MATTHEW 7:2 - Navajo Bible

² Háálá bee aa nídaaht'íinii t'áá éí bik'ehgo nihaa nídahódóot'įįł, áádóó t'áá ła' bá ída'nooł'ąąd yę́ęgi ánéelt'e'go nihá ínídadí'nóol'ąął.

MATTHEW 7:2 ပူးပေါင်းရင်းမြစ်များ

II SAMUEL 21:5

Nít'éé' aláahgo naat'áanii ánáádeidoo'niid, Éí diné nanihistseedígíí áádóó nihinahazgizgo Ízrel dine'é bikéyahgóó t'áá át'éé nít'éé' doo ła' diidzihgóó nihinahaz'ą́ą́ nít'éé' yę́ę bik'édígi,

PSALMS 109:17

Ódziih bił ayóó áhoot'éé nít'éé', áko nábi'dódziih! Ła'da yik'iizhdoodliiłígíí doo yaa bił hózhǫ́ǫ́góó doo ła'da hak'i néizhdoodliił da!

EXODUS 21:24

Bináá' atíjiilaago hanáá' atínídoolnííł; biwoo' atíjiilaago hawoo' atínídoolnííł; bíla' atíjiilaago hála' atínídoolnííł; bikee' atíjiilaago hakee' atínídoolnííł;

ISAIAH 33:1

Agha'ayí'níiłii nílį́įgo doo nigha'iisnilii, niná'diyii'aahii nílį́įgo doo nináni'deet'áanii doo hojooba' ájíníi da! Doo agha'ayí'níił da sínílį́į'go nigha'di'yoo'nił áádóó doo niná'diyí'aah da sínílį́į'go ninándi'doot'ááł.

JEREMIAH 34:17

Éí bąą Bóhólníihii kóní, Diné t'ááłá'í nootínígo nihik'is índa nihił kééhat'íinii k'ad doo naalte' danohłį́į da, dadohníigo t'áadoo dashíísóołts'ą́ą' da. Jó, k'ad diltłish áádóó naałniih índa dichin nihich'į' badahonídlee'go ánihideeshłíiłgo bee nihił hashne'. Nihookáá'góó ał'ąą dine'é kéédahat'į́į́góó aláahgo binanit'a'í dahólǫ́ǫ́góó nihik'ee t'óó bił adahayóigo ánihideeshłííł.

JEREMIAH 51:24

Bábilan dine'é índa Kaldíya dine'é éí Dził Záíyandi doo yá'ádaashóonii t'áá át'é ninááł baa nidziskaii k'éédahodideeshdlííł, ní Bóhólníihii.

OBADIAH 1:15

Jó, Bóhólníihii beidoołkáłígíí ał'ąą dine'é t'áá ałtso bik'i hwiidooleeł. T'áá íínít'įįdígi át'éego nich'į' áhodoonííł; íinidzaaígíí nik'ijį' nídoodleeł.

MATTHEW 6:14

Háálá diné nihich'į' doo ákǫ́ǫ́ ádáát'įįdii bá yóó'adahidoh'aahgo nihiTaa' yá'ąąshdi hólóonii bich'į' doo ákǫ́ǫ́ ádaot'įįdii ałdó' nihá yóó'iidii'aah doo,

MARK 4:24

Áádóó Jesus ánáádoo'niid, Dadoohts'a'ígíí hazhó'ó dayísółts'ą́ą́', háálá t'áá ła' bá ída'nóoł'ąądígi ánéelt'e'go nihá índa'dí'nóol'ąął, áádóó da'doohts'a'ígíí t'áá biláahgo nidi nihaa náádidoot'ááł.

LUKE 6:38

nihił dahadlee', áko nihada'doodił; le'dółt'e'go daneel'ą́ągo áádóó níłk'íbí'nees'nii'go áádóó yaa yisdzidgo índa wó'ąhazhóoshgo bił áłká dasoołzaaz doo. Háálá t'áá ła' bá ída'nóoł'ąąd yę́ęgi ánéelt'e'go nihá ínídadí'nóol'ąął.

II CORINTHIANS 9:6

Jó, díí ááhdishní: t'áá háiida áłch'į́į́dígo k'éé'dídléehii áłch'į́į́dígo ná'áyish doo, índa lą'ígo k'éé'dídléehii lą'ígo ná'áyish doo.

JAMES 2:13

Háálá doo aa a'ááh jiniizį́'ígíí éí Diyin God doo haa a'ááh nízingóó há nihodoo'ááł; aa a'ááh hasin éí aa hwiinít'į́ yik'eh didlį́.

REVELATION 18:6

T'áá ájíít'įįdígíí bik'ehgo áádóó ahą́ą́h nániidlá bik'ehgo k'éédahodohdlééh. Bee adlání bii' ałtah azníziidii naakidi ákónánéilt'e'go há ałtah nánóhdzííd.

JUDGES 1:7

Adónai-bíízek ání, Tsosts'idiingo aláahgo naat'áanii bílátsoh índa bikétsoh dahágizh; éí shibikáá' adání bikáá'dę́ę́' ch'iyáán hadahineezdee'ígíí deiyą́ą́ nít'éé'. Ákódeishłaaígi át'éego Diyin God k'ééshidiidlaa. Áko Jerúsalem kin haal'áágóó dahazyį́įgo áadi dadziztsą́.

JUDGES 5:27

Hakétsį́įjį' naa'íígo', índa k'ídahineezdéél; jó, hakétsį́įjį' naa'íígo'; t'áá ákǫ́ǫ́ naa'íígo'ígi daaztsą́.

I SAMUEL 15:33

Nidi Sámuel ání, T'áá nidiltłish bee asdzání bada'áłchíní ásíníłdįįdígi át'éego sáanii bitahgi nimá ałdó' ba'áłchíní ádooldįįł. Áko Gílgal haz'ánígi Bóhólníihii binááł Sámuel éí Éígag niyiisne'.