MATTHEW 5:5 - Navajo Bible

⁵ A'ohgo áda'dólzinii bik'idahojidlí, háálá éí nahasdzáán daabíí' dooleeł.

MATTHEW 5:5 ပူးပေါင်းရင်းမြစ်များ

PSALMS 147:6

Bóhólníihii éí a'ohgo ádaat'éii chánah ánáyoodlííł; diné doo yá'ádaashóonii éí naa'ayiinííł.

PSALMS 149:4

Háálá Bóhólníihii bidine'é yaa bił hózhǫ́; diné a'ohgo ádaat'éii bee yisdá'iildéehii yee haididoolííł.

PSALMS 22:26

Hojooba' ádaat'éii da'dooyį́įłgo hwiih dadooleeł; Bóhólníihii hadeintáii éí baa dahaniih doo! Hool'áágóó nihijéí hináa le'.

PSALMS 25:13

Hwii' sizíinii t'áadoo yídin nilínígóó hináa doo, áádóó kéyah aa deet'ánígíí ha'áłchíní daabíí' dooleeł.

PSALMS 25:9

A'ohgo ádaat'éii yá'áhoot'ééhgóó yoo'ish, áádóó a'ohgo ádaat'éii hohonít'i'ii bínabizhniłtin.

PSALMS 37:11

Nidi a'ohgo ádaat'éii nahasdzáán daabíí' dooleeł, áádóó t'áá ałtsoní bee hasht'ehodít'é baa bił nidahoozhǫǫh doo.

PSALMS 37:22

Jó, Bóhólníihii hak'idajidlíii éí nahasdzáán daahóó' dooleeł, nidi Bóhólníihii hóyée'go há hahaasdzíi'ii éí ádazhdoodįįł.

PSALMS 37:29

T'áá ákogi ádaaníiłii hool'áágóó kéyah bíí' dadooleeł, áádóó ákwii hool'áágóó kéédahat'į́į doo.

PSALMS 37:34

Bóhólníihii biba' ánít'é, áádóó bik'eh áhoot'éégóó yínááł, áko kéyah níí' dooleeł biniyé ayóó ánít'éego ándi'doolnííł; doo yá'ádaashóonii ádabi'dooldįįłgo yidííłtsééł.

PSALMS 37:9

Háálá doo yá'áshǫ́ǫ́góó ádaaníiłii ádooldįįł, nidi Bóhólníihii yiba' ádaat'éii éí nahasdzáán daabíí' dooleeł.

PSALMS 69:32

A'ohgo ádaa nitsídaakeesii díí dayiiłtsą́ągo bił dahózhǫ́ǫ doo. Nihí Diyin God há daoht'íinii, nihijéí hááda'iiłdįįh le'.

ISAIAH 11:4

nidi badahojoobá'íii ts'ídá t'áá ákwii át'éego yik'i hadidoodzih, áádóó nahasdzáán bikáá'góó doo adááh yádaałti'ii t'áá ákogi át'éego yá hadoodzih; tsihał nahalingo bizéé'dę́ę́' hahwiileehgo yee nahasdzáán atíidoolííł áádóó biyol yee ałdó' doo yá'ádaashóonii íidoołdįįł.

ISAIAH 29:19

A'oh áda'dólzinii ałdó' Bóhólníihii yee bił dahózhónígíí bá bilááh dooleeł, áádóó diné bitahgi badahojoobá'íii éí Ízrel biDiyin nilíinii yee bił nidahoozhǫǫh doo.

ISAIAH 60:21

Nidine'é t'áá ałtso ałdó' t'áá ákogi ádaat'ée doo; shaa ha'niih doo biniyé hool'áágóó kéyah daabíí' dooleeł, háálá t'áá shí k'idideeshłééł.

ISAIAH 61:1

Diyin God biNíłch'i Diyinii shił hólǫ́, háálá badahojoobá'íii éí hane' yá'át'éehii bee bił dahashne' doogo biniyé ak'ah shik'i yaadziidgo shíísį́į́'; bijéí daneezgaígíí hasht'éédadeeshdlííł, índa daasnáanii éí béédahididoochiłígíí bee bił dahashne' doo biniyé áádóó bida'astł'óonii awáalyaadóó bá ąą dadidootį́įłgo baa hashne' doo biniyé shiníł'a',

ZEPHANIAH 2:3

Nihokáá' dine'é a'ohgo ádanoht'éii, bik'eh dahonoł'íinii t'áá ánółtso, Bóhólníihii hádaoht'į́. T'áá ákogi át'éii hádaoht'į́; a'ohgo é'ét'éii hádaoht'į́. Áko Bóhólníihii t'óó báhádzidgo atí'doolííł bijį́įdi daats'í nihinées'į́į' dooleeł.

NUMBERS 12:3

Áko Mózes diné jílíinii t'áá íiyisí a'ohgo í'dólzinii jílį́; nihokáá' dine'é t'áá ałtso bitahgóó ákójít'é.

MATTHEW 11:29

Shi'azéédéetání ázéédadóohtįįhgo shíighah nidaałnish, áádóó shídahooł'aah, háálá a'ohgo ádíí'níszin áádóó ádaa hojiinishbá'í, áko éí bee nihii' naazíinii yee háádaalyį́įh doo.

MATTHEW 21:5

Záíyan bich'é'é bił dahołne', Jó'akon, Aláahgo niNanit'a'í nilíinii a'ohgo í'dólzingo télii, Jó, éí télii yázhí yik'i dah sidáago nich'į' bił yigááł.

ROMANS 4:13

Háálá Éíbraham áádóó ha'áłchíní ahoolchíiłii nahasdzáán daahóó' dooleełgo haa deet'ánígíí éí doo bee haz'áanii bídéét'i' da, nidi hwe'oodlą' bee aijólíhígíí bee t'áá ákogi ájít'éii bídéét'i'go haa deet'ą́.

GALATIANS 5:23

a'ohgo é'ét'é, ádaa áháyą́; kódaat'éhígíí bee haz'áanii doo bídéét'i' da.

EPHESIANS 4:2

T'áá ałtsojį' a'ohgo ádanoht'ée le', niha'át'e' ádaadin le', áádóó nízaadgóó hada'íínółní. Ałch'į' hada'íínółníigo ayóó'áda'ahíínóh'ní.

COLOSSIANS 3:12

Éí bąą Diyin God atah nihiizláa'ii, dadinohyin índa Diyin God ayóó'ánihó'níinii danohłį́. Éí bąą ałhaa a'ááh danohsin, ałhaa dajiinohba', ádaa dahojiinołbá'ígo nitsídaahkees, a'ohgo áda'díínółzin, índa ałch'į' nízaadgóó hada'íínółní.

I TIMOTHY 6:11

Nidi ni, Diyin God bíí' nílíinii, díí bits'ąą ádaa áhólyą́, áádóó ts'ídá t'áá ákogi ánít'éego, diyin k'ehgo hinínáago, Diyin God yinídlą́ągo ba'íínílí, ayóó'í'ííní'níigo, yéego ha'íínílníigo índa diné a'ohgo í'dólzinii nílį́įgo wołí bee ánít'į́.

II TIMOTHY 2:25

a'ohgo ízhdólzingo t'áá aaníinii yits'ą́ą́jí nida'ádí'nilii nazhnitin doo. T'ah nít'ée'da łahgo át'éego tsíńdadookosgo, t'áá aaníinii yaa ákodadínóozįįłgo bá ashja'ósinígíí Diyin God beididoo'ááł.

TITUS 3:2

áádóó t'áadoo diné ła' nichxǫ́'ógo baa yádajiłti'í doo, t'áadoo saad ahídajit'áhí doo, nidi ha'át'e' ádaadin doo, índa t'áá ałtsojį' diné t'áá ałtso joosánígo bił dajílį́į doo.

JAMES 1:21

Éí bąą badaa'ihii índa bąąhági át'éego nitsáhákees k'ee'ąą dadínées'ąądii t'áá ałtso yóó'adahidoh'aah áádóó a'ohgo áda'díínółzingo Diyin God bizaad ayi'di k'ididoolyéełii nídadoohłé, éí nihii' naazíinii yisdáyiiníiłgo yíneel'ą́.

JAMES 3:13

Nihitahdóoshą' háí hóyą́ áádóó ak'idi'yiitįįh? Háni'dii yá'át'éehgo jiinánígíí áádóó baa hojíyą́ągo a'ohgo íz'dólzingo ájooníłígíí ííshjání ádzósin le'.

I PETER 3:15

Nidi nihijéí tł'ááhdę́ę́' Christ nihiBóhólníihii nilį́įgo nihił dadiyin doo. Biniyé nihił chodahoo'ínígíí éí diné ła'da yíndanihídíłkidgo bee bił nídahodoołnihígíí áłahjį' bee hasht'e'áda'díínółzin, ákondi a'ohgo ída'díínółzingo índa Diyin God dadíínóhsingo bił dahołne'.

I PETER 3:4

Nidi t'áá aaníí nihiyi'di át'éii dadíínóhshóní. A'ohgo áda'díínółzin, áádóó t'áadoo ádił nídahodołchiłí. Ákódanoht'éego Diyin God t'áá íiyisí bił nilį́.