MATTHEW 5:7 - Navajo Bible

⁷ Aa a'ááh danízinii bik'idahojidlí, háálá éí baa a'ááh dahwiidínóodzįįł.

MATTHEW 5:7 ပူးပေါင်းရင်းမြစ်များ

II SAMUEL 17:28

díí deizyį́: éí tsásk'eh áádóó tł'oh naadą́ą́' bidee'í áádóó ak'áán áádóó naa'ołí áádóó naa'ołí nímazí áádóó neeshjį́zhii

II SAMUEL 22:26

Aa a'ááh danízinii bich'į' aa a'ááh nínízingo í'díínílzin; t'áá ákóne' ádaat'į́įgo deíkáahii bich'į' t'áá ákóne' ánít'į́įgo í'díínílzin.

PSALMS 112:4

Diné t'áá ákogi át'éii chahałheełgóó adinídíín bá náhoodleeł. Éí jooba' áádóó bił hadlee'go aa a'ááh nízin índa t'áá ákogi áánííł.

PSALMS 112:9

Bił hadlee'go na'aznii'; diné badahojoobá'íii yitaa'aznii'. Bit'áá ákogi é'ét'éii éí hool' áágóó hólǫ́ǫ doo; be'adziil baa ha'niihgo náás kódoolnííł.

PSALMS 18:25

Aa a'ááh danízinii bich'į' aa a'ááh nínízingo í'díínílzin; t'áá ákóne' ádaat'į́įgo deíkáahii bich'į' t'áá ákóne' ánít'į́įgo í'díínílzin.

PSALMS 37:26

T'áá áłahjį' jooba' áádóó a'iinííł, índa ba'áłchíní bik'idahojidlí.

PROVERBS 11:17

Diné aa a'ááh nízinii bii' sizíinii bá yá'át'éehii hát'į́, nidi diné doo yits'íidii éí t'áá bí bits'íís yich'į' nahwiiłná.

PROVERBS 11:25

Diné bił hadlee'ii éí bik'ináhozhdoodliił, áádóó tó aa jiikaahii t'áá hó ałdó' tó haa dookááł.

PROVERBS 14:21

Diné bił kééhojit'íinii jijoołxáii ádił ni'jiilzííh, nidi diné bahojoobá'íii baa jijooba'ii éí hoł hózhǫ́.

PROVERBS 19:17

T'áá háiida bahojoobá'íii baa jijooba'ígíí éí Bóhólníihii t'áadoo le'é baa jiiníiłgo át'é, áádóó yá'át'éehii baa nijiyáhígíí bik'é Bóhólníihii hach'į' niná'doodlééł.

ISAIAH 57:1

T'áá ákogi ááníiłii áádįįł, áádóó diné doo ła' bijéí biyi'di bi'diił'áa da, índa Diyin God k'ehgo ádaat'éii éí nahjį' kódabi'dilne' áádóó t'áá ákogi ááníiłii doo yá'át'éehii bik'i hwiidooleełígíí bits'ąą nahjį' kódabi'dilne'ígíí doo ła'da yaa nitsékees da.

DANIEL 4:27

Éí bąą aláahgo naat'áanii nílíinii, kót'éego nidishnínígíí shá niizįįh: t'áá ákogi ánít'į́įgo binahjį' nibąąhági át'éii nahjį' nidiní'aah, índa jooba' ádaat'éii baa a'ááh nínízinii binahjį' na'át'e' nahjį' nidiní'aah, áko ná yá'át'éeh dooleełgo da'át'é.

HOSEA 1:6

Gómer anáá'niiltsąądgo bich'é'é yishchį́. Áko Bóhólníihii éí Hozéíya áyidííniid, Loruhámah bee yídíízhiił, háálá dine'é Ízrel bee wójíii doo haa a'ááh náádínéesįįł da índa ádił nida'dziisí'ígíí ts'ídá doo hats'ánídideesh'áał da.

HOSEA 2:1

Nik'isóó, Ámai, kóbidiní, áádóó nilahkéí, Ruhámah, kóbidiní.

HOSEA 2:23

Áko ádá k'ihodideeshłééł; doo haa a'ááh nisin da yę́ę haa a'ááh dínéesįįł, áádóó, Doo shidine'é danohłį́į da, ho'di'níí nít'ée'ii, K'ad shidine'é danohłį́, bidideeshniił, áko, Ni t'éí nihiDiyin God nílį́, dashididooniił.

MICAH 6:8

Diné nílíinii, yá'át'éehii nich'į' yit'íní ályaa, áko Bóhólníihii éí haa nít'ée doo, nó'ní: Éí t'áá ákogi ááníił doo áádóó ajooba' ayóó'ííní'níi doo índa a' ohgo ánít'éego niDiyin God bił yí'ash doo.

MARK 11:25

Áádóó t'áá sodadołzin bik'eh ła'da t'áá baaní hólǫ́ǫgo bik'ijį' danohłínígíí bá yóó'anídahidoh'aah, áko doo ákǫ́ǫ́ ádaahdzaaígíí nihiTaa' yá'ąąshdi hólóonii nihá yóó'ánéididoo'ááł.

LUKE 6:35

Nidi nihida'ana'í ayóó'ádeínóh'ní, áádóó yá'át'éehgo ádaaht'į́, áádóó t'áadoo le'é ada'iyohnííł, t'áadoo k'ééshidi'doolnííł danohsiní, áko yá'ąąshdi nihaa dahidoolyéełii ayóó ádaat'ée dooleeł, áádóó nihí Ts'ídá Aláahgo Át'éii ba'áłchíní danohłį́į dooleeł, háálá éí doo ahééh danízinii índa doo yá'ádaashóonii yaa jooba'.

ROMANS 11:30

Nihí, doo Jew dine'é danohłíinii, Diyin God doo deinohdlą́ą da nít'éé', nidi Jew dine'é éí Diyin God doo dayoodlą́ą da daazlį́'ígíí biniinaa k'ad nihí Diyin God nihaa a'ááh niizį́į́'.

I CORINTHIANS 7:25

K'ad doo da'ayéhígíí bił haz'ą́ągi baa nídéesht'įįłgi Bóhólníihii doo yee shá has'ą́ą da, nidi Bóhólníihii shaa a'ááh nízinii binahjį' sha'ahódlíigo beinísht'į́.

II CORINTHIANS 4:1

Éí bąągo Diyin God yee a'ááh nízinii nihee hazlį́'ígíí biniit'aa díí bee neiil'a'go doo nihąąh nahwiikaad da.

EPHESIANS 4:32

Áádóó ahidiníłnáago ahaa dajiinohba', índa Diyin God éí Christ yee nihibąąhági át'éii nihá yóó'iidíí'ánígi át'éego nihí ałdó' ahaa a'ááh danohsingo ałch'į' bąąhági ádaahníiłii ahá yóó'anídahidoh'aah.

COLOSSIANS 3:12

Éí bąą Diyin God atah nihiizláa'ii, dadinohyin índa Diyin God ayóó'ánihó'níinii danohłį́. Éí bąą ałhaa a'ááh danohsin, ałhaa dajiinohba', ádaa dahojiinołbá'ígo nitsídaahkees, a'ohgo áda'díínółzin, índa ałch'į' nízaadgóó hada'íínółní.

I TIMOTHY 1:13

T'ah doo ooshdląąh yę́ędą́ą́' Jesus t'óó baa'ihgo baa yááłti' áádóó atííł'įįd índa yéédzíí', nidi Diyin God shaa a'ááh niizį́į́', háálá doo ooshdlą́ą́góó índa doo shił bééhózingóó íít'įįd.

I TIMOTHY 1:16

Nidi díí biniyé Diyin God shaa a'ááh niizį́į́', aláahgo bąąhági ááníiłii nishłį́į nidi, shinahjį' Jesus Christ nízaadgóó ha'ólnínígíí ííshjání áyiilaa, áko dabiidoodląąłígíí éí bee béédahózin dooleełgo iiná doo ninít'i'ii bee dahólǫ́ǫ dooleeł.

HEBREWS 4:16

Éí bąą haa'íshą' t'áadoo dasiiti'í Diyin God bibikáá'dóó nahat'áii bit'ááh dahidiikah. Áadi Diyin God bibee ajooba' hólǫ́. Áadi nihaa a'ááh hodínóodzįįł, áádóó nihide ánídahoot'įįhgo Diyin God nihaa jooba'go nihíká análwo' doo.

HEBREWS 6:10

Háálá baa nidasoohkaígíí áádóó Diyin God bidiyį́į́' ayóó'ádeínóh'níigo bá nidasooł'a'ígíí, k'ad Diyin God t'áá ákogi é'éł'į́įgo t'ahdii bá nidaał'a'ígíí doo yaa yoonéeh da.

JAMES 2:13

Háálá doo aa a'ááh jiniizį́'ígíí éí Diyin God doo haa a'ááh nízingóó há nihodoo'ááł; aa a'ááh hasin éí aa hwiinít'į́ yik'eh didlį́.

JAMES 3:17

Nidi yá'ąąshdę́ę́' bee hódzáanii éí, átséhí góne' chin bąąh ádinii át'é, áádóó k'é'nídzin, áádóó á'áhwiinít'į́'í, índa lą́ nízin, t'áá íiyisí aa a'ááh hasin índa yá'át'ééh ó'oo'nííł, áádóó ał'ohgo ahaa nitsáhákeesii índa t'óó áhodi'į́ bąąh ádin.

I PETER 2:10

Nahdę́ę́' łah t'áadoo bíí' danohłíní da nít'éé', nidi k'ad Diyin God bíí' dasoolį́į́'; łah Diyin God bibee ajooba' doo nihee dahólǫ́ǫ da nít'éé', nidi k'ad bibee ajooba' nihee dahazlį́į́'.