MATTHEW 5:9 - Navajo Bible

⁹ K'é nídahoołeełii bik'idahojidlí, háálá Diyin God ba'áłchíní dabidi'níi doo.

MATTHEW 5:9 ပူးပေါင်းရင်းမြစ်များ

I CHRONICLES 12:17

Nít'éé' David ch'íníyáago hach'į' haadzíi'go áháłní, K'é dashididoohniiłgo shíká adoohjah biniyé shaa noohkaigo t'éiyá nihił ła'í nishłį́į doo. Azhą́ doo ákogi át'éii t'áadoo íishłaa da nidi shi'ana'í bich'į' ninádashidinoh'aah biniyé noohkaigo dashizhé'é yę́ę biDiyin God nihiidoołtsééł áádóó nihididooteh.

PSALMS 120:6

K'é yijoołáii bitahgi kééhasht'į́įgo t'áá íiyisí nízaadgóó ahoolzhiizh.

PSALMS 34:12

Háí diné shį́įshą' iiná bee ní'deeshdįįł, áádóó yá'át'éehgo shíyoołkáał doo nízin?

MATTHEW 5:45

áko nihiTaa' yá'ąąshdi hólóonii ba'áłchíní danohłį́į doo, háálá doo yá'át'ééh ádaaníiłii índa yá'át'ééh ádaaníiłii bá háá'át'áahgo áyósin, áádóó t'áá ákogi ádaaníiłii índa doo t'áá ákogi ádaaníiłii bá nááháltį́įhgo áyósin.

MATTHEW 5:48

Éí bąągo nihiTaa' yá'ąąshdi hólóonii ts'ídá t'áá ákóne' át'éhígi át'éego, nihí ałdó' ts'ídá t'áá ákóne' ádanoht'ée le'.

LUKE 20:36

háálá doo náádínóo'néeł da, jó, diyingo nidaal'a'í bił ahidajíłt'é, índa náádi'yiijeeh ba'áłchíní dajílį́įgo Diyin God ba'áłchíní dajílį́.

LUKE 6:35

Nidi nihida'ana'í ayóó'ádeínóh'ní, áádóó yá'át'éehgo ádaaht'į́, áádóó t'áadoo le'é ada'iyohnííł, t'áadoo k'ééshidi'doolnííł danohsiní, áko yá'ąąshdi nihaa dahidoolyéełii ayóó ádaat'ée dooleeł, áádóó nihí Ts'ídá Aláahgo Át'éii ba'áłchíní danohłį́į dooleeł, háálá éí doo ahééh danízinii índa doo yá'ádaashóonii yaa jooba'.

ACTS 7:26

Biiskání ła' ałk'i náánéílwod léi' baazhníyá, áko k'é ná'ahididoo'niił biniyé kóbijiní, Shoo, hastóí, ałk'isyee' nohłį́, ha'át'íishą' biniyé atí'ahoł'į́?

ROMANS 12:18

Bohónéedzą́ągo t'áá bídanooł'ánígi áníłtsogo diné t'áá ałtso bił k'é da'ahidoh'níigo kéédahoht'į́.

ROMANS 8:14

Jó, t'áá ádzíłtso Diyin God biNíłch'i Diyinii hoo'ishii éí Diyin God ba'áłchíní dajílį́.

ROMANS 8:16

Nihijéí tł'áahdi Níłch'i Diyinii t'áá bí nihiníłch'i ííłní, Diyin God ba'áłchíní danohłį́.

ROMANS 8:19

Háálá Diyin God ádayiilaii t'áá ałtso Diyin God ba'áłchíní yit'íní íidoolíiłgi t'áá íiyisí nidayólíigo yiba' ádaat'é.

I CORINTHIANS 6:6

Nidi oodlání nohłį́įgo éí doo oodlání ánihwii'aahii nilíinii náánáła' oodlání nilíinii nihá yaa nídóot'įįłgo biniyé bich'į' nidahoh'éésh.

II CORINTHIANS 13:11

Shik'isóó, bee ninisht'éehii éí díí, Diyin God nihił hólǫ́ǫ doo. Hadanołt'éego, ałk'i dahołta'go, t'áá aheełt'éego nitsídaahkees, ałch'į' k'é danohdzingo hazhó'ó kéédahoht'į́, áko Diyin God ayóó'ó'ó'níinii índa t'áá éí ach'į' hózhǫ́ eidii'aahii nihił hólǫ́ǫ doo.

II CORINTHIANS 5:20

Éí bąą nihí Christ yá naazíinii daniidlį́įgo Diyin God nihee hazhó'ógo ná'ookąąh. Diyin God bił k'é da'ahidohní danihidii'níigo Christ bá nídanihiikąąh.

GALATIANS 5:22

Nidi Níłch'i Diyinii bineest'ą' éí díí: ayóó'ó'ó'ní, ił hózhǫ́, hasht'ehodít'é, nízaadgóó ha'ahóní, ajooba', yá'át'éehii, a'ahódlí,

EPHESIANS 4:1

Éí bąągo shí, Bóhólníihii baa hashne'go biniinaa awáalyaaí nishłíinii nánihooshkąąh, Diyin God yiniyé nihíká ádííniidii bą́ą́h da'nohłį́įgo dayínóhkááh.

PHILIPPIANS 4:2

Yódiya nílíinii nánooshkąąh, Síntikii nílíinii ałdó' nánooshkąąh, Bóhólníihii bee t'áá aheełt'éego nitsóhkees nihidishní.

COLOSSIANS 3:13

Ałch'į' hada'íínółní, ła'da bich'į' saad dahosoołį́į'go bił k'é nída'ahididooh'niił; doo ákwii ádaoht'įįdii Christ nihá yóó'iidii'aahígi át'éego doo ákwii áda'ahoł'į́į́ nít'ée'ii ahá yóó'adahidoh'aah.

HEBREWS 12:14

Diné t'áá ałtso bił k'é da'ahidoh'níi dooleełígíí, áádóó diyingo dahinohnáa dooleełígíí bidadoołkaal. T'áá háiida doo ákójít'į́į́góó éí Bóhólníihii doo yizdoołtséeł da.