MATTHEW 4:9 - Navajo Bible

⁹ áádóó áháłní, Shich'į' nitsidíínígo'go áádóó shich'į' nahosínísáago díí t'áá ałtso naa dideesh'ááł.

MATTHEW 4:9 ပူးပေါင်းရင်းမြစ်များ

PSALMS 72:11

Aláahgo naat'áanii danilíinii t'áá ałtso hayaajį' nitsidadidoogoh; ał'ąą dine'é t'áá ałtso há nidaal'a' doo.

PROVERBS 8:15

Shí shinahjį' aláahgo naat'áanii danilíinii dahwée'aah, áádóó ałdó' shí shinahjį' naat'áanii danilíinii t'áá ákogi áhodooníiłgo hadahadziih.

DANIEL 4:32

Áko diné danilíinii yits'ádandínóoyoł áádóó naaldlooshii bitahgóó nanííłka' dooleeł; béégashii nahalingo tł'oh niłchozhgo ádandoolííł; tsosts'id nááhaijį' kót'éego hinínáa doo. Aláahgo Ayóó'át'éii éí diné yee bóhólníihgo bił nahaz'ą́ą́góó yinant'á áádóó t'áá bí yinízinígíí bik'ehgo yeidiyii'aahgo nił bééhoozinjį' kónít'ée dooleeł.

MATTHEW 26:15

áko áyidííniid, Nihaa hodiní'ą́ągoshą' ha'át'íí shaa dadoohłééł? Áko béésh łigaii tádiin haa deiznil.

MATTHEW 4:10

Nít'éé' Jesus ánáádí'ní, Yówehdi naniná, Séítan! Háálá Diyin God bizaad bee ak'e'ashchíinii ání: Bóhólníihii niDiyin God bich'į' nahółáa doo, áádóó t'áá bí t'éiyá bá nanil'a' doo.

JOHN 12:31

K'ad díí nahasdzáán baa náhát'į́, k'ad nahasdzáán binanit'a'í ch'íhidoolghą́ą́ł;

JOHN 13:3

áko Jesus, éí aTaa' t'áá ałtsoní hálák'eidíí'ą́ągo áádóó Diyin God bits'ą́ą́dę́ę́' jiníyáago índa Diyin God bich'į' nízhdoodáałgo hoł bééhózin.

JOHN 14:30

Kodóó doo lą'ígóó nihich'į' yánáádeeshtih da, háálá nahasdzáán yinanit'a'í nilíinii k'adę́ę yíghááh. Éí doo shee ádíhólníih da,

JOHN 16:11

ánihodiyoot'ááł yaa ákodanízingo íidoolííł, háálá nahasdzáán binanit'a'í baa náhást'įįdgo bá nihoot'ą́.

II CORINTHIANS 4:4

Éí hoł nahaz'ą́ą́jí díí nihokáá' diyin áhodil'íinii níłch'i bida'iiníziinii binanit'a'í wolyéii doo da'oodlání dabíni' yił ch'aa yishchį́, áko Christ, éí Diyin God yináłt'éii bee bits'ádi'nílíidii baa hane' yá'át'éehii bee adinídíín éí nihokáá' diyin áhodil'íinii doo da'oodlání yik'i diiłdíin dooleełgi yits'ą́ąjį' yélná.

I TIMOTHY 3:6

Ániid oosdląądii éí dooda, jó, éí t'áá áko ádaa hodzódlí bide át'įįhgo biniinaa níłch'i bida'iiníziinii binanit'a'í bá nihoot'ánígi át'éego há nihodoot'áałgo át'é.

REVELATION 19:10

Áko biyaajį' nitsidinígo' bich'į' nahodeeshłaał biniyé, nidi áshidííniid, T'áadoo ánít'íní! Ni áádóó nik'isóó Jesus baa hane'ii dayoodlánígíí yił nidaal'a'í ła' ásht'į́. Diyin God bich'į' nahółá! Háálá Jesus baa hane'ii bee náásgóó ádahodooníiłii bee baa dahojilne'.

REVELATION 19:16

Bi'éé' bikáa'gi áádóó bitsoosk'idgi kót'éego yízhí bee bik'e'ashchį́, Aláahgo naat'áanii danilíinii yiNanit'a'í índa bídahólníihii bee Bóhólníihii át'į́.