MATTHEW 27:52 - Navajo Bible

⁵² índa dajishcháá' ąą ádaadzaago, lą'í Diyin God bidiyį́į́' daneeznánígíí náádabi'diyiiljéé',

MATTHEW 27:52 ပူးပေါင်းရင်းမြစ်များ

II KINGS 13:21

Ákódzaadóó diné léi' yóó'ádajiléehgo, shoo, diné ła' t'áá na'níle'dii yijahgo dadziiłtsą́ągo diné yóó'ádajiléhígíí Iiláísha bitséní'ootséél góne' adadziisxan, áádóó diné bits'íís éí Iiláísha yę́ę bits'in bíhidéé'náa'go náhoo'nii'go yiizį'.

ISAIAH 25:8

Hool'áágóó anoonééł iidoołnah, áádóó Bóhólníihii Diyin God éí da'anii' t'áá ałtso nák'eeto' yąąh yidoołdah, índa bidine'é bee bá nahat'i'ígíí ałtso nahasdzáán bikáá'dóó nahjį' kwíidoolííł, háálá díí Bóhólníihii yee haadzíí'.

ISAIAH 26:19

Diné daneeznáanii dahináa doo; shidine'é daneeznánígíí náádidoojah. Łeeyi' shoojée'ii, ch'éédaohdzíidgo dahohtaał, háálá t'áá ch'il dahtoo' bąąhgo bee bits'ádi'nídínígi át'éego nee adinídíín, áádóó nahasdzáán éí daneeznáanii hinááh ánéidoodlíiłgo háidoo'nił.

DANIEL 12:2

Áko t'óó ahayóí nahasdzáán yii' da'ałhoshígíí nááhididoojahgo ła' hool'áágóó iiná baa dahididoot'ááł, nidi ła' t'óó ádaa yádadínóodzįįłgo hool'áágóó ti'hoo'níihjį' nááhididoojah.

HOSEA 13:14

Jishcháá' bibee adziildę́ę́' nááhodiyeeshnih. Aninéédę́ę́' nááhodiyeeshnih. Aniné nílíinii, bee nik'e'íyée'ii yę́ęshą' éí háájí? Jishcháá' nílíinii, bee í'ííłdįįłii yę́ęshą' éí háájí? Doo naa a'ááh nisin da.

JOHN 11:11

Kót'éego hadzoodzíi'go ánáábizhdoo'niid, Nihik'is Lázaras ałhosh, nidi ajiłhoshdę́ę́' ch'ééhodeesił biniyé déyá.

ACTS 7:60

Áko nitsizhdinígo'go yéego hadzoodzíi'go ájíní, Bóhólníihii, díí bąąhági ádashił'ínígíí doo bik'ijį' síníł'ą́ą da doo. Áádóó ákózhdííniidgo ájídin.

I CORINTHIANS 11:30

Éí biniinaa nihitahgóó lą'í doo dabidziil da áádóó ka nidaakai, índa ła' daneezná.

I CORINTHIANS 15:20

Nidi t'áá aaníí Christ daaztsą́ą́dę́ę́' náábi'diilzá, daneeznáanii nááhididooljahígíí bitahdę́ę́' ts'ídá áłtsé nááhodi'diilzá.

I CORINTHIANS 15:51

Jó'akon, na'nitin doo bééhózin da yę́ę bee nihił hashne'. Doo t'áá áníiltso dadíníi'néeł da, nidi t'áá áníiltso łahgo ádanihidi'doolnííł,

I THESSALONIANS 4:14

Háálá Jesus daaztsáanii náádiidzáago deiniidlą́, áko Jesus bii' dahojílǫ́ǫgo da'jiiłhaazhígíí ałdó' Diyin God éí Jesus bił dah náhodidoo'ish.

I THESSALONIANS 5:10

Éí nihá daaztsą́, áko dahinii'náago doodaléi' danee'náa nidi nádzáago bił dahinii'náa doo.