MATTHEW 4:8 - Navajo Bible

⁸ Náá'áłdó' níłch'i bida'iiníziinii binanit'a'í dził aghánáhóó'áajį' hoł hanáánásht'áazhgo, nahasdzáán bikáa'gi bee ídahólníihgo bił nahaz'áanii áádóó yee ayóó ádaat'éii t'áá ałtso hoł yit'íní áyiilaa,

MATTHEW 4:8 ပူးပေါင်းရင်းမြစ်များ

ESTHER 1:4

Ayóo ajit'į́įgo bee haa ha'niihii áádóó ts'ídá aláahgo bee hóhólníihii hólónígíí bá daníl'į́įgo t'óó ahayóí yiską́; t'áá éí neeznádiindóó ba'aan tseebídiin yiską́.

ESTHER 5:11

Áko Héíman ayóó át'é jit'íinii bee ádaa hoji'niihii áádóó haye'ké danilíinii ánéelą́ą'gi bee bił hojoolne'; bee ayahoniidlįįh t'áá át'é aláahgo naat'áanii bee bił jílíinii áádóó naat'áanii danilíinii índa aláahgo naat'áanii bá naal'a'í danilíinii biláahgo yá'át'éehgo náás hodeest'e'ígíí bee bił hojoolne'.

DANIEL 4:30

Áko aláahgo naat'áanii ání, Dooládó' Bábilan haz'ą́ągi ayóó áhoot'ée da. Bee ayóó ánísht'éii shá bééhodoozįįł biniyé ayóó át'éego shibee adziilii bee kin haal'áago íishłaa ni.

NUMBERS 23:3

Áko Béílam éí Béílak ííłní, Didlidgo nááhíłniihígíí bíighahgi sínízį́; shí níláhgóó deeshááł, Bóhólníihii daats'í shaa hodooleeł; t'áá shił ííshją́ą́ áyiilaaígíí bee nił náhodeeshnih. Áko yílk'id góde haayá.

MATTHEW 16:26

Háálá diné ła'da nahasdzáán t'áá si'ą́ą́ nít'éé' hóó' dooleeł biniyé t'áá ákójínéehgo hwii' sizíinii yóó'azhdíí'ą́ągo, haa néelą́ą́' há bínéidoodił? Éí doodaii', diné ła'da t'áá hó hwii' sizíinii ha'át'íí bił aheełt'é shį́įshą' bił ałnázhdoolééł?

MATTHEW 4:5

Áko níłch'i bida'iiníziinii binanit'a'í éí diyingo kin haal'áágóó hoł ní'áazhgo áadi kin bii' sohodizin bikáá'dóó dego yaa'áhígíí bílátahgi dah hwiisį'go,

JOHN 5:20

Háálá aTaa' éí aYe' ayóó'áyó'ní, áko t'áá ałtso áyoolíłígíí aYe' yił ííshją́ą́ áyoolííł, áádóó díí naanishígíí biláahgo ádaat'éii yił ííshją́ą́ íidoolííł, áko bik'ee t'óó nihił adahayói dooleeł.

I PETER 1:24

Háálá nihokáá' dine'é t'áá ádzíłtso ch'ilgi ádajít'é, áádóó bee ayóó ádajít'éii ch'ilátah hózhóonii nidahalin. Ch'il dahiniiłnééh, áádóó ch'ilátah hózhóonii nidahindéeh łeh.

REVELATION 11:15

Ákohgo diyingo naal'a'í tsosts'id góne'ígíí bidilní yee ádííniidgo, yá'ąąshdi ayóó át'éego iinéé' dadiists'ą́ą'go kódadííniid, Nihokáá' bee óhólníihgo bił haz'áanii éí nihiBóhólníihii índa biChrist bee bóhólníihgo bił haz'áanii silį́į́', éí hool'áágóó ahóyéel'áágóó yinant'áa doo.