MATTHEW 5:4 - Navajo Bible

⁴ Yínííł nidaakaígíí bik'idahojidlí, háálá hada'íídóolniił.

MATTHEW 5:4 ပူးပေါင်းရင်းမြစ်များ

ISAIAH 12:1

Éí bijį́įdi ádidííniił, Bóhólníihii nílíinii, nich'į' ahééh nisin dooleeł, háálá azhą́ shich'į' náhóóchįįd nidi, náhóóchįįdii nahjį' kwíinilaago t'óó shik'ééhwííníłtaa'.

ISAIAH 25:8

Hool'áágóó anoonééł iidoołnah, áádóó Bóhólníihii Diyin God éí da'anii' t'áá ałtso nák'eeto' yąąh yidoołdah, índa bidine'é bee bá nahat'i'ígíí ałtso nahasdzáán bikáá'dóó nahjį' kwíidoolííł, háálá díí Bóhólníihii yee haadzíí'.

ISAIAH 30:19

Dził Záíyandi, Jerúsalem kin haal'áagi kéédahat'į́ danohłíinii, doo atínínáádadinohdleeh da doo; nicha yidiizts'ą́ą'go t'áá íiyisí nihaa jiidoobaał; t'áá yidiizts'ą'í nihich'į' ééhodoosįįł.

ISAIAH 35:10

áádóó Bóhólníihii yik'é niná'ídláii nináhidookah, índa hool'áágóó ił hózhǫ́ bitsiit'áagi dahólǫ́ǫgo dahataałgo Záíyanjį' nidookah; ił hózhǫ́ áádóó baa ił hózhóonii bíí' daazlį́į' doo índa yínííł áádóó cha hasin bits'ádooldoh.

ISAIAH 57:18

Yee át'éii yiiłtsą́, nidi hadaałt'é ánáhodeeshdlííł; hweesh'ish doo áádóó bí índa bitahdóó atínídadindleehii bił nídahodeeshǫǫł.

ISAIAH 66:10

Jerúsalem kin haal'á ayóó'ádeínóh'níinii t'áá ánółtso, baa nihił dahózhǫ́ǫgo bił nihił nidahoozhǫǫh; baa yínííł nidaahkaígíí t'áá ánółtso t'áá íiyisí baa nihił nidahoozhǫǫh,

ISAIAH 66:2

Háálá éí t'áá ałtso ádeishłaa, áádóó éí t'áá ałtso dahazlį́į́', ní Bóhólníihii, nidi díí diné ayáhígo át'éii índa bąąhági át'éii biniinaa ádąąh bíni'ii shizaad yits'ąą yisti'ii bich'į' ídéesh'įįł.

EZEKIEL 7:16

Ła'da yisdádahineezhchą́ą'go éí honíts'aa'gi hasbídí nidahojílingo doo ákǫ́ǫ́ ádajíít'įįdii baa chadazhdilwą́ą'go dziłghą́ą́'góó adahizhdoolwoł.

EZEKIEL 9:4

Bóhólníihii áháłní, Nílááh, Jerúsalem kin haal'áhígíí bitah hadiináahgo kin haal'áagi doo haldinígi át'éégóó baa ooldahii yik'ee diné daachaii áádóó yik'ee ádił hadahadzoołii dabítáa'gi da'iizoh.

ZECHARIAH 12:10

Áko David ba'áłchíní ahoolchíiłii índa Jerúsalemgi kéédahat'íinii níłch'i jooba'ii áádóó ná'ookąąhii baa dideesh'ááł, ákohgo shaa adashiizhii dashidínóoł'įįłgo t'áá hazhó'ó t'ááłá'í aye' nilíinii baa atínáhodindleehígi át'éego yaa yínííł danilį́į doo, áádóó alą́ąjį' yizhchíinii daaztsą́ągo baa atínáhodindleehgo bizhé'é yéego baa yichaígi át'éego yéego yaa daacha doo.

LUKE 16:25

Nidi Éíbraham áhodííniid, Shiye', hinínáádą́ą́' t'áá ałtso yá'ádaat'éehii bee ákisínídla'ígíí béénílnííh áádóó éí t'áá bináłt'éego Lázaras bich'į' nahwii'náá nít'é'ígíí ałdó' béénílnííh, nidi k'ad éí kwe'é bił náhoojǫǫd, nidi ni t'éí t'áá íiyisí ti'hwiyínííh.

LUKE 6:21

K'ad dichin danohłínígíí nihik'idahojidlí, háálá hwiih dadoohłeeł. K'ad daahchaígíí nihik'idahojidlí, háálá anídaahdloh dooleeł.

LUKE 6:25

K'ad hwiih danohłínígíí doo hojooba' ájíníi da, háálá dichin dadoohłeeł. K'ad daahdlohígíí doo hojooba' ájíníi da, háálá yínííł danohłį́į doo áádóó daahcha dooleeł.

LUKE 7:38

áko Jesus tł'azdéestį́įgo hakee' yich'į' yiizį'go yichago binák'eeshto' yee hakee' néístłée'go bitsii' yee hakee' yiyíít'óód, áádóó hakee' yizts'ǫs, índa ak'ah yik'ijį' yayiiziid.

LUKE 7:50

Áko asdzání éí áyidííniid, Ne'oodlą' bee aa dzíínílíii yisdánííłtį́; nił hózhǫ́ǫgo náádááł.

JAMES 1:12

Diné nabóhonitaahgo ha'ólnínígíí bik'ihojidlí, háálá na'íhonitaah bik'esdeesdlį́į'go bééhoozingo iináájí naat'á ch'ah Diyin God haididoo'ááł, éí Bóhólníihii ayóó'ádabó'níinii bíí' dooleełgo yee yich'į' haadzíí'.

REVELATION 21:4

Dabinák'eeshto' t'áá ałtso yá yidoot'oł, aniné ádin doo, áádóó atínáhodinidleeh ádin doo, áádóó cha ádin doo índa adiniih ádin doo, háálá áłtséédą́ą́' dahólóonii bił yóó'ahóóyá.