MATTHEW 4:3 - Navajo Bible

³ Áko na' íńtaahii haa níyáago áháłní, Diyin God biYe' nílį́į́ ládą́ą́' díí kǫ́ǫ́ tsé naaznilígíí bááh nídadoodleełgo bá handziih.

MATTHEW 4:3 ပူးပေါင်းရင်းမြစ်များ

EXODUS 16:3

Áko Ízrel dine'é ádahodííniid, Bíni' lá, Ííjip kéyahdi Bóhólníihii bíla' yee nanihidoołtsił nít'éé'; áadi atsį' hadanigáahgo binaháaltą́ą łeh nít'éé' áádóó bááh deidą́ągo bee hwiih daniidlį́į łeh nít'éé'; jó, t'áá dah yii'nééł nít'éé' dichin bee nihidííghą́ą́ł biniyé díí honoojíijį' anihííní'eezh.

MATTHEW 14:33

Nít'éé' tsinaa'eeł yii' naháaztánígíí hach'į' nitsidadeezgo'go ádaaní, T'áá aaníí Diyin God biYe' nílį́į́ lá.

MATTHEW 16:16

Nít'éé' Sáíman Peter haadzíi'go, Diyin God hináanii biYe' Christ nílį́, hodííniid.

MATTHEW 26:63

Nidi Jesus t'áadoo ák'ihazdoodzíi' da. Nít'éé' aláahgo náá'iiłniihii ánááhodoo'niid, Diyin God hináanii binahjį' ándishní, Christ, Diyin God biYe' daats'í nílínígíí bee nihił hólne'.

MATTHEW 3:17

Áádóó yá'ąąshdę́ę́' iinéé' diists'ą́ą'go ání, Díí shiYe' ayóó'óósh'níinii jílį́, t'áá íiyisí hąą shił hózhǫ́.

MARK 1:1

Diyin God biYe' Jesus Christ baa hane' yá'át'éehii bee deezt'i'ii.

MARK 3:11

Áádóó níłch'i danchxǫ́'ígíí nídahoołtséehgo hayaajį' anída'diilghą́ąhgo éí yéego háádadilwoshgo ádaaní, Diyin God biYe' nílíinii ánít'į́.

MARK 5:7

yéego hadoolghaazhgo ání, Jesus, Diyin God Aláahgo Ayóó'át'éii biYe' nílíinii, haashą' shíléehgo ánít'į́? Diyin God binahjį' nánooshkąąh, atíshóólééh lágo.

LUKE 1:35

Áko diyingo naal'a'í hanáánáádzíi'go áhodííniid, Níłch'i Diyinii nik'i hwiidooleeł, índa Aláahdi Ayóó'át'éii bibee adziilii nik'iidooldoh, éí bąą awéé', Diyin nilíinii, dííłchíłígíí Diyin God biYe' bee yídóojiił.

LUKE 22:70

Áko t'áá ałtso ádadííniid, Da' ákoósh Diyin God biYe' nílį́? Áádóó ábizhdííniid, Jó, t'áá nihí éí hó ájít'į́ dashidohní.

LUKE 4:3

Níłch'i bida'iiníziinii binanit'a'í áhodííniid, Diyin God biYe' nílį́į́ ládą́ą́' díí tsé bááh nídoodleełgo bá handziih.

LUKE 4:41

Áádóó diné lą'í dabiyi'dę́ę́' níłch'i bi'iiníziinii hahaazhjéé', éí dadilwoshgo ádaaní, Ni Christ Diyin God biYe' nílį́! Nidi Christ jílį́įgo bił béédahózingo bąą dzideeztehgo hadadoodzihígi t'áadoo bee bá hojiił'a' da.

LUKE 4:9

Nít'éé' Jerúsalemgóó ahóólóóz, áko kin bii' sohodizin bikáá'dóó dego yaa'áhígíí bílátahgi dah hwiisį', áko ánááhodi'ní, Diyin God biYe' nílį́į́ ládą́ą́', kodóó hadah dah diilyeed,

JOHN 1:34

Áko t'áá shí yiiłtsą́, áádóó baa ch'íhoní'ą́ągo ádíshní, Díí Diyin God biYe' át'į́į́ lá.

JOHN 1:49

Natháneiyel ánááhodoo'niid, Na'nitiní, Diyin God biYe' nílį́į́ lá! Ízrel dine'é Aláahgo biNanit'a'í nílį́į́ lá!

JOHN 20:31

nidi Jesus éí Christ, Diyin God biYe' nilį́įgo deidoohdląąłígíí biniyé díidíígíí bik'inídaháasdzo, áko éí deinohdlą́ągo baa dadzíínóhłíigo bízhi' biniit'aa iiná nihee dahólǫ́ǫ dooleeł.

JOHN 9:35

Áts'ádadzist'e'ígíí Jesus yiyíínii', áko hak'íníyáago áhodííniid, Da' Diyin God biYe'ésh yinídlą́ągo baa dzíínílí?

ACTS 9:20

T'áá áko kin bii' áłah nída'adleehgóó, Christ éí Diyin God biYe' nilį́, jiníigo Jew dine'é bił hojilne'go baa nízdiidzá.

II CORINTHIANS 1:19

Háálá Silvéínas áádóó Timothy índa shí ałdó' nihitahgóó Diyin God biYe' Jesus Christ baa dahwiilne'ígíí éí, Aoo', índa, Dooda, doo ha'níinii át'ée da, nidi bí éí, Aoo' oołeełii nilį́.

GALATIANS 2:20

Jó, Christ bił tsin ałnáoszid bąąhjį' shił o'oolkaal, áko k'ad hinishnánígíí éí doo t'áá shí hinishnáa da, nidi Christ shii' hinánígíí bee hinishná, áko k'ad hinishnánígíí éí Diyin God biYe' ayóó'áshó'níigo shá daaztsáanii baa jííníshłíhígíí bee hinishná.

I THESSALONIANS 3:5

Áko níłch'i bida'iiníziinii binanit'a'í nanihíneeztą́ą'go nihindashiilnishii t'áá ádzaaí silį́į́' dó'óshłí nisingo biniinaa t'áá íiyisí shi'diił'áago nihe'oodlą' shił bééhodoozįįł biniyé Timothy nihich'į' ííł'a'.

HEBREWS 12:16

Ła'da na'ageh doo yee tsi'naagháa da dooleeł, doodaii' Íísa doo hodísin da yę́ęgi át'éego t'ááká doo ádá dahodíínółzin da yíila'. Jó, éí átsé yizhchíinii jílį́įgo bee hóhólníih dooleeł yę́ę t'ááłáhídi oodą́'ígíí bee haa nahaaznii'.

HEBREWS 4:14

Jó áko, Jesus éí Diyin God biYe' ayóó át'éii nihá aláahgo náá'iiłniihii nilíinii yá'ąąshgóó anáádzá. Éí bąą haa'íshą' nihe'oodlą' bee ádee hadiidzí'ígíí yéego bee ádaniit'ée doo.

HEBREWS 7:3

Bizhé'é áádóó bimá éí t'áadoo ła' yééhósiní da, dabizhé'é yę́ę nidi t'áadoo ła' yééhósiní da, áádóó hojideezlį́į'gi índa nááho'diilyáhígíí nidi doo bééhózin da. Diyin God biYe' hool'áágóó náá'iiłniihii nahojílin.

I John 3:8

Bąąhági ájít'ínígíí éí níłch'i bida'iiníziinii binanit'a'í bits'ą́ą́dę́ę́' hojílǫ́, háálá níłch'i bida'iiníziinii binanit'a'í éí t'áá hodeeyáádę́ę́' bąąhági áánííł. Diyin God biYe' éí níłch'i bida'iiníziinii binanit'a'í binaanish íidoołdįįł yiniyé níyá.

REVELATION 2:10

Bik'ee ti'dahwiidoohnihgo bich'į' hoolzhishígíí t'áadoo bik'ee nihił daayé'í. Jó'akon, nihí dahodínóotahígíí biniyé níłch'i bida'iiníziinii binanit'a'í k'adę́ę nihí ła' awáalyaa góne' anihiiłtł'iid, áádóó nihich'į' nidahwii'náago neeznáá yidoołkááł. T'áá dasinoonáajį' hada'íínółní, áko iináájí naat'á ch'ah nihitaa deeshnih.