MATTHEW 3:4 - Navajo Bible

⁴ John éí ghą́ą́'ask'idii bighaa' bee éé' ályaago ha'éé', áádóó akał sis bee áká dzíszaaz, índa nahachagiitsoh índa tsés'ná bitł'izh ałdó' hach'iyą'.

MATTHEW 3:4 ပူးပေါင်းရင်းမြစ်များ

II KINGS 1:8

Áko hach'į' hádaasdzíí', Diné ditł'oii léi' akałsis biníí' gónaa yee ákászaaz. Áko Eihazáíyah ání, Éí lá Tíshbeh dine'é Iiláíjah át'į́ ni.

ISAIAH 20:2

t'áá éí hoolzhish yę́ędą́ą́' Bóhólníihii éí Éímaz biye' Aizéíyah yich'į' haadzíi'go ání, Nílááh, tł'oh azis bił áká sínílzaazígíí hadiiltsóós áádóó nikee' hadiidlé. Áko ákódziidzaago t'áá jilchí'ígo áádóó hakee' t'áágééd nijighá.

LEVITICUS 11:22

Díí éí daohsą́ą doo: nahachagitsoh binídaałt'éii áádóó nahachagitsoh bitsiits'iin dilkǫǫhígíí binídaałt'éii áádóó nahák'ízii binídaałt'éii índa nahachagii binídaałt'éii daohsą́ą doo.

ZECHARIAH 13:4

Díí ałdó' baa hodoolzhish: éí bijį́įdi t'áá ádzaagóó dahalne'ii t'ááłá'í nítínígo bił ádaadzaago yaa dahoolne'ii t'óó yaa yádadínóozįįł índa binda'adlo' doo biniyé beeldládí éé' dadits'ozii ak'ínídeiltihgo doo ádeił'į́į da doo.

MALACHI 4:5

Bóhólníihii beiníłką́ądi ayóó át'éego índa bik'ee t'óó ił ahayóigo ha'doo'áłígíí t'ah bítséedi Diyin God yá halne'ii Iiláíjah nihaa deesh'aał, jó'akon.

MATTHEW 11:18

Háálá John éí ch'iyáán índa daadláanii doo yíchą́ yídéelni'go níyáa da, áko diné ádaaní, Níłch'i bi'iiníziinii bii' hólǫ́ǫ́ lá.

MATTHEW 11:8

Nidi ha'át'íishą' deidoołtséełgo ákǫ́ǫ́ nidasoohkai? Éé' daalzhólíii yee hadít'éii daats'í? Jó'akon, diné éé' daalzhólíii yee hadadít'éii éí aláahgo naat'áanii dabinághangóó kéédahat'į́.

MARK 1:6

John éí ghą́ą́'ask'idii bighaa' éé' bee ályaago ha'éé', áádóó akał sis bee áká dzíszaaz, índa nahachagiitsoh índa tsés'ná bitł'izh bikiin nijighá.

LUKE 1:17

Iiláíjah yee át'éé nít'éé' yę́ę índa yee bidziil nít'éé' yę́ę bee Bóhólníihii yilą́ąjį' yigáał doo, áko azhé'é danilíinii t'áá bijéí tł'ááhdę́ę́' bada'áłchíní dayoosánígo áńdeidoodliił índa doo ak'eh dahół'íinii éí t'áá ákogi ádaat'éii bibee hódzáanii yik'eh dayíkáahgo áńdeidoodliił. Diné éí Bóhólníihii yiba' hasht'e'ádadólzingo íidoolííł yiniyé doogááł.

DEUTERONOMY 32:13

Nahasdzáán bikáá' dawódahgóó tázhdígháahgo áhósin nít'éé', áádóó dáda'ak'ehgóó ninádant'į́įhii jiyą́ą́ nít'éé', áádóó tsék'izdę́ę́' tsés'ná bitł'izh índa tsétahdóó áliv bineest'ą' bik'ah jiyą́ągo áhósin nít'éé'.

REVELATION 11:3

Oo'íinii k'ehgo shá halne'ii nidilt'éego t'ááłáhídi mííldóó ba'aan naakidi neeznádiindóó ba'aan hastą́diin yiską́ąjį', aghaashzhiin yistł'ǫ́ǫgo yee hadít'éego Diyin God yá halne' doogo bee adziilii baa dideesh'ááł.