MATTHEW 3:7 - Navajo Bible

⁷ Nidi Férisii áádóó Sádjusii danilíinii tó bee dabidi'doolzįh biniyé deíkáahgo jiiłtsą́ągo ábijiní, T ł'iish ba'áłchíní danohłíinii! Háishą' Diyin God t'óó báhádzidgo bibee até'él'íinii bits'ą́ąjį' dah dadínóohchééh nihidííniid?

MATTHEW 3:7 ပူးပေါင်းရင်းမြစ်များ

GENESIS 3:15

Áádóó ni índa asdzání bił ałk'ee diní'niihgo ádeeshłííł; na'áłchíní índa éí ba'áłchíní yił ałk'ee dadi'niihgo ádeeshłííł; éí nitsiits'iin yidoołjish; ni éí bikétal dííłjish.

PROVERBS 28:4

Diyin God bibee haz'áanii yóó'adeidii'aahii éí diné doo yá'ádaashóonii yaa dahaniih, nidi Diyin God bibee haz'áanii yik'eh dahół'íinii hoł ahaa naakai.

ISAIAH 59:5

Tł'iish báhádzidii biyęęzhii yii' hadahakáahgo ádeile', áádóó na'ashjée'ii bitł'óól nideiniłdiz; biyęęzhii t'áá háiida yiyííyą́'ígíí éí dadootsaał, áádóó yists'ilígíí bits'ą́ą́dóó tł'iish báhádzidii hadoogááł.

JEREMIAH 51:6

Bábilan kéyahdóó dah dínóohdzoodgo t'ááłá'í nootínígo yisdáhóhkááh; Bábilan dine'é bee atíbi'dil'íinii ła' bee nanihi'dóótseed lágo, háálá Bóhólníihii k'éédidoo'níłígíí baa hoolzhiizh; bą́ą́h ajílíinii yee k'ééhodidoodlííł.

JEREMIAH 6:10

Dadi'doots'į́łígíí biniyé háí lá bich'į' hadeesdzihgo bi'deeshnih lá? Bijaa' doo daalzį́į́'góó doo t'áá k'ad da'diizts'ą́ą' da, jó'akon. Shoo, Bóhólníihii bizaad t'óó yá nidahałt'i'go doo yaa bił dahózhǫ́ǫ da.

MATTHEW 12:24

Nidi Férisii danilíinii éidíígíí deidiizts'ą́ą'go ádadííniid, Díí diné éí Béíyalzííbab, níłch'i bida'iiníziinii binanit'a'í nilíinii t'éiyá bee níłch'i bida'iiníziinii ayi'dę́ę́' hahizhniłkaad lá.

MATTHEW 12:34

Tł'iish ba'áłchíní danohłíinii, doo yá'ádanoht'ééhgóoshą' haa yit'éego éí yá'át'éehii bee hadahohdziih doo? Háálá t'áá hajéí bii' hólónígíí t'áá éí bee yájíłti' łeh.

MATTHEW 15:12

Ákohgo hódahooł'aahii yíkaigo ádahodííniid, Díí bee háínídzí'ígíí Férisii danilíinii deidiizts'ą́ą'go yik'ee doo bił dahóózhǫǫd daígíísh ni ł bééhózin?

MATTHEW 16:1

Nít'éé' Férisii índa Sádjusii danilíinii neheeskaigo hákada'iiłhilgo, Yá'ąąshdę́ę́' nibee adziilii bee bééhózinii ła' nihił ííshją́ą́ ánílééh, dahodííniid.

MATTHEW 16:6

Áko Jesus áhodííniid, Férisii índa Sádjusii danilíinii bidíík'ǫsh bee taos'nii' niilyółí bits'ąą ádaa ádahołyą́.

MATTHEW 22:15

Ákohgo Férisii danilíinii dah diikaigo, T'áá ha'át'éegoda hazaad bee hákadadi'yiilyił, daaníigo yaa nídaast'įįd.

MATTHEW 22:23

Nít'éé' t'áá éí bijį́ Sádjusii danilíinii haa yíkai, éí aninéédę́ę́' doo náá'di'yiijeeh da daaní, áko nidahódééłkidgo

MATTHEW 22:34

Nidi hó éí Sádjusii danilíinii t'áadoo yee hanáádaodziihígóó ádajiilaaígíí Férisii danilíinii yaa dahodiizts'ą́ą'go haa áłah silį́į́'.

MATTHEW 23:33

Na'ashǫ́'ii danohłíinii, tł'iish ba'áłchíní danohłíinii, hool'áágóó ti'hoo'nííh bił haz'ą́ąjį' ánihwiit'aahígíishą' haa yit'éego baa dáádidoohkah?

MATTHEW 5:20

Háálá ánihidishní, Bee haz'áanii yínda'niłtinii áádóó Férisii danilíinii biláahgo ts'ídá t'áá ákogi ádanoht'éego t'éiyá yá'ąąshii bee bóhólníihgo bił haz'áanii biih hidoohkah.

MARK 12:13

Áko Férisii danilíinii ła' áádóó Hérad yich'ijí danilíinii ałdó' ła' hazaad yee hákada'iiłhil doo biniyé hach'į' ada'as'a'.

MARK 12:18

Nít'éé' Sádjusii danilíinii haa náánákai, éí aninéédę́ę́' doo náá'di'yiijeeh da daaní, áko kódaaníigo nidahódééłkid,

MARK 8:15

Hazhó'ó ábizhdííniidgo ájíní, Férisii danilíinii bidíík'ǫsh bee taos'nii' niilyółí índa Hérad bidíík'ǫsh bee taos'nii' niilyółí bits'ąą ádaa ádahołyą́.

LUKE 16:14

Férisii danilíinii, éí béeso yíchą́deídéelni'ii, díidí deidiizts'ą́ą'go há nídahodiiłt'i'.

LUKE 18:11

Nít'éé' Férisii sizį́įgo kót'éego t'áá bí ádee sodoolzin, Diyin God, nich'į' ahééh nisin, shí doo diné ła' ádaat'éhígi ánísht'ée da, aghada'ii'níiłii, doo t'áá ákogi ádaat'íinii, da'diléii, índa díí tax nahalyéhígíí yiniyé sidáii nidi doo ákónísht'ée da.

LUKE 7:30

nidi Férisii danilíinii índa bee haz'áanii yínda'niłtinii éí Diyin God binahat'a' doo ádá deinidzin dago biniinaa, John tó yee dabidoosį́łígíí doo deinízin da nít'éé'.

JOHN 1:24

Áko éí Férisii danilíinii bits'ą́ą́dę́ę́' nidabi'diis'a'go,

JOHN 8:44

Níłch'i bida'iiníziinii binanit'a'í danihizhé'é át'é, éí bits'ą́ą́dę́ę́' dahosoolį́į́', éí nihizhé'é nilíinii laanaa nízinígíí t'éí bida'oł'į́. Éíyee' hodeeyáádę́ę́' diné neiłtseedii nilį́, áko t'áá aaníinii doo ádíidéélt'i' da, háálá t'áá aaníinii bii' ádin. Biyooch'íidgo t'áá bí át'éii yee ádaa yálti', háálá biyooch'íidii nilį́, áádóó wooch'ííd yizhé'é nilį́.

JOHN 9:40

Férisii danilíinii ła' hwíighahgi naazínígíí dahodiizts'ą́ą'go ádahodííniid, Da' nihíísh ałdó' doo da'iit'į́į da?

ACTS 15:5

Nidi da'oodlání ła' Férisii yich'ijí danilį́į́ nít'éé' yę́ę nídahidii'néehgo ádadííniid, Ts'ídá t'áá nihąąh nídahinilgish doo, índa Mózes yee has'áanii bik'eh dahonoł'į́į doo, bidi'doo'niiłgo ts'ídá bohónéedzą́.

ACTS 20:31

Éí bąą hada'ísídół'į́į́', táá' nááhaijį' t'áadoo áhodiiszéhí t'áá ákwíí jį́ índa t'áá ákwíí tł'éé', shinák'eeshto' naashnilgo t'ááłá'í nootínígo nanihinishtingo bee nihi'ayééłnii'ii béédaałniih.

ACTS 26:5

T'áá ałk'idą́ą́' shéédahodzísin, áko nihinahagha' aláahdi át'éego deidísingo yee dah yikahii bik'ehgo Férisii nishłį́įgo hinishnáá nít'é'ígíí bee shaa nidahozhdoolnih ládą́ą́' shá dahozhdoolnih.

ACTS 5:17

Nidi aláahgo náá'iiłniihii índa bich'ijí danilínígíí t'áá ałtso, éí Sádjusii dah yikahii, dahoołch'į́įdgo t'áá íiyisí bádahazhchįįdgo

ROMANS 1:18

Háálá doo Diyin God k'ehgo ádaat'éii índa doo ákogi ádaat'íinii, doo ákogi ádajit'ínígíí bee t'áá aaníinii yaa ádadzósinii t'áá ádzíłtso éí yá'ąąshdę́ę́' Diyin God t'óó báhádzidgo bibee até'él'íinii yee hak'ijį' nilį́įgo bééhoozin,

ROMANS 5:9

Éí bąą k'ad bidił deezna'ígíí bee t'áá ákogi ádaniit'éego nihá ha'oodzíí', áádóó t'ah nááyówehgo Diyin God t'óó báhádzidgo bibee até'él'íinii bits'ą́ąjį' yisdánihizhdoonił.

I THESSALONIANS 1:10

Índa Diyin God biYe' daaztsą́ą́dę́ę́' néidiisáii yá'ąąshdę́ę́' nídoodáłígíí biba' ádanoht'éego ałdó' yee nihaa nidahalne'. Jó, Diyin God t'óó báhádzidgo bibee até'él'íinii yee atí'doolíiłgo bich'į' hoolzhishígíí bits'ą́ąjį' Jesus yisdánihiinííł.

HEBREWS 11:7

Nóah hwe'oodlą' bee éí ádahodooníiłii t'ah doo ádahanééhdą́ą́' Diyin God ho'níłnii', áko hozdósingo ha'áłchíní yisdádookah biniyé tsinaa'eeł hasht'ejiilaa. Ákót'éego nihokáá' dine'é bá nihozhní'ą́, áádóó t'áá ákogi át'éii hwe'oodlą' bee shójoost'e'.

HEBREWS 6:18

Áko naaki góne' haz'ą́ ts'ídá doo łahgo ánáo'ne' át'éii yee Diyin God doo biyooch'ííd wóle' át'ée da. Áko éí binahjį' nihí doo yá'át'éehii bik'ee Diyin God bich'į' adahiniichą́ą'ii yá'át'éehii nihidáahdi hólóonii bíká nihił chodahoo'íinii deidiiltsołgo yéego bee chánah daniidlį́į doo.

I John 3:10

Díí bee Diyin God ba'áłchíní índa níłch'i bida'iiníziinii binanit'a'í ba'áłchíní ał'ąą át'éego bee bééhózin: t'áá háiida doo ts'ídá t'áá ákogi ájooníłígíí éí doo Diyin God bits'ą́ą́dóó hojílǫ́ǫ da, áádóó Christ bee hak'is nilíinii doo ayóó'ájó'níinii éí doo Diyin God bits'ą́ą́dóó hojílǫ́ǫ da.