MATTHEW 27:6 - Navajo Bible

⁶ Aláahgo nááda'iiłniihii éí béeso nídeidiinilgo ádadííniid, Díí béeso dił bik'é nii'nilígíí bąą kin bii' sohodizin bibéeso bitah doo'niłgo doo bee haz'ą́ą da.

MATTHEW 27:6 ပူးပေါင်းရင်းမြစ်များ

DEUTERONOMY 23:18

Áko ałjiłnii bich'į' nahalyéii, doodaii' diné t'áá bí ahaa nináldeehii bich'į' nahalyéii éí Bóhólníihii nihiDiyin God bihodiyin haz'ą́ąjį' doo bee ádee hadadidoohdzih da, háálá éí t'áá áłah ákó'él'íinii Bóhólníihii nihiDiyin God bił t'óó baa'ih.

JOHN 18:28

Áko t'áá íiyisí t'ah abínígo Kéíyafas bighandóó naat'ááh kinjį' Jesus dah náádeidiidlóóz. Atis'adeesdzá bee bééhániihgo dadiidį́łígíí nihits'ą́ą́' doochǫǫł danízingo biniinaa t'áadoo naat'ááh kin góne' yah aakai da.

MATTHEW 23:24

Nihí doo da'oh'į́į́góó nida'oh'eeshii, bee ha'al'eełí bee tsiiyánii hadahoł'eeł, nidi ghą́ą́'ask'idii adahołneeh!

ISAIAH 61:8

Háálá shí Bóhólníihii doo haada yit'éii ayóó'óósh'ní; ani'į́į́' doo yá'áshóonii bił jooshłxá; t'áá aaníí, bich'į' nida'diyeeshłeeł índa hool'áágóó bił ahada'dideesht'ááł.

MATTHEW 27:5

Nít'éé' kin bii' sohodizin góne' éí béeso yah ayííłkaadgo dah diiyá, áádóó éí t'áá yigáłí dah ádiidlo'.

MATTHEW 27:7

Áko yaa nídaast'įįdgo, łeets'aa' íí ł'íní bił haz'ání hoolyéegi éí dé'éyóní danilíinii łeehe'níił dooleełgo biniyé kéyah nidayiisnii'.

MARK 7:11

nidi nihí diné ła'da bizhé'é, doodaii' bimáda, T'áá ha'át'íhída bee níká adeeshwoł yę́ę éí Kórban át'é, yiłnínígíí, éí binahjį' bizhé'é áádóó bimá doo bił nilį́į da nidi, éí t'áá áko dadohní. (Kórban éí Diyin God baa deet'ą́ jiníigo óolyé.)