MATTHEW 4:7 - Navajo Bible

⁷ Áádóó Jesus éí níłch'i bida'iiníziinii binanit'a'í ánéidoo'niid, Jó, Diyin God bizaad bee ak'e'ashchíinii ałdó' ání, Bóhólníihii nihiDiyin God t'ááká nabínóótaah lágo.

MATTHEW 4:7 ပူးပေါင်းရင်းမြစ်များ

PSALMS 106:14

Honoojíidi t'áá íiyisí adádanoosníí', áádóó halgaidi Diyin God nayídaneeztą́ą́'.

PSALMS 78:18

Ch'iyáán t'áá íiyisí jóyą́ą́' danízingo dayííkeedígíí yee dabijéí biyi'di Diyin God yídaneeztą́ą́'.

PSALMS 78:41

Ízrel dine'é yóó'anáhákáahgo biDiyin God nilíinii nayínídantah nít'éé' áádóó Ízrel dine'é biDiyin nilíinii t'áadoo yá dahooł'a' da.

PSALMS 78:56

Azhą́ ákódzaa lá nidi, Diyin God Aláahgo Ayóó'át'éii nayídaneeztą́ą́' áádóó yich'į' nidaalteeh nít'éé', índa yee hahaasdzíi'ii doo yik'eh dahóół'įįd da.

PSALMS 95:9

Áadi shinaanish dayoo'į́į́ nít'éé' nidi, danihizhé'é yę́ę shíkada'iisxilgo nashídaneeztą́ą́'.

EXODUS 17:2

Éí bąą diné éí Mózes nayíyádaałti'go kódaaní, Tó dadiidlį́łígíí nihaa diní'aah. Áko Mózes áhodííniid, Ha'át'íí biniinaa nashíyádaałti'? Ha'át'íí biniyé Bóhólníihii nibídanohtaah?

EXODUS 17:7

Áko éí haz'ánígi Másah índa Méribah hoosye', háálá ákwe'é Ízrel dine'é nidaalteeh nít'éé', áádóó ałdó' Bóhólníihii yídaneeztą́ą'go ádaaní, Da' Bóhólníihiísh nihitahgi hólǫ́, dooda daats'í?

ISAIAH 8:20

Bee haz'áanii áádóó yee haadzíi'ii baa ákodanohsin; díí saadígíí doo yik'ehgo yádaałti'góogo, adinídíín bii' ádaadingo biniinaa ákódaaní.

MALACHI 3:15

Áádóó t'áá ádíláahgo deíkáahii bik'idahojidlíii dabidii'ní; t' áá íiyisí doo yá'áshǫ́ǫ́góó ádáát'įįdii náás deeskai; t'áá aaníí, Diyin God yídaneeztą́ą́', nidi t'áadoo ábiilaaí da.

NUMBERS 14:22

Díí dine'é t'áá ádzíłtso Ííjip kéyahdi áádóó honoojíigi bee ayóó ánísht'éii índa álíleego í'iishłaaígíí dajiiłtsą́ą nidi, díí k'ad neeznáadi shínídaneeztą́ą'go ádíshnínígíí doo dayíísts'ą́ą́'góó naaldeeh.

MATTHEW 21:16

áko Jesus ádeidííniid, Díí ádaanínígíísh dints'a'? Áko Jesus áhodííniid, Aoo', da' kóhá'nínígíísh t'ah doo dayínółta' da? Áłchíní yázhí índa awéé' t'ahdii da'ałt'o'ii aa ha'niih t'áá ákogi át'éii yee yádaałti'go íinilaa.

MATTHEW 21:42

Nít'éé' Jesus áháłní, Da' kót'éego Diyin God bizaad bee ak'eda'ashchínígíísh biyi' t'ah doo dayínółta' da? Kin ádeił'íní tsé doo deiniizį́'ígíí, t'áá éí tsé bee naaná'ástł'inii silį́į́'; díidí Bóhólníihii áát'įįdígíí át'é, áko daníil'į́įgo bik'ee t'óó nihił adahayóí.

MATTHEW 4:10

Nít'éé' Jesus ánáádí'ní, Yówehdi naniná, Séítan! Háálá Diyin God bizaad bee ak'e'ashchíinii ání: Bóhólníihii niDiyin God bich'į' nahółáa doo, áádóó t'áá bí t'éiyá bá nanil'a' doo.

MATTHEW 4:4

Jesus haadzíi'go ání, Diyin God bizaad bee ak'e'ashchíinii kóní: Diné doo bááh t'éí yee hináa da doo, nidi saad t'áá ałtso Diyin God yee hahadziihii yee hináa doo.

LUKE 4:12

Áko Jesus éí níłch'i bida'iiníziinii binanit'a'í yich'į' hanáánáádzíi'go ání, Bóhólníihii niDiyin God t'ááká nabínóótaah lágo, ha'ní.

ACTS 15:10

Éí bąą k'ad ha'át'íí biniyé Diyin God nabídanohtaah, danihizhé'é yę́ę áádóó nihí ałdó' doo bídaniil'áanii baa nahonitł'aii, éí ídahooł'aahii bide ádaat'éego ádaahłééh.

ACTS 5:9

Nidi Peter áháłní, Ha'át'éegoshą' Bóhólníihii biNíłch'i bídínóohtahgo ahadi'nooht'ą́? Jó'akon, nahastiin yę́ę yóó'ádayiilaaígíí tł'óó'dę́ę́' bikédil dadiits'a', áko ni ałdó' ch'ídandoołtééł.

I CORINTHIANS 10:9

Ła' Bóhólníihii nayídanitaahgo biniinaa tł'iish nabistseed, áko nihí t'áadoo Bóhólníihii nabídaniitaahí doo.

DEUTERONOMY 6:16

T'áá Másahgi nabídanootą́'ígi át'éego t'ááká Bóhólníihii nihiDiyin God nabídanohtaah yíila'.

HEBREWS 3:9

Áadi azhą́ dízdiin nááhaijį' shinaanish dayoo'į́į́ nít'éé' nidi danihizhé'é yę́ę shíkada'iisxilgo nashídaneeztą́ą́'.