MATTHEW 5:3 - Navajo Bible

³ Diyin k'ehgo hojooba' ádaat'éego ádaa nitsídaakeesii bik'idahojidlí, háálá yá'ąąshii bee bóhólníihgo bił haz'áanii daabíí'.

MATTHEW 5:3 ပူးပေါင်းရင်းမြစ်များ

II CHRONICLES 33:12

Ákohgo ti'hojooníihgo Bóhólníihii haDiyin God níjookąąh áádóó t'áá íiyisí a'ohgo ízh'diilyaago dahazhé'é yę́ę biDiyin God honíł'į́.

II CHRONICLES 33:19

Áádóó hasodizin yę́ę índa Diyin God haná'ookąąh há yiniizį́'ígíí áádóó ádił ni'jiisí'ígíí t'áá át'é áádóó doo ákǫ́ǫ́ ájíít'įįdii áádóó ninádahałaah doo biniyé wódah nahaz'ą́ągo ádaalyaaígíí áádóó asdzání bida'alyaii índa eda'alyaii t'ah doo a'ohgo ízh'dílnééh yę́ędą́ą́' niyiiznilii, díí baa nijiyáii; jó, éí áhodooníiłii yaa dahalne'ii binaaltsoos bik'inídaháasdzoh.

II CHRONICLES 33:23

Índa hazhé'é Manáseh yę́ę a'ohgo í'diilyaaígi át'éego hó t'áadoo Bóhólníihii binááł a'ohgo ízh'diilyaa da, nidi Éíman éí t'áá íiyisí t'óó yówehda bee haz'áanii yiyiizti'.

II CHRONICLES 34:27

Nijéí joozba'go áádóó Diyin God binááł a'ohgo ádi'nilyaago bizaad yee díí kéyah índa ákwii kéédahat'ínígíí yik'ijį' haadzíi'go dísíníts'ą́ą'go, shinááł t'áá ni a'ohgo ádi'nilyaago áádóó ni'éé' ák'inéíníldláád índa shinááł nichago biniinaa shí ałdó' nisodizin diséts'ą́ą́', ní Bóhólníihii.

II CHRONICLES 7:14

shidine'é éí shízhi' bee dabi'dójíii a'ohgo áda'diilyaago áádóó sodadoolzingo áádóó hádashidéez'į́į'go índa doo yá'áshǫ́ǫ́góó ádaat'ínígíí yits'ákaigo, áko índa yá'ąąshdę́ę́' hodideests'į́į́ł áádóó ádił nida'dziisíi'ii há yóó'adideesh'ááł áádóó hakéyah hadaałt'é náhodoodleeł.

JOB Naaltsoos Biyi' Job Baa Hane'ii 42:6

éí bąą t'óó shaa'ihgo índa łeezh dibahí áádóó łeeshch'iih ádééhésjáahgo Diyin God bich'į' łahgo át'éego tsíndíkééz.

PSALMS 1:1

Diné doo Diyin God k'ehgo ádaat'éii na'ak'íyádaałti'ii doo bik'ehgo joogáałii, bąąhági ádaaníiłii nidi doo bitah dzizíinii áádóó ándahałt'i'ii nidi doo bitah dzizdáii éí hoł hózhǫ́,

PSALMS 112:1

Bóhólníihii baa dahohniih! Bóhólníihii yidísinii índa bibik'eh ó'oo'níiłii t'áá íiyisí yaa bił nihoozhǫǫhii éí bik'ihojidlí!

PSALMS 128:1

Bóhólníihii deidósingo yik'ehgo deíkáahii éí t'ááłá'í nítínígo bił dahózhǫ́!

PSALMS 146:5

Jéíkab biDiyin God nilíinii háká análwo'ii áádóó haDiyin God Bóhólníihii bee hoł chohoo'íinii éí hak'ihojidlí.

PSALMS 2:12

Doo nihich'į' báhodoochįįłígíí biniyé índa deínókááhgóó doo ádadoohdįįł da biniyé biYe' nilíinii t'óó baa ádadiyoht'aah. Diné éí Diyin God yaa deidzólíhígíí t'áá ałtso bił dahózhǫ́.

PSALMS 34:18

Yínííł ádajít'éii Bóhólníihii hwíighahgi hólǫ́, áádóó níłch'i hwii' sizíinii tídáánáanii yisdáyiinííł.

PSALMS 41:1

Diné badahojoobá'íii yaa nitsíkeesii éí bik'ihojidlí! Hach'į' nahwii'náago biyi'dę́ę́' Bóhólníihii hááhwiiłteeh.

PSALMS 51:17

Ádaa hojoolbá'ígo yínííł naagháii nááyiiłniihii éí Diyin God bił nilį́; Diyin God nílíinii, ádaa hojoolbá'ígo t'áá bijéí tł'ááhdę́ę́' ádił ni'iisíi'go yąąh bíni'go yínííł naagháii éí doo nahjį' kódíílíił da.

PSALMS 84:12

T'áá ałtsoní bee Bóhólníihii nílíinii, diné naa dzólíii éí bik'ihojidlí!

PROVERBS 16:19

Ádaa ha'niihii náánáła' diné binaalye'é neest'į́į'ii yił ałts'á'doo'nilgo éí biláahgo ádaa dahojoolbá'ígíí bitahdi ádaa hojijoolbá'íjí agháago yá'át'ééh.

PROVERBS 29:23

Diné bibee ádaa hodzódli' akéédę́ę́' nibidoołt'eeł, nidi diné a'ohgo ádaa nitsíkeesii diné bił jílį́į doo.

PROVERBS 8:32

Áko k'ad shiyázhí danohłíinii, dashíínółts'ą́ą́'; ádíshníinii bik'eh dahojíł'íinii éí hak'idahojidlí.

ISAIAH 30:18

Ákondi Bóhólníihii nihaa jiidoobaał yiniyé nihiba' át'ée doo áádóó nihaa a'ááh niizį́į'jį' ayóó át'é ábi'didoolnííł, háálá Bóhólníihii éí Diyin God doo haada yit'éégóó ááníiłii nilį́; yiba' ádaat'éii ts'ídá bik'idahojidlí.

ISAIAH 57:15

Áko Aghánáhóó'áadi Hólóonii áádóó Ayóó'át'éii, éí hool'áágóó hólóonii áádóó bízhi' diyinii kóní, Wódahgo áádóó diyingo haz'ą́ągi honishłǫ́; ąąh bíni'ígíí áádóó a'ohgo á'dólzinígíí ałdó' bił honishłǫ́, áko a'ohgo át'éhígíí índa ąąh bíni'ígíí bijéí náhiidoo'nąął.

ISAIAH 61:1

Diyin God biNíłch'i Diyinii shił hólǫ́, háálá badahojoobá'íii éí hane' yá'át'éehii bee bił dahashne' doogo biniyé ak'ah shik'i yaadziidgo shíísį́į́'; bijéí daneezgaígíí hasht'éédadeeshdlííł, índa daasnáanii éí béédahididoochiłígíí bee bił dahashne' doo biniyé áádóó bida'astł'óonii awáalyaadóó bá ąą dadidootį́įłgo baa hashne' doo biniyé shiníł'a',

ISAIAH 66:2

Háálá éí t'áá ałtso ádeishłaa, áádóó éí t'áá ałtso dahazlį́į́', ní Bóhólníihii, nidi díí diné ayáhígo át'éii índa bąąhági át'éii biniinaa ádąąh bíni'ii shizaad yits'ąą yisti'ii bich'į' ídéesh'įįł.

MICAH 6:8

Diné nílíinii, yá'át'éehii nich'į' yit'íní ályaa, áko Bóhólníihii éí haa nít'ée doo, nó'ní: Éí t'áá ákogi ááníił doo áádóó ajooba' ayóó'ííní'níi doo índa a' ohgo ánít'éego niDiyin God bił yí'ash doo.

MATTHEW 11:25

Áko íídą́ą́' Jesus haadzíi'go ádííniid, ShiTaa', yá'ąąsh índa nahasdzáán bee Nóhólníihii, nich'į' ahééh nisin, háálá díidí dahóyáanii áádóó ídahooł'ą́ą'ii bits'ąą nídíníł'į́į́', nidi áłchínígi ádaat'éii t'éí bił ííshją́ą́ ádeinilaa;

MATTHEW 11:6

Áádóó t'áá háiida doo bił naaki danilį́į́góó shaa nitsídaakeesígíí bik'idahojidlí.

MATTHEW 13:16

Nidi nihí danihináá' bik'idahojidlí, háálá éí bee da'ooh'į́, áádóó nihí danihijaa' bik'idahojidlí, háálá éí bee da'doohts'a'.

MATTHEW 19:14

Nidi Jesus ázhdííniid, Bíni'dii áłchíní shaa hakááh, t'áadoo shich'į' nidanoh'iní, háálá ákódaat'éhígíí yá'ąąshii bee bóhólníihgo bił haz'áanii bíí' ádaat'é.

MATTHEW 24:46

Naal'a'í jílíinii ákójít'į́įgo hananit'a'í níyáago éí hak'ihojidlí.

MATTHEW 25:34

Áko índa Aláahgo Naat'áanii binish'náájígo yíl'áhígíí áyididooniił, ShiTaa' nihik'ijidlíii, hágo, aláahgo bee óhólníihgo bił haz'áanii nahasdzáán niit'ą́ą́dę́ę́' nihá hasht'eelyaaígíí nihíí' ádaahłééh,

MATTHEW 3:2

Łahgo át'éego Diyin God bich'į' tsíńdahidohkeesgo ádił nida'iyohsíihii bits'áhóhkááh, háálá yá'ąąshii bee bóhólníihgo bił haz'áanii bílátah dahashzhiizh.

MATTHEW 8:11

Áádóó ánihidishní, Ha'a'aahdę́ę́' índa e'e'aahdę́ę́' diné lą'í nidahidookah, áádóó yá'ąąshii bee bóhólníihgo bił haz'ą́ądi Éíbraham áádóó Áízak índa Jéíkab yił da'dooyį́į́ł biniyé yił dah dínóobįįł,

MARK 10:14

Nidi Jesus éí yaa ákoniizį́į'go yik'ee doo bił hóózhǫǫd da, áko áhodííniid, Bíni'dii áłchíní shaa hakááh, t'áadoo shich'į' nidanoh'iní, háálá ákódaat'éhígíí Diyin God bee bóhólníihgo bił haz'áanii bíí' ádaat'é.

LUKE 11:28

Nidi ázhdííniid, Ákondi Diyin God bizaad deidiits'a'go yik'eh dahół'ínígíí éí aláahgo bik'idahojidlí!

LUKE 18:14

Ánihidishní, Díí diné doo bohodiit'i'góó bighangóó anáádzá, ła'ígíí éí dooda, háálá t'ááłá'í jinítínígo ayóó ájít'é ízh'dólzinígíí éí a'ohgo ájít'éego áhodi'doolnííł, nidi t'áá háiida a'ohgo ádaa nitsídzíkeesígíí éí ayóó át'éii jílį́įgo áhodi'doolnííł.

LUKE 22:29

áko t'áá shiTaa' éí bee shóhólníihgo bił haz'áanii sheidiní'ánígi át'éego shí ałdó'

LUKE 22:30

bee shóhólníihgo bił haz'ą́ągi shits'ą́ą́' da'doohsį́į́ł áádóó da'doohdlį́į́ł, índa bikáá'dóó nidahat'áii bikáá' dah nisoodáago Ízrel naakits'áadahgo dine'é bindanoht'áa doogo nihaa dinish'aah.

LUKE 4:18

Bóhólníihii biNíłch'i Diyinii shił hólǫ́, háálá badahojoobá'íígíí éí hane' yá'át'éehii bee bił dahashne' doogo biniyé ak'ah shik'i yaadziidgo shíísį́į́'. [Bijéí daneezgaígíí hasht'éédadeeshdlííł biniyé,] daasnáanii éí béédahididoochiłígíí bee bił dahashne' dooleeł biniyé, doo da'oo'ínígíí da'oo'į́ nídadoodleeł biniyé shiníł'a',

JOHN 20:29

Nít'éé' Jesus ánáábidoo'niid, Thomas, shiiniłtsánígíí bąą shiisínídląąd. Doo dashiiłtséeh da nidi dashoodlą́ągo shaa dadzólíii éí bik'idahojidlí.

DEUTERONOMY 8:2

Áádóó díí béédaołniih: honoojíigi Bóhólníihii nihiDiyin God tánihidi'éeshgo dízdiin nááhai, áko a'ohgo áda'díínółzin ánihósin doo áádóó hanihisíidgo baa nitsídaohkeesii bił bééhózin doo; éí bibik'eh ó'oo'níiłii daats'í bik'eh dahonoł'į́į doo, dooda daats'í.

JAMES 1:10

áádóó ak'is at'íinii bahojoobá'í ábi'diilyaago yaa bił hózhǫ́ǫ le', háálá ajit'íinii ch'ilátah hózhóón niiłnahígi át'éego ahwíidoołkááł.

JAMES 1:12

Diné nabóhonitaahgo ha'ólnínígíí bik'ihojidlí, háálá na'íhonitaah bik'esdeesdlį́į'go bééhoozingo iináájí naat'á ch'ah Diyin God haididoo'ááł, éí Bóhólníihii ayóó'ádabó'níinii bíí' dooleełgo yee yich'į' haadzíí'.

JAMES 2:5

Da'íísółts'ą́ą́', shik'isóó ayóó'ánihósh'níinii, jó, nihokáa'gi badahojoobá'íii oodlą' deidoot'įįłgo índa Diyin God bee bóhólníihgo bił haz'áanii bíí' dadooleełgo ts'ídá nábiizláá'. Éí ayóó'ádabó'níinii bíí' dooleełgo yee nihoní'ą́.

REVELATION 19:9

Nít'éé' diyingo naal'a'í áshidííniid, Díí bee ak'e'íłchí: Dibé Yázhí nilíinii iiyehgo ada'niidą́ą'jį' bida'iisnii'ii bik'idahojidlí. Áádóó ánááshidoo'niid, Díidí Diyin God t'áá aaníígóó áníinii ádaat'é.

REVELATION 22:14

Ha'éé' dadzizgisii hoł dahózhǫ́. Éí iiná tsin sikaadii baa dahizhdookahgo, áádóó kin haal'áagi ch'é'étiin góne' yah adahizhdookahgo bee há nahaz'ą́.

REVELATION 3:17

Háálá, Asht'į́, asist'įįd, t'áadoo bídin nishłíní da, dadohní, nidi hojooba' ádanoht'éego, áádóó nihaa dayíníigo, áádóó té'é'į́ danohłį́įgo, áádóó doo da'oh'į́į́góó índa t'áá łichí'ígo nidaahkaígíí doo nihił béédahózin da.