MATTHEW 5:8 - Navajo Bible

⁸ A'át'e' doo bijéí bii' dahólóonii bik'idahojidlí, háálá Diyin God dayoo'į́į doo.

MATTHEW 5:8 ပူးပေါင်းရင်းမြစ်များ

GENESIS 32:30

Áko Jéíkab ákwe'é Piináíyel hoolyée doo jidííniidgo ájíní, Diyin God bił ahiistsą́, nidi t'ah hinishná.

II SAMUEL 22:27

Ba'át'e' ádaadinii bich'į' na'át'e' ádingo í'díí'nílzin; ák'eh dahal'íinii bik'ijį' nílį́įgo í'díí'nílzin.

PSALMS 15:2

Ts'ídá t'áá ákóne' át'į́įgo yigáałii, índa t'áá ákogi ááníiłii, áádóó bijéí tł'ááhdę́ę́' t'áá aaníinii yee yáłti'ii lą́ą;

PSALMS 18:26

Ba'át'e' ádaadinii bich'į' na'át'e' ádingo í'díínílzin, áádóó ák'edahal'íinii bik'ijį' nílį́įgo í'díínílzin.

PSALMS 24:4

Bíla' chin bąąh ádinii índa bijéí a'át'e' bąąh ádinii lą́ą; t'áadoo biniyéhígóó danilíinii yich'į' bii' sizíinii doo yi'níłnii'ii, índa doo bina'adlo'góó ádee hadoodzíi'ii lą́ą.

PSALMS 51:10

Diyin God nílíinii, baa'ihii shijéí bii' ádingo ánílééh, áádóó níłch'i shii' hólónígíí ba'ahódlíigo ániidí ánánídlééh.

PSALMS 51:6

Jó, t'áá aaníinii yee át'é laanaa nínízin, áádóó shijéí bii'di bee hódzáanii shił bééhózingo áshílééh.

PSALMS 73:1

T'áá aaníí Diyin God éí Ízrel dine'é dabijéí bii' baa'ihii ádaadinii yaa jooba'.

PROVERBS 22:11

Diné bijéí a'át'e' bii' ádingo ayóó áyó'níinii éí jooba'go yáłti'ígíí aláahgo naat'áanii hak'is dooleeł.

ACTS 15:9

Doo bił ał'ąą ádaniit'éégóó ánihiilaa, nidi bi'oodlą' bee bijéí doo bąąh daachinígóó áyiilaa.

I CORINTHIANS 13:12

Jó, k'ad éiyá bii' adéest'į́į́' bii' doo hazhó'ó hoot'íinii bii' dzidéez'į́'ígi át'éego dadíit'į́į́', nidi áadi índa bił da'ahiníil'į́į doo. K'ad t'áá bighąądígi shił ééhózin, nidi áadi índa t'áá Diyin God shééhósinígi át'éego shił bééhodoozįįł.

II CORINTHIANS 7:1

Ayóó'ánihósh'níinii, díí kót'éego nihaa deet'ą́ągo biniinaa, haa'íshą' nihits'íís índa nihiníłch'i niyiiłchxǫǫhii nahjį' kódadiilnííł, áádóó Diyin God dadíníilzingo diyingo iiná hadaałt'éego ádadiilnííł.

TITUS 1:15

Yá'át'éehgo nitsídaakeesii éí t'áá ałtso yá'át'éehgo yaa nitsídaakees, doo da'oodlą́ą́góó nichxǫ́'ógo nitsídaakeesii éí t'áá ałtso doo yá'át'ééhgóó yaa nitsídaakees, háálá bintsíkees dááchxǫ', áádóó doo yá'át'éhígi ádaat'ínígíí doo yaa ákodanízin da daazlį́į́'.

HEBREWS 10:22

Áko ts'ídá t'áá aaníí ádii'níigo, áádóó t'áadoo naaki nilíní dahwiiniidlą́ągo, áádóó nihijéí tł'áahdi hadił bee nihibąąhági át'éii nihąąh ádingo bee ádaa ákodaniidzį́į'go, índa tó niłtólíii bee danihits'íís táádaasgizgo Diyin God baa dahidiikah.

HEBREWS 12:14

Diné t'áá ałtso bił k'é da'ahidoh'níi dooleełígíí, áádóó diyingo dahinohnáa dooleełígíí bidadoołkaal. T'áá háiida doo ákójít'į́į́góó éí Bóhólníihii doo yizdoołtséeł da.

HEBREWS 9:14

t'ah yówehígo át'éego Christ t'áá bí bidił yee ła'yiyiilaago éí ts'ídá hadaałt'éii nilį́įgo Níłch'i Diyinii doo niit'éehii biniit'aa Diyin God yich'į' náá'ádiisnii'. Áko Diyin God hináanii bá nidaał'a' dooleeł biniyé t'áadoo biniyéhígóó baa naahkai nít'ée'ii bits'ąą t'áá bí bidił yee nihíni' hasht'ééyoodlíił doo.

JAMES 3:17

Nidi yá'ąąshdę́ę́' bee hódzáanii éí, átséhí góne' chin bąąh ádinii át'é, áádóó k'é'nídzin, áádóó á'áhwiinít'į́'í, índa lą́ nízin, t'áá íiyisí aa a'ááh hasin índa yá'át'ééh ó'oo'nííł, áádóó ał'ohgo ahaa nitsáhákeesii índa t'óó áhodi'į́ bąąh ádin.

JAMES 4:8

Diyin God baa hohkááh, áko bí ałdó' nihaa doogááł. Bąąhági ádaahníiłii, nihíla' táádaahgis. T'áá naaki nilį́įgo nitsídaahkeesii, nihijéí chin bąąh ádaadingo ádaahłééh.

I PETER 1:22

Saad t'áá aaníinii bik'eh dahonoł'ínígíí bee nihii' sizíinii bąąhági át'éii bąąh ádingo ádanihi'diilyaa, áádóó Níłch'i Diyinii bee nihik'isóó danilíinii t'áá aaníí ayóó'ádeínóh'ní dasoolį́į́'. Áyąądą́ą́' ts'ídá haleebee ayóó'áda'ahíínóh'níi le'.

REVELATION 22:4

Hanii' dayoo'į́į doo, índa dabítáa'gi házhi' bik'idaasdzoh doo.