MATTHEW 4:6 - Navajo Bible

⁶ ánááhodi'ní, Diyin God biYe' nílį́į́ ládą́ą́' kodóó hadah dah diilyeed, háálá kót'éego bee ak'e'ashchį́: Diyin God éí bidiyingo nidaal'a'í naa ádahalyą́ągo íidoolííł, bíla' yee dah daníłteehgo doo tsé bik'ą́ą́h didííltał da.

MATTHEW 4:6 ပူးပေါင်းရင်းမြစ်များ

HEBREWS 1:14

Ákoshą' diyingo nidaal'a'í ha'át'íí danilį́? Jó, níłch'i danilį́įgo Diyin God yá nidaal'a' áádóó yisdá'iildééh hwíí' dadooleełii háká anájah doo biniyé adabi'diis'a'.

PSALMS 34:7

Bóhólníihii bidiyingo naal'a'í éí dabidósinii binaagóó yináhooleeł, áádóó yisdábiinííł.

II CORINTHIANS 11:14

Áyaanída Séítan t'áá bí níłch'i bida'iiníziinii binanit'a'í nilíinii nidi, łahgo át'éego diyingo naal'a'í bits'ádi'nídínígi át'éego yí'ínídiil'įįh.

PSALMS 34:20

Hats'in t'áá át'é há yaa áhályą́; t'áadoo ła' k'é'éltǫ' da.

MATTHEW 4:4

Jesus haadzíi'go ání, Diyin God bizaad bee ak'e'ashchíinii kóní: Diné doo bááh t'éí yee hináa da doo, nidi saad t'áá ałtso Diyin God yee hahadziihii yee hináa doo.

JOB Naaltsoos Biyi' Job Baa Hane'ii 5:23

Dá'ák'ehgóó tséhígíí doo nide át'ée da doo; nihokáá'góó naaldlooshii da'ałchinii doo naa nídaat'į́į da doo.

JOB Naaltsoos Biyi' Job Baa Hane'ii 1:10

Bí áádóó ba'áłchíní índa bee hólóonii t'áá ałtso da' éísh anít'i' yine' nidaadzi' dooleełii doo bá íinilaa da? Yinaashnishii bá bik'ijiisínídli' áádóó kéyahgóó binaalye'é k'ee'ąą deeshzhiizh.