MATTHEW 4:5 - Navajo Bible

⁵ Áko níłch'i bida'iiníziinii binanit'a'í éí diyingo kin haal'áágóó hoł ní'áazhgo áadi kin bii' sohodizin bikáá'dóó dego yaa'áhígíí bílátahgi dah hwiisį'go,

MATTHEW 4:5 ပူးပေါင်းရင်းမြစ်များ

II CHRONICLES 3:4

Kin bidáahjigo chaha'oh béédiní'ánígíí éí náásee'go áníłnézígíí kin naaniigo áníłtélígíí t'áá bił aheeníłtso; éí tádiin ké silá áníłtso áádóó dego neeznádiindóó ba'aan tseebídiin ké silá ánízah. Biyi'dę́ę'go éí óola t'áá bízhání yik'i niiníłkaad.

NEHEMIAH 11:1

Diné binanit'a'í danilíinii Jerúsalem kin haal'áagi kéédahat'į́į́ nít'éé'; diné łahjį'ígíí yáá'iilt'e' yaa naaskaigo diné neeznált'éhígíí t'ááłá'í bits'ádooltéełgo éí dílzingo kin haal'áagi Jerúsalemgi kééhat'į́į doo áádóó diné náhást'élt'éhígíí éí náádaałahgóó kin hadaas'áágóó kéédahojit'į́į doo.

NEHEMIAH 11:18

Diyingo kin haal'áagi Líívai dine'é danilíinii éí naakidi neeznádiindóó ba'aan tseebídiindóó ba'aan dį́į́' ánéelą́ą'go kééhat'į́į́ nít'éé'.

ISAIAH 48:2

Jó, éí hodiyingo kin haal'áii bee ádííníjí áádóó Ízrel dine'é biDiyin God baa jííníshłí, diní; éí t'áá ałtsoní bee Bóhólníihii bidi'ní.

ISAIAH 52:1

Záíyan nílíinii, ch'éénídzííd; ch'éénídzíidgo díldzííł; Jerúsalem diyingo kin haal'áii nílíinii, ni'éé' nizhónígíí biih ninááh, háálá k'ad kodóó doo bąąh náhineeshgizhii índa chin bąąh hólóonii doo ła' nił yah adookah da.

DANIEL 9:16

Bóhólníihii nílíinii, ts'ídá t'áá ákogi át'éego ááníiłii t'áá ałtso bik'ehgo, jó, Jerúsalem nikin haal'áii, nidził diyinii bich'į' náhóóchįįdgo hashké ninidzį́'ígíí łahgo ánánídléehgo baa nánooshkąąh; jó, nihí ádił nida'ayeelzíi'go índa danihizhé'é yę́ę ádił nida'iisíi'go biniinaa nihinaagóó kéédahat'íinii éí Jerúsalem índa nidine'é t'óó yá nidahałt'i'.

DANIEL 9:24

Tsosts'idiindi damóo azlį́į'jį' éí nidine'é índa diyingo nikin haal'áii át'ée dooleełii nideet'ą́, éí ts'ídá bąąhági áhooníiłii bíighah adooleełgo bąąhági át'éii ádooldįįł, áádóó bąąhági ádaat'íinii bá k'énáhodoodleełgo hool'áágóó ts'ídá t'áá ákogi át'éii biih hidoot'ish áádóó éí nił ádzaii índa áhodoonííł baa hóóne'ígíí ts'ídá bohodoolnííł índa ts'ídá aláahgo diyingo haz'ą́ ats'ádeet'ą́ dooleełgo ak'ah bik'i yeidoodziłgo hodoosį́į́ł biniyé nideet'ą́.

MATTHEW 27:53

áádóó Jesus daaztsą́ą́dę́ę́' náádiidzáádóó bik'ijį' éí dajishcháá'dę́ę́' ch'ééjiiskaigo diyingo kin haal'áá góne' aheeskai, áko lą'í yich'į' ída'diilyaa.

LUKE 4:9

Nít'éé' Jerúsalemgóó ahóólóóz, áko kin bii' sohodizin bikáá'dóó dego yaa'áhígíí bílátahgi dah hwiisį', áko ánááhodi'ní, Diyin God biYe' nílį́į́ ládą́ą́', kodóó hadah dah diilyeed,

JOHN 19:11

Jesus ánááhodoo'niid, Bee nóhólníihii doo yá'ąąshdę́ę́' naa deet'ą́ą́góogo doo shíninil'ą́ą da, éí bąą naa shidiní'ánígíí aláahgo bąąhági ádzaa.

REVELATION 11:2

Nidi kin bii' sohodizin binaagi haz'ánígíí doo bídí'nííł'ąął da. Éí t'áadoo baa nánít'íní, háálá ał'ąą dine'é bił dah nidahaz'áanii baa deet'ą́, áko diyingo kin haal'áii yik'i naaldeehgo dízdiindóó ba'aan naaki nídidooził.