MATTHEW 3:3 - Navajo Bible

³ John lą́ą, éí Aizéíyah Diyin God yá halne'ii nilíinii haa yáłti'go ání: Honoojíidi ła' chánahgo kójíníigo hwiinéé' diits'a'go hojilne': Bóhólníihii bá honít'i'ii hasht'e dahohłééh, be'atiin k'éhézdongo ádaahłééh.

MATTHEW 3:3 ပူးပေါင်းရင်းမြစ်များ

ISAIAH 40:3

Ła' hwiinéé' diits'a'go honoojíidi kójíníigo hojilne', Bóhólníihii bá honít'i'ii hasht'edaahłééh; honoojíidi nihiDiyin God bá k'éhézdongo atiin ádaahłééh.

MALACHI 3:1

Shá halne'ii deesh'aałgo shilą́ąjį' honít'i'go áhodoolííł, jó'akon, áádóó Bóhólníihii hadanohtáii t'áadoo hooyání bikin bii' sohodizingi hodoołeeł; bee aha'deet'áanii yaa halne'ii baa nihił dahózhóonii doogááł, jó'akon, ní t'áá ałtsoní bee Bóhólníihii.

MARK 1:3

Honoojíidi ła' chánahgo kójíníigo hwiinéé' diits'a'go hojilne': Bóhólníihii bá honít'i'ii hasht'edahohłééh, Be'atiin k'éhézdongo ádaahłééh.

LUKE 1:17

Iiláíjah yee át'éé nít'éé' yę́ę índa yee bidziil nít'éé' yę́ę bee Bóhólníihii yilą́ąjį' yigáał doo, áko azhé'é danilíinii t'áá bijéí tł'ááhdę́ę́' bada'áłchíní dayoosánígo áńdeidoodliił índa doo ak'eh dahół'íinii éí t'áá ákogi ádaat'éii bibee hódzáanii yik'eh dayíkáahgo áńdeidoodliił. Diné éí Bóhólníihii yiba' hasht'e'ádadólzingo íidoolííł yiniyé doogááł.

LUKE 1:76

Áko ni, awéé' nílíinii, Ts'ídá Aláahgo Át'éii yá halne'ii yinílyée doo, háálá Bóhólníihii bilą́ąjį' bá honít'i'góó hasht'ehóóliiłgo yínáał dooleeł,

JOHN 1:23

Áádóó ázhdííniid, Bóhólníihii bá honít'i'ii k'éhézdongo ádaahłééh, níigo ła' honoojíidi yéego ánínígíí biinéé' nishłį́, t'áá Diyin God yá halne'ii Aizéíyah ádííniidígi át'éego.