MATTHEW 27:4 - Navajo Bible

⁴ kóníigo, Diné t'áadoo ádąąh dah hast'áanii bidił bits'ádoonahgo ninádiní'ą́ągo bąąhági ásdzaa. Nidi ádahodííniid, Nihíísh nihik'ehdi, t'áá ni haa shį́į́ yit'éego ánílééh.

MATTHEW 27:4 ပူးပေါင်းရင်းမြစ်များ

I KINGS 21:27

Nít'éé' Éíhab díí saad yidiizts'ą́ą'go bi'éé' ák'iniyiisdláadgo tł'oh yishbizh ák'íísti'go t'áadoo ayání tł'oh yishbizh yii' sitį́, áádóó doo ha'atahaa nijigháá nít'éé'.

II KINGS 24:4

Áádóó ba'át'e' ádaadinii neistseedgo bidił dadeezna'go ałdó' biniinaa, háálá Jerúsalem kin haal'áii t'áá nidahonees'ą́ąjį' ba'át'e' ádaadinii bidił nidaashchxii'go áyiilaa, éí Bóhólníihii doo há yóó'iididoo'áał da.

JOB Naaltsoos Biyi' Job Baa Hane'ii 13:4

T'áá ánółtso wooch'ííd ádaoł'íinii danohłį́; t'áá ánółtso azee' ííł'íní doo ílíinii danohłį́.

JOB Naaltsoos Biyi' Job Baa Hane'ii 16:2

Hane' ákódaat'éii yee' lą'í diséts'ą́ą́'. T'áá ánółtso doo t'áá yíní át'éejį' bee ha'ahóníinii bee yádaołti'.

PSALMS 94:21

Diné t'áá ákogi át'éego hináanii yiniyé ałhínéikah, índa diné doo ádihodiilt'i'ii dadootsaałgo bidił doonahjį' yá nídahwii'aah.

EXODUS 12:31

Áko t'áá éí bitł'éé' Féro éí Mózes áádóó Éran yíká áníigo ání, Nídoohjeehgo nihílááh; shidine'é bitahdóó nihí áádóó Ízrel dine'é bił dah doohnéehgo t'áá ádóhnínígi át'éego Bóhólníihii bich'į' nidahohłá.

EXODUS 9:27

Áko Féro éí Mózes áádóó Éran yíká i'ííł'a'go áyidííniid, Jó, k'ad ádił asésiih lá. Bóhólníihii éí t'áá ákogi át'éii nilį́į́ lá. Shí áádóó shidine'é éí doo yá'áshóonii daniidlį́.

PROVERBS 12:8

Diné hóyą́ągo nitsíkeesii bik'ehgo yá'át'éehgo bá yáti', nidi diné bijéí biyi'di bąąhági át'éego nitsíkeesii éí diné dabi'į́į łeh.

JEREMIAH 26:15

Dashisoołhį́įgo nihí áádóó díí kin haal'áhígíí índa ákwii kéédahat'ínígíí doo ádihodiilt'i'ii bidił biniinaa ádanihidi'dooldįįłgo ts'ídá nihił béédahodoozįįł, háálá t'áá aaníí díí saad t'áá ałtso bee nihich'į' hadeesdzih biniyé Bóhólníihii nihich'į' shííł'aad.

JONAH 1:14

Ákohgo Bóhólníihii yich'į' hadadeeshghaazhgo ádaaní, Nídaniikąąh, Bóhólníihii, nídaniikąąh, t'ááká díí diné be'iina' biniinaa ánihóółdįįh lágo; dił doo bohodiit'i'ii bee doo nihik'i hodidíí'áał da, háálá, Bóhólníihii nílíinii, nił yá'át'éhígi íinidzaa.

MATTHEW 27:19

Áádóó bikáá'dóó ánihwiit'aahii bikáá'dóó dah dzizdáago, hwe'asdzą́ą́ haa níł'a'go ání, Eii diné t'áá ákogi át'éii ts'ídá t'áadoo baa nánít'íní, háálá abínídą́ą́' biidiiyeelgo yéego bik'ee ti'hwiisénii'.

MATTHEW 27:54

Ákohgo siláo neeznádiingo binanit'a'í índa Jesus yaa ádahalyą́ągo yił naazíinii ni' hidees'náá' áádóó ádahóót'įįdígíí dayiiłtsą́ągo, kódaaníigo t'áá íiyisí nídaasdzííd, Díí t'áá aaníí Diyin God biYe' nilį́į́ nít'éé' lá!

LUKE 23:22

Páílat táadi hadzidziih góne' ánáábizhdoo'niid, Ha'át'éegoshą', ha'át'íí doo aaníí shį́įshą' baa nijiyá? Bee ádąąh dah hodzist'ą́ągo biniinaa dazdootsaałii doo ła' há shił bééhoozin da; éí bąą t'óó náhodínéestsxisgo hwéédideeshchił nisin.

LUKE 23:41

Ni áádóó shí t'éí t'áá ánihidi'doolnííł góne' nihá nihoot'ą́, háálá íidzaaígíí biniinaa t'áá ánihi'dólne' góne' ánihi'dil'į́, nidi díí diné éí doo bąąhági ádzaa da.

LUKE 23:47

Áádóó siláo binanit'a'í áhóót'įįdígíí yiyiiłtsą́ągo, Diyin God yaa haznihgo ání, T'áá aaníí díí diné ts'ídá t'áá ákogi át'éii nilį́į́ nít'éé' lá!

JOHN 19:7

Nít'éé' Jew dine'é ánáádahodoo'niid, Nihibee haz'áanii hólǫ́, áko éí bik'ehgo ts'ídá dazdootsaał, háálá t'áá hó Diyin God biYe' ízh'díl'į́.

ACTS 13:28

Azhą́ biniinaa hodi'yoolyéełii ch'ééh yíká ádáát'įįd nidi, ts'ídá hodi'yoolyéełgo Páílat yaa nídayooskan.

ROMANS 3:19

K'ad nihił béédahózingo bee haz'áanii Mózes baa deet'áanii ha'át'íhída nínígíí, éí bee haz'áanii yik'ehgo kéédahat'íinii yich'į' yáłti', áko t'ááłá'í jinítínígo doo hadzódziih át'éégóó áhodoolííł, háálá nihokáá' dine'é t'áá ádzíłtso Diyin God há nihodiyoo'áałgo hwee ádíhólnííh.

I TIMOTHY 4:2

Éí diné dabiyooch'íidgo t'óó ádahodil'į́įgo nida'nitinii éí t'áá aaníinii áádóó doo t'áá aaníí danilíinii yee ádaa ákodadínóodzįįł yę́ę, doo yee ádaa ákodanoozį́į́' át'ée da daazlį́į́'.

TITUS 1:16

Diyin God béédahoniilzin, daaní, nidi ádaaníłígíí bee bééhózingo éí ts'ídá Diyin God doo deinízin da. Dajoodláii, doo ak'eh dahół'íinii, índa yá'át'éhígi ádadooníłígíí ts'ídá doo yídaneel'áanii danilį́.

HEBREWS 7:26

Jesus éí aláahgo náá'iiłniihii nilį́įgo nihá yá'át'ééh. Éí diyin, áádóó doo bik'íhát'áah da, bąąhági át'éii bąąh ádin, bąąhági ádaaníiłii bits'áltį́, áádóó aghánáhóó'áadi dah bidi'neesdá.

I PETER 1:19

nidi dibé yázhí hadaałt'éii, doo bąąh dahaz'áaniigi át'éii, Christ bidił ílíinii bee náádanihi'diiznii'.

I John 3:12

Kéin áát'įįd yę́ęgi doo ádeiit'į́į da doo. Jó, Kéin éí níłch'i bida'iiníziinii binanit'a'í bíí' jílį́įgo biniinaa hatsilí jiisxį́. Ákoshą' ha'át'íí biniinaa hatsilí jiisxį́? Jó, t'áá hó doo ákogi ájoonííłgóó biniinaa, áádóó hatsilí éí t'áá ákogi ááníiłgo biniinaa jiisxį́.

REVELATION 11:10

Díí Diyin God yá halne'ii nidilt'éego nahasdzáán bikáá'góó kéédahat'íinii atííł'į́į́ nít'é'ígíí biniinaa nahasdzáán bikáá'góó kéédahat'íinii jineeznánígíí bąą bił dahózhǫ́ǫ doo, honeeni yaa naakai doo, índa ahidiníłnáago t'áadoo le'é ahaa dayii'níił doo.

I SAMUEL 15:24

Áko Saul éí Sámuel áyidííniid, Ádił asisziih. Jó, Bóhólníihii bibik'eh ó'oo'níiłii áádóó nizaad k'íníti', háálá diné bik'ee shił yé'ígíí biniinaa dabizaad bik'eh íisdzaa.

I SAMUEL 15:30

Áko Saul ázhdííniid, Ádił asisiih, nidi shidine'é aląąjį' naazíinii áádóó Ízrel dine'é dabinááł shił nílį́į dooígíí k'ad baa nánooshkąąh, shił nídít'aash, áko Bóhólníihii niDiyin God bich'į' nahodeeshłaał.

I SAMUEL 19:5

Háálá niná'ádeet' ą́ągo Filístiya diné yiyiisxį́, háálá Bóhólníihii éí bee yisdá'iildéehii ayóó át'éii Ízrel dine'é yá áyoolííł. Éí yiniłtsą́ągo t'áá íiyisí baa nił hóózhǫǫd, áko ha'át'éegoshą' David t'áadoo baanígóó bini'niłhį́įgo doo ádąąh dahast'áanii bidił bits'ánílį́įgo áníléehgo bee ádił iilziih?