MATTHEW 7:1 - Navajo Bible

¹ Doo nihaa nídahódóot'įįłígíí biniyé t'áadoo aa nídaaht'íní.

MATTHEW 7:1 ပူးပေါင်းရင်းမြစ်များ

ISAIAH 66:5

Nihí Bóhólníihii bizaad bits'ąą dasoohti'ii, t'áá éí dadoohts'į́į́h; nihik'isóó danihijoołháago shízhi' biniinaa ch'ídanihiistł'íidii ádadííniid, Bíni'dii Bóhólníihii baa ha'niih le', áko nihich'į' ííshją́ą́ í'diilyaago nihił dahózhǫ́ǫ doo. Nidi hó t'éí yádazdínóozįįł.

MATTHEW 7:2

Háálá bee aa nídaaht'íinii t'áá éí bik'ehgo nihaa nídahódóot'įįł, áádóó t'áá ła' bá ída'nooł'ąąd yę́ęgi ánéelt'e'go nihá ínídadí'nóol'ąął.

MATTHEW 7:5

T'óó áhodil'íní nílíinii, áłtsé nástáán ninák'ee sitánígíí hanitįįh, áko índa hazhó'ó ííní'į́įgo nik'is binák'e oolts'idígíí bá hadíí'ááł.

LUKE 6:37

T'áadoo aa nídaaht'íní, áko nihí ałdó' doo nihaa nídahódóot'įįł da; t'áadoo át'éégóó t'áadoo diné bá hadahohdziihí, áko nihí ałdó' t'áadoo át'éégóó diné doo nihá hadadoodzih da; bąąhági át'éii ahá yóó'adahidoh'aah, áko nihí ałdó' nihibąąhági át'éii nihá yóó'adahididoot'ááł;

LUKE 6:41

Áko ha'át'íí biniyé nik'is binák'e'oolts'idígíí níníł'į́, nidi t'áá ni nástáán ninák'ee sitánígíísh doo baa ákonínízin da?

JOHN 8:7

Áko t'ah nidahódíłkidgo, de ádziidzaago ábizhdííniid, T'áá háiida nihitahgi ts'ídá t'ah doo ádił iisiihii éí háni'dii átsé tsé bee díí asdzání nízhdidoołniił.

JAMES 3:1

Shik'isóó, lą'í nołt'éego na'nitiní daohłe' lágo, háálá nida'niitinígíí t'ah aláhídi át'éego bik'e'ashch'íi'go nihaa nídahódóot'įįłgo nihił béédahózin.