MATTHEW 4:4 - Navajo Bible

⁴ Jesus haadzíi'go ání, Diyin God bizaad bee ak'e'ashchíinii kóní: Diné doo bááh t'éí yee hináa da doo, nidi saad t'áá ałtso Diyin God yee hahadziihii yee hináa doo.

MATTHEW 4:4 ပူးပေါင်းရင်းမြစ်များ

EXODUS 16:15

Áko Ízrel dine'é éí dayiiłtsą́ągo áda'ahidi'ní, Ha'át'íísh át'é? Háálá át'éii doo hoł béédahózin da. Mózes áhodííniid, Eii lá bááh dadoohsį́įłgo Bóhólníihii nihaidiní'ánígíí át'é ni.

EXODUS 16:35

Áko Ízrel dine'é éí mána deiyą́ągo dízdiin nááhai; kéyah biyi' diné kéédahat'ínígíí yaa nínáajį' Kéínan kéyah hoodzo yitis yínáajį' mána deiyą́ągo nihoolzhiizh.

EXODUS 16:8

Áko Mózes ádííniid, Kót'ée dooleeł: Bóhólníihii éí e'e'áahgo atsį' nihaná'áltso' doo, índa abínígo éí bááh bee hwiih nídaahdleeh doo, háálá Bóhólníihii t'áá bí bich'į' saad dahonohłónígíí yidiits'a'; nihíshą' ha'át'íí niidlį́? Doo nihí nihich'į' saad dahonohłǫ́ǫ da, nidi Bóhólníihii bich'į' saad dahonohłǫ́.

EXODUS 23:15

Díík'ǫsh t'áágééd bááh ályaii binahjį' dahodíínóhsingo áłah náhdleeh doo; díík'ǫsh t'áágééd bááh ályaii tsosts'id néíłkáahjį' daohsą́ą doogo nihich'į' haasdzíi' ni'; Éíbib yiziłígíí binih ła'a jį́ bee nihoot'áníjį' ánáhwiilzhíishgo ákódaaht'į́į doo, háálá éí biyi' Ííjip kéyahdę́ę́' ch'ínoohkai ni', áádóó ła'da nááhániihii doo t'áágéedgo shich'į' nizhdoogáał da.

MATTHEW 15:11

ha'át'íhída diné bizahwiileehígíí éí doo nibiiłchxǫǫh da, nidi bizéé'dę́ę́' hahwiileehígíí éí nibiiłchxǫǫh.

MATTHEW 4:10

Nít'éé' Jesus ánáádí'ní, Yówehdi naniná, Séítan! Háálá Diyin God bizaad bee ak'e'ashchíinii ání: Bóhólníihii niDiyin God bich'į' nahółáa doo, áádóó t'áá bí t'éiyá bá nanil'a' doo.

MATTHEW 4:7

Áádóó Jesus éí níłch'i bida'iiníziinii binanit'a'í ánéidoo'niid, Jó, Diyin God bizaad bee ak'e'ashchíinii ałdó' ání, Bóhólníihii nihiDiyin God t'ááká nabínóótaah lágo.

MARK 7:20

Áko ánáázhdí'ní, Diné bii'dę́ę́' hahwiileehii éí diné niyiiłchxǫǫh.

LUKE 4:12

Áko Jesus éí níłch'i bida'iiníziinii binanit'a'í yich'į' hanáánáádzíi'go ání, Bóhólníihii niDiyin God t'ááká nabínóótaah lágo, ha'ní.

LUKE 4:4

Nít'éé' Jesus haadzíi'go ííłní, Diyin God bizaad bee ak'e'ashchíinii kóní: Diné doo bááh t'éí yee hináa da doo, nidi saad t'áá ałtso Diyin God yee hahadziihii yee hináa doo.

LUKE 4:8

Áádóó Jesus hanáánáádzíi'go ííłní, [Séítan nílíinii, shidinínáágóó aninááh, háálá] kót'éego bee ak'e'ashchį́: Bóhólníihii niDiyin God bich'į' nahółáa doo, áádóó t'áá bí t'éiyá bá nanil'a' doo.

JOHN 15:26

Nidi Áká Análwo'ii, aTaa' bits'ą́ą́dę́ę́' nihaa deesh'aałígíí, éí Níłch'i Diyinii t'áá aaníinii ííshją́ą́ áyoolíiłii aTaa' bits'ą́ą́dę́ę́' hólónígíí éí nihaa honíle'go shá hodoolnih;

JOHN 6:63

Níłch'i Diyinii éí iiná eidii'aah, nidi ats'íís éí t'áadoo nídoodleełí da; saad bee nihich'į' hahásdzí'ígíí éí Níłch'i Diyinii bits'ą́ą́dóó bee iináanii át'é.

ROMANS 15:4

Háálá t'áá shiidą́ą'di Diyin God bizaad bee ak'eda'ashchíinii nanihinitin biniyé bee ak'eda'ashchį́, áko éí binahjį' chánah daniidlį́įgo hada'ííníilní, áko nihił chodahoo'į́į doo.

EPHESIANS 6:17

Áádóó béésh ch'ah bee yisdá'iildéehii índa Níłch'i Diyinii bidiltłish nídahidoohnííł, jó, Diyin God bizaad éí diltłish át'é.

DEUTERONOMY 8:3

Áádóó a'ohgo áda'díínółzin ánihósin áádóó t'óó dichin bééda'ayoohnííh ánihósingo mána wolyéii doo nihił béédahózin da nít'éé' yę́ę, índa danihizhé'é yę́ę ałdó' doo bił béédahózin da nít'éé' yę́ę nihiyiyíísą́ą́', áko díí nihił béédahózingo ánihidoolííł: diné doo bááh t'éí yee hináa da doo, nidi saad t'áá ałtso Diyin God yee hahadziihii yee hináa doo.