MATTHEW 3:2 - Navajo Bible

² Łahgo át'éego Diyin God bich'į' tsíńdahidohkeesgo ádił nida'iyohsíihii bits'áhóhkááh, háálá yá'ąąshii bee bóhólníihgo bił haz'áanii bílátah dahashzhiizh.

MATTHEW 3:2 ပူးပေါင်းရင်းမြစ်များ

I KINGS 8:47

nidi éí kéyahgóó yisnááh ádaho'diilyaa yę́ędi hajéítł'áahdi łahgo át'éego tsíńdazdookosgo áádóó dahasnánígíí bikéyahdi nich'į' nída'jookąąhgo kódajiníigo, Nida'ayeelzíí' áádóó doo ádahwiilyą́ą́góó doo yá'áshǫ́ǫ́góó ádeiit'įįd;

JOB Naaltsoos Biyi' Job Baa Hane'ii 39:12

Da' nitł'oh naadą́ą́' habíná'íł'isíjį' tł'oh naadą́ą́' t'áá ná niidooyéełgoósh baa dzíínílíigo át'é?

JOB Naaltsoos Biyi' Job Baa Hane'ii 42:6

éí bąą t'óó shaa'ihgo índa łeezh dibahí áádóó łeeshch'iih ádééhésjáahgo Diyin God bich'į' łahgo át'éego tsíndíkééz.

EZEKIEL 33:11

Kóbidiní, Ts'ídá t'áá aaníí hinishná; ákót'éego diné t'áá íiyisí doo yá'áshóonii daaztsą́ągo ts'ídá doo baa shił hózhǫ́ǫ da, ní Bóhólníihii Diyin God; nidi diné t'áá íiyisí doo yá'ájíshóonii ha'át'e'ígíí yóó'azhdidoo'áałgo jiináago baa shił hózhǫ́. T'áá íiyisí doo yá'áshǫ' baa naahkaígíí yóó'adahidoh'aahgo bits'ánóhkááh, bits'ánóhkááh, Ízrel dine'é nohłíinii; ha'át'íísh biniyé dadínóohnééł?

DANIEL 2:44

Áko aláahgo naat'áanii danilíinii bídayéełkaah bijį́ yá'ąąshiidę́ę́' Diyin God éí bee óhólníihgo bił haz'áanii chánah íidoolíiłii ts'ídá doo wóchxǫǫh át'ée da doo. Ts'ídá doo ła'da bee hóhólníih da doo; díí bee óhólníihgo bił dah nidahaz'áanii ałtso bił nihoníyáa doo, nidi éí bee óhólníihgo bił haz'áanii hool'áágóó hólǫ́ǫ doo.

MATTHEW 10:7

Áádóó dayínóhkááhgóó kódadohníigo dahołne', Yá'ąąshii bee bóhólníihgo bił haz'áanii koshídę́ę́' bich'į' hoolzhish.

MATTHEW 11:20

Ákohgo kin hadaas'áágóó, ádahooníił ii ayóó ádaat'éii lą'í yaa naayá yę́ęgóó kéédahat'íinii doo łahgo át'éego Diyin God yich'į' tsíńdadikeesgo yada'ooliihígíí biniinaa yik'íhá'áahgo yaa nídiidzá.

MATTHEW 12:41

Níneveh dine'é yę́ę ánihwiit'aah beiníłką́ądi díí k'ad ahoolchíłígíí yá nidahodoo'áałgo yee deidoozįįł, háálá Jónah éí Diyin God bizaad yaa hoolne'ígíí binahjį' łahgo át'éego Diyin God yich'į' tsíńdadeezkéezgo dayoosdląądgo ádił nida'iiszí'ígíí yits'áhaaskai, nidi jó'akon, Jónah yiláahgo át'éii éí kǫ́ǫ́ naaghá.

MATTHEW 13:11

Nít'éé' Jesus áháłní, Nihí nihich'į'go yá'ąąshii bee bóhólníihgo bił haz'áanii bee na'nitinii doo bééhózin da yę́ę éí nihił béédahózin dooleełgo nihaa deet'ą́, nidi bí, éí doo baa deet'ą́ą da.

MATTHEW 13:24

Áádóó kóníigo náánáła' hane' bee ak'idi'dootį́įłii hoł ch'ínáánéít'ą́, Yá'ąąshii bee bóhólníihgo bił haz'áanii éí kót'é: diné léi' bidá'ák'ehgi k'eelyéí yá'át'éehii k'iidíílá,

MATTHEW 13:31

Áádóó kóníigo náánáła' hane' bee ak'idi'dootį́įłii yee hoł nááhoolne', Yá'ąąshii bee bóhólníihgo bił haz'áanii éí díí nahalin: diné ła' mástad bílástsii' néidii'ą́ągo, bidá'ák'ehgi k'iidíílá;

MATTHEW 13:33

Áádóó náánáła' hane' bee ak'idi'dootį́įłii yee hoł nááhoolne', Yá'ąąshii bee bóhólníihgo bił haz'áanii éí asdzání ła' bááh bee niilyółí néidii'ą́ągo ak'áán táadi haaką́ągo yił tayooznii'go niilyółígíí éí nahalin.

MATTHEW 13:47

Náá'áłdó' yá'ąąshii bee bóhólníihgo bił haz'áanii, éí díí nahalin: łóó' bee hahaltsósí taah deistsoozgo łóó' t'áá ał'ąą ádaat'eełii áłah áyiilaa;

MATTHEW 13:52

Áko ánáábizhdoo'niid, Éí bąą bee haz'áanii yínda'niłtinii t'ááłá'í nítínígo yá'ąąshii bee bóhólníihgo bił haz'áanii yíhooł'aahii silį́į'ii, éí diné léi' kin bee bóhólníhígíí binaalye'é da'ílíinii bitahdóó ádaaniidíii índa t'áá da'ałk'idą́'ígíí ch'íyiiníiłii nahalin.

MATTHEW 18:23

Éí bąą yá'ąąshii bee bóhólníihgo bił haz'áanii díí bił ahąąh naa'nilgo baa nitsáhákees: éí aláahgo naat'áanii léi' bá nidaal'a'í yąąh hadeis'áago éí bá niná'doolyééł biniyé bá yídéeshtah niizį́į́'.

MATTHEW 20:1

Jó, yá'ąąshii bee bóhólníihgo bił haz'áanii, éí díí nahalin: diné léi' kéyah bił haz'ą́ągi bee bóhólníihii bich'il na'atł'o'ii bitahgóó bá nidadoolnishii ła' t'ah abínídą́ą́' yíká dah diiyá.

MATTHEW 22:2

Yá'ąąshii bee bóhólníihgo bił haz'áanii díí bił ahąąh naa'nilgo baa nitsáhákees, éí aláahgo naat'áanii léi' biye' iiyehgo yá áda'íísįįd,

MATTHEW 23:13

Nidi bee haz'áanii bínda'nołtinii índa Férisii danohłíinii, t'óó ádahodoł'íinii, doo hojooba' ájíníi da! Háálá yá'ąąshii bee bóhólníihgo bił haz'áanii diné bits'ą́ą́' bidáń'da'dołkał, háálá t'áá nihí nidi doo yah adaahkáah da, índa k'adę́ę yah adaakáhígíí nidi, yah adadookahgi bąąh daah'į́.

MATTHEW 25:1

Ákohgo yá'ąąshii bee bóhólníihgo bił haz'áanii éí ch'ikéí neeznált'éego bee hool'iní dah deidiijaa'go iiyehii yidááhgóó eekaígíí nahalin.

MATTHEW 25:14

Yá'ąąshii bee bóhólníihgo bił haz'áanii éí kót'é: diné léi' náánáła' kéyahgóó deeyáago bá nidaal'a'í hágo yidííniidgo, hanaalye'é há yaa ádahalyą́ą doo biniyé bitaazdeez'ą́,

MATTHEW 4:17

Éí hoolzhish yę́ędóó wóshdę́ę́' Jesus aho'niilne'go ání, Łahgo át'éego Diyin God bich'į' tsíńdahidohkeesgo ádił nida'iyohsíihii bits'áhóhkááh, háálá yá'ąąshii bee bóhólníihgo bił haz'áanii bílátah dahashzhiizh.

MATTHEW 4:23

Gálilii kéyahgóó t'áá níłtéél nít'éé' kéédahat'ínígíí bikin yii' áłah nídaadleehí naaznilgóó Jesus nazh'nitingo, áádóó aláahgo bee óhólníihgo bił haz'áanii baa hane' yá'át'éehii baa hojilne', índa diné bitahgóó naałniih bąąh dahólóonii t'áá ałtso áádóó ka nidaakaígíí t'áá ałtso hadaałt'é ándajidle'go tázhdííyá.

MATTHEW 5:10

Ts'ídá t'áá ákogi é'ét'éii biniinaa atídabi'dil'íinii bik'idahojidlí, háálá yá'ąąshii bee bóhólníihgo bił haz'áanii daabíí'.

MATTHEW 5:3

Diyin k'ehgo hojooba' ádaat'éego ádaa nitsídaakeesii bik'idahojidlí, háálá yá'ąąshii bee bóhólníihgo bił haz'áanii daabíí'.

MATTHEW 6:10

Bee nóhólníihii náásgóó k'ee'ąą yilzhish le'. Áádóó bee íinínízinii t'áá yá'ąąshdi ááníłígi át'éego nahasdzáán bikáa'gi ááníił le'.

MATTHEW 6:33

Nidi Diyin God bee bóhólníihgo bił haz'áanii áádóó yee ts'ídá t'áá ákogi át'éii alą́ąjį' hádaaht'į́, áko éidí t'áá ałtso nihá bíidoolyééł.

MARK 1:15

kójíníigo, K'ad áajį' ahoolzhiizh, Diyin God bee bóhólníihgo bił haz'áanii baa hodoogáałjį' bílátah dah hashzhiizh; łahgo át'éego tsíńdahidohkeesgo hane' yá'át'éehii deinohdląąh.

MARK 1:4

Honoojíidi John tó yee asį́įhgo níyá. Łahgo át'éego Diyin God bich'į' tsínáhodiikeesgo habąąhági át'éii há yóó'iididoo'áałgo tó bee ho'didoolzįhjí yee na'neeztą́ą́'.

MARK 6:12

Áko dashdiikaigo, Diné danohłíinii, łahgo át'éego tsíńdahidohkeesgo nihibąąhági ádaat'éii bits'áhóhkááh, dajiníigo nidahodzisne'.

LUKE 1:16

Ízrel bidine'é lą'í yilt'éego biBóhólníihii t'áá éí biDiyin God yich'į' t'ą́ą́' ninéidiyoo'ish.

LUKE 11:20

Nidi Diyin God bílázhoozh bee níłch'i bida'iiníziinii ayi'dę́ę́' hahinishkaadgo, áko éí bee t'áadoo bahat'aadí Diyin God bee bóhólníihgo bił haz'áanii bił nihaa honíyá.

LUKE 13:3

Dooda, nihidishní, nidi nihibąąhági át'éii doo łahgo át'éego Diyin God bich'į' tsíńdadookéezgo yóó'adasidoo'ą́ą́góó nihí ałdó' t'áá ákót'éego ádadoohdįįł.

LUKE 13:5

Ánihidishní, Dooda, nidi nihibąąhági ádaat'éii doo łahgo át'éego Diyin God bich'į' tsíńdahidookéezgo yóó'adasidoo'ą́ą́góó nihí ałdó' t'áá ákót'éego ádadoohdįįł.

LUKE 15:10

Ánihidishní, T'áá ákót'éego diné t'ááłá'í bąąhági ááníiłii łahgo át'éego tsíńdeezkéezgo bibąąhági át'éii yits'áníyáii éí Diyin God bidiyingo nidaal'a'í dabinááł t'áá íiyisí baa hózhǫ́.

LUKE 15:7

Ánihidishní, T'áá ákót'éego diné t'ááłá'í bąąhági ááníiłii łahgo át'éego Diyin God yich'į' tsíńdeezkéezgo yoosdląądii éí náhást'édiindóó ba'aan náhást'éí yilt'éego ts'ídá t'áá ákogi ádaniit'é danízingo bąą t'áadoo łahgo át'éego Diyin God yich'į' tsíńdahideezkéezii biláahdi át'éego yá'ąąshdi baa hózhǫ́ǫ doo.

LUKE 16:30

Áko ázhdííniid, Dooda, shizhé'é Éíbraham, jó, ła' daaztsą́ą́dę́ę́' baa nádzáago, bił hoolne'go łahgo át'éego tsíńdadookosgo Diyin God yich'į' nídadooyis.

LUKE 21:31

Nihí ałdó' díidíígíí bidahoolníiłgo danół'į́įgo Diyin God bee bóhólníihgo bił haz'áanii t'áá áyídídę́ę́' bił nihoolzhiizhgo nihił béédahodoozįįł.

LUKE 24:47

áko házhi' bee na'nitingo łahgo át'éego tsínáhodiikeesgo bąąhági át'éii bits'á'iildééh índa á yóó'ahidit'aahii ał'ąą dine'é t'áá ałtso bee bił dahane' dooleełgo Jerúsalemdóó hadoot'ih.

LUKE 6:20

Áádóó hódahooł'aahii bich'į' hajííghalgo ázhdííniid: Nihadahojoobá'íígíí nihik'idahojidlí, háálá Diyin God bee bóhólníihgo bił haz'áanii éí danihíí'.

LUKE 9:2

índa Diyin God bee bóhólníihgo bił haz'áanii baa dahojilne' doo biniyé, áádóó hadaałt'é áńdazh'doodlííł ałdó' biniyé adziis'a'.

ACTS 11:18

Díí deidiizts'ą́ą'go t'óó dadéesxéél. Áádóó Diyin God yaa dahaniihgo ádaaní, Ákola' doo Jew dine'é danilíinii ałdó' łahgo át'éego Diyin God yich'į' tsíńdahidookosgo iináajį' yee anáhákáah dooleełii bá ashja'ósingo Diyin God beidiní'ą́ą́ lá.

ACTS 17:30

Díidíígíí diné doo yaa ákodanízindą́ą́' Diyin God doo bá yił ííłta' da, nidi k'ad t'áá ałtsogóó diné t'áá ádzíłtso yee há has'ą́ągo áháłní, Łahgo át'éego tsíńdahidohkeesgo shich'į' ádił nida'ayoołzíi'ii bits'áhóhkááh.

ACTS 2:38

Áko Peter áhodííniid, T'ááłá'í nootínígo łahgo át'éego Diyin God bich'į' tsíńdahidohkeesgo Jesus Christ bízhi' bee tó bee danihi'dólzį́į́h, áko Diyin God bich'į' ádił da'soohsí'ígíí nihá yóó'iididoo'ááł, áádóó Níłch'i Diyinii nihaa deet'áanii nihíí' dadooleeł.

ACTS 20:21

Jew dine'é índa Gríik dine'é danilíinii, Łahgo át'éego Diyin God bich'į' tsíńdahidohkeesgo bich'į' dah nídahidoohkááh áádóó nihiBóhólníihii Jesus Christ deinohdlą́ągo baa dadzíínóhłí, dishníigo bee bił dahweeshne'.

ACTS 26:20

Damáskasdi kéédahat'ínígíí áłtsé, áádóó Jerúsalemgi índa Judíyagi t'áá át'éé nít'éé' índa doo Jew dine'é danilíinii kóbidishníigo bee bił dahweeshne', Łahgo át'éego tsíńdahidohkeesgo Diyin God bich'į' dah nídahidoohkááh, áádóó łahgo át'éego tsíńdadookézígíí beełt'éé góne' t'áá ákwii ádaahnííł.

ACTS 3:19

Éí bąą nihibąąhági ádaat'éii nihá k'ééda'doolchǫǫł biniyé łahgo át'éego tsíńdahidohkeesgo Diyin God bich'į' dah nídahidoohkááh, áko Bóhólníihii bits'ą́ą́dóó bee ák'ééhwiitáadii nihee náhoodleeł doo.

II CORINTHIANS 7:10

Háálá Diyin God k'ehgo yínííł daniidlį́įgo éí łahgo át'éego Diyin God bich'į' tsínánihidiiłkosgo bee yisdá'iildéehii yaa nihii'éésh, áko éí doo bik'édí daniidlį́į da, nidi nihokáá'jí k'ehgo yínííł danilį́įgo éí aniné t'éiyá nánídlį́.

COLOSSIANS 1:13

Chahałheeł bee bóhólníihii bits'ą́ą́dę́ę́' háánihoo'nilgo, biYe' ayóó'áyó'níinii bee bóhólníihgo bił haz'ą́ąjį' anihíí'eezh.

II TIMOTHY 2:25

a'ohgo ízhdólzingo t'áá aaníinii yits'ą́ą́jí nida'ádí'nilii nazhnitin doo. T'ah nít'ée'da łahgo át'éego tsíńdadookosgo, t'áá aaníinii yaa ákodadínóozįįłgo bá ashja'ósinígíí Diyin God beididoo'ááł.

HEBREWS 6:1

Éí bąą haa'íshą' Christ bína'niltinígíí átsé bee nidanihidi'neestą́'ígíí doo éí t'éiyá bee nida'ahiniitin da dooleeł, nidi diyin k'ehgo nidíníilzéełii bich'į' náás yiikah doo. Kin bitł'ááh nástł'inii hanáájítł'inígíí nahalingo átsé bee nidanihidi'neestą́'ígíí bee ninááda'ahiniitingo éí dooda. Átsé bee nidanihidi'neestą́'ígíí éí díí: t'áadoo biniyéhígóó baa nidasiikaii łahgo át'éego bąąh tsíńdahiikeesgo Diyin God deiniidlą́ągo,

II PETER 3:9

Ła' ádajiní, Bóhólníihii kóhodoonííł nínę́ę doo hąh yi'doolíił da lá. Nidi yee haadzíi'ii ts'ídá yi'doolíiłgo yee has'ą́. Jó, nízaadgóó nihich'į' ha'ólní, ts'ídá doo ła' ázhdoodįįł da nízingo, nidi t'áá ádzíłtso łahgo át'éego tsíńdazdookosgo habąąhági át'éii bits'áhizhdookah hó'ní.

REVELATION 2:21

Áko asdzání na'ageh yee tsi'naagháhígíí łahgo át'éego yąąh tsíńdookosgi ch'ééh bee bá hooł'a', nidi doo t'áá k'ad yi'iilaa da.

REVELATION 2:5

Éí bąą bits'áhisoohkaígíí béédaałniihgo, łahgo át'éego tsíńdadohkeesgo átséédą́ą́' baa nisoohkaii yę́ę t'áá éí baa nináánáhkai. Doodago éí nihaa deesháałgo nihibee hool'iní bá yadaa'áhígíí nahjį' kódeeshłííł.