MATTHEW 5:6 - Navajo Bible

⁶ Ts'ídá t'áá ákogi é'ét'éii yíká dichin áádóó dibáá' danilíinii bik'idahojidlí, háálá éí yee hwiih dadooleeł.

MATTHEW 5:6 ပူးပေါင်းရင်းမြစ်များ

PSALMS 107:9

Ii' sizíinii yídin nilínígíí yee hwiih nilį́įgo ánáyoodlííł. Dichin nilį́įgo yá'ádaat'éehii yee hwiih yił'į́.

PSALMS 145:19

Dabidísinii deinízinii yeidii'aah; nídabookąąhgo ałdó' yidiits'a'go yisdáyiinííł.

PSALMS 17:15

Shí éí t'áá ákogi ánísht'éego ninísh'į́į doo; ch'éénísdzidgo ánít'éegi nísh'į́įgo shił yá'át'éeh doo.

PSALMS 63:5

Awol áádóó ak'ah jííyą́ą́' nahalingo shii' sizíinii hwiih nilį́ áádóó shił hózhǫ́ǫgo naa hashniih.

PSALMS 65:4

Nídiniłtíinii nikin bił haz'ání góne' kééhat'į́į doo biniyé t'áá áháníjį' níínílóozii éí bik'ihojidlí. Nikin, t'áá éí nikin bii' sohodizin hodiyin haz'ą́ą́dóó yá'ádaat'éehii dahólónígíí bee hwiih daniidlį́į doo.

PSALMS 84:2

Shii' sizíinii éí Bóhólníihii bikin bii' sohodizin yinízingo yídin ánééh. Shijéí áádóó shits'íís t'áá chaałda Diyin God hináanii yich'į' hataał.

PROVERBS 10:24

Diné doo yá'áshóonii yináldzidii bik'éidoot'ih, áádóó diné t'áá ákogi ááníiłii yídin nilíinii baa didoot'ááł.

PROVERBS 21:21

T'áá ákogi é'ét'éii índa aa a'ááh hwiindzin yik'ehgo yigáałii éí iiná áádóó t'áá ákogi é'ét'é índa ił ídlį́ yik'éghááh.

SONG OF SOLOMON 5:1

Shidá'ák'ehgi níyá, shilah índa bá'deeshxehii nílíinii, mir éí spáis shee hólóonii bił áłah íishłaa. Shitsés'ná bitł'izh bits'a' t'áá bił yíyą́ą́'; shiwáin áádóó abe' yishdlą́ą́'. Da'ohsą́, shik'isóó danohłíinii; ídlą́, ayóó'óósh'níinii, łą́ągo ahíkaah.

ISAIAH 25:6

Áádóó ch'iyáán daalkanii, wáin t'ah doo bąąh yaadzíidii índa neesk'ahii biwol dahólóonii, wáin bąąh yaadziidii díí dziłgi bee áda'azįįdgo t'áá ałtsoní bee Bóhólníihii éí dadine'é t'áá ałtso yá áda'doosįįł.

ISAIAH 41:17

Badahojoobá'íii áádóó hojooba' nahas'áanii tó hadeintáago, nidi tó ádingo dibáá' bik'ee bitsoo' nídááltseigo shí Bóhólníihii nishłíinii hach'į' éédahodeesįįł; shí, Ízrel dine'é biDiyin God nishłíinii, doo yóó'ahodideesh'áał da.

ISAIAH 44:3

Háálá dibáá' nilíinii tó bik'i yeideesił áádóó ni' hóółtseiigi tó dooląął; na'áłchíní shiNíłch'i łą́ągo baa dideesh'ááł índa nits'ą́ą́dóó yichíiłii bik'ihojidlíi doo,

ISAIAH 65:13

Éí bąą Bóhólníihii Diyin God kóní, Shoo, shá nidaal'a'í da'dooyį́į́ł, nidi nihí éí dichin danohłį́į doo; shoo, shá nidaal'a'í da'doodlį́į́ł, nidi nihí éí dibáá' danohłį́į doo; shoo, shá nidaal'a'í bił nidahoozhǫǫh doo, nidi nihí ádaa yádanohdzin doo;

ISAIAH 66:11

áko bibe' daołt'o'go hada'íídóołniił áádóó hwiih dadoohłeełígíí biniyé dahodoołt'oł; t'áá íiyisí baa bił hózhónígíí baa nihił dahózhǫ́ǫgo bibe' hadahidoołt'oł.

JEREMIAH 31:25

Háálá nídadínéeskaii t'áá ałtso hwiih danilį́įgo ádadeeshłííł, áádóó bąąh nidahwiizkaadii t'áá ałtso chánah áńdadeeshdliił.

LUKE 1:53

Dichin danilį́į́ nít'éé' yę́ę yá'ádaat'éehii yee hwiih danilį́įgo ájiilaa, áádóó da'at'į́į́ nít'éé' yę́ę t'áá ákohígo adajiis'a'.

LUKE 6:21

K'ad dichin danohłínígíí nihik'idahojidlí, háálá hwiih dadoohłeeł. K'ad daahchaígíí nihik'idahojidlí, háálá anídaahdloh dooleeł.

LUKE 6:25

K'ad hwiih danohłínígíí doo hojooba' ájíníi da, háálá dichin dadoohłeeł. K'ad daahdlohígíí doo hojooba' ájíníi da, háálá yínííł danohłį́į doo áádóó daahcha dooleeł.

JOHN 4:14

nidi t'áá háiida tó baa níką́ągo yoodlą́'ígíí éí doo dibáá' náádoodleeł da, áko tó haa deeshkáłígíí éí hayi'di tó t'áá bíni'dii háálíinii dooleeł, áko háálį́įgo iiná doo ninít'i'ii biih yílį́į dooleeł.

JOHN 6:27

Ch'iyáán áádįįłii t'éiyá t'áadoo bíká nidaahkaí, nidi iiná doo ninít'i'ii bá ch'iyáán doo ádįįhii hádaaht'į́, éí Diné Silį́į'ii nihaididoo'ááł, háálá Diyin God aTaa' nilíinii hwee lą́ asłį́'ígíí bee hwéého'dílzingo áhoolaa.

JOHN 7:37

Áádóó hodílzingo áłah ná'ádleeh bee nihooghááh bijį́į́ góne', Jesus yiizį'go yéego haadzíi'go ádííniid, Diné t'áá háiida dibáá' nilį́įgo, bíni'dii shaa doogáałgo adoodlį́į́ł.

REVELATION 7:16

Doo dichin náádadoodleeł da, doo dibáá' náádadoodleeł da, doo bee náádahodínóogah da, índa hadoh doo náádabidoołch'ił da.