dóó nihee nidahwiileeh, háálá yee has'áanii bik'eh dahoniil'į́įgo bił hóshóonii baa nideiikai.