MATTHEW 27:2 - Navajo Bible

² áko hweda'aztł'ǫ́ǫgo dah dahodiilóóz, áádóó [Pántiyas] Páílat naat'áanii nilíinii yaa dahodeez'ą́.

MATTHEW 27:2 ပူးပေါင်းရင်းမြစ်များ

GENESIS 22:9

Diyin God, Kwe'é nidideeshniił, hodííniidígi jiní'áazhgo ákwe'é Éíbraham éí bikáá' náá'iiniihí ájiilaago bikáa'jį' chizh dah jizhjaa', áko haye' Áízak be'dziztł'ǫ́ǫgo bikáá' náá'iiniihí bikáa'gi chizh bik'i nizhníłtį́.

MATTHEW 20:19

índa doo Jew dine'é danilíinii yaa dahodidoo'ááł, áko éí há nidahodoołt'ih áádóó nahóda'doołtsxis índa tsin ałnáoszid bikáa'jį' hoł ida'doołkał, índa tágí jį́ aleeh góne' dadziztsą́ą́dę́ę́' nááhodi'doodlááł.

MATTHEW 28:14

Áko díidíígíí naat'áanii yidiizts'ą́ą'go bił t'áá áko doo biniyé bijadahidiigééł, áko t'áadoo bá nanohdeehígóó ádanihidiilnííł.

LUKE 13:1

Ts'ídá ákohgo ła' Jesus yił dahoolne'go ádaaní, Gáliliidóó dine'é nááda'jiisnii'go Páílat nahastseedgo náádajiisnii'ígíí hadił bił taozlį́įgo áyiilaa.

LUKE 20:20

Áko t'áá hadahasíidgo naalchi'í adeis'a', áko éí diné t'áadoo át'éhígóó nidaakaii ádahodil'į́įgo hazaad yee hak'i dahodidoo'ááł biniyé haa nahaakai, éí binahjį' naat'áanii yaa dahodidoo'áałgo éí hwee ádíhólníih dooleeł danízingo ádaat'į.

LUKE 23:1

Ákohgo diné áłah silį́'ígíí t'áá át'é nídiijéé', áádóó Jesus éí Páílat yidááhdę́ę́' nideizlóóz.

LUKE 23:12

Áko t'áá éí bijį́ Hérad índa Páílat ałk'is silį́į́', háálá díí bítséedidą́ą́' ałk'ee di'niih nít'éé'.

LUKE 3:1

Áko Taibííriyas Síízar ts'ídá aláahgo naat'áanii nilį́įgo ashdla'áadah náhááh góne', áádóó Pántiyas Páílat éí Judíya yinanit'a'í nilį́įgo, Hérad éí Gáliliidi naat'áaniishchíín nilį́įgo, Hérad yił háá'ázhígíí, Philip, éí Ituríya índa Trakonáítis kéyahdi naat'áaniishchíín nilį́įgo, índa Laiséíniyas éí Ábiliindi naat'áaniishchíín nilį́įgo,

JOHN 18:12

Áádóó índa siláo áádóó binanit'a'í índa Jew dine'é bisiláo Jesus dayiiłtsoodgo yeda'aztł'ǫ́.

JOHN 18:24

Ánas éí aláahgo náá'iiłniihii, Kéíyafas wolyéii, bich'į' Jesus t'áá be'astł'ǫ́ǫgo aho'doodlóóz.

JOHN 18:28

Áko t'áá íiyisí t'ah abínígo Kéíyafas bighandóó naat'ááh kinjį' Jesus dah náádeidiidlóóz. Atis'adeesdzá bee bééhániihgo dadiidį́łígíí nihits'ą́ą́' doochǫǫł danízingo biniinaa t'áadoo naat'ááh kin góne' yah aakai da.

ACTS 12:6

Yiską́ągo Hérad bizaad k'ehgo ch'íhodi'doodlóosgo, t'áá éí bitł'éé' Peter, siláo naaki bita'gi béésh da'ahólzha'í naaki bee daho'diistł'ǫ́ǫgo ajiłhosh, índa siláo ła' awáalyaa bidáádílkał yaa ádahalyą́.

ACTS 21:33

Áko siláo aląąjį' binanit'a'í haa níyáago hoołtsoodgo béésh da'ahólzha'í naakigo bee ho'dootl'óół níigo yee hooł'a'. Áko, Háísh át'į́, índa, Ha'át'íishą' yaa naayá, níigo na'ídééłkid.

ACTS 22:25

Nidi akał tł'óół yee hoda'aztł'ǫ́ǫgo siláo neeznádiingo binanit'a'í nilį́įgo ákwii sizínígíí Paul ábidííniid, Da' Rome dine'é nilį́įgo doo bá nihoot'ą́ą́góósh nídínííłtsxisgo t'áá bee ná haz'ą́?

ACTS 22:29

T'áá áko nidahodí'nííłkid yę́ę hats'ákai, áádóó siláo aląąjį' binanit'a'í nilíinii éí Rome dine'é ła' jílį́į́ lágo hwe'aztł'ónígíí yaa ákoniizį́į'go yiniinaa násdzííd.

ACTS 24:27

Nidi áádóó naaki nááhaigo Pórshas Féstas éí Fííliks naat'áanii nilį́į́ nít'éé' yę́ęgi naat'áanii nilį́į doo biniyé níyá, áádóó Fííliks éí Jew dine'é bił dahodeeshǫǫł niizį́į'go, Paul t'áá awáalyaa sidáa doogo yee nihoní'ą́ągo dah diiyá.

ACTS 28:20

Éí bąą danihiideestséełgo ałch'į' hadadiidzih biniyé hágo danihidííniid, háálá Ízrel dine'é nidayólíii biniinaa díí béésh da'ahólzha'í bee dashi'diistł'ǫ́.

ACTS 3:13

Éíbraham biDiyin God, t'áá éí Áízak índa Jéíkab biDiyin God, danihizhé'é yę́ę biDiyin God, éí bá Naal'a'í Jesus ayóó át'éii nilį́įgo áyiilaa, éí nidahosoolóóz, áádóó Páílat hwéédideeshchił niizį́į'go, t'áá binááł doo nihízhdéét'i'góó há hadasoohdzíí'.

ACTS 4:27

T'áá aaníí ákódzaa, diyingo ná naal'a'í Jesus, ats'éiníłtíinii, yich'į' nídahididookah biniyé Hérad áádóó Pántiyas Páílat éí doo Jew dine'é danilíinii índa Ízrel dine'é danilíinii yił áłah daazlį́į́',

ACTS 9:2

Damáskasgi Jew dine'é áłah nídaadleehii bich'į' naaltsoos há hadadidoolníiłgo bíjííkeed, Damáskasdę́ę́' diné índa asdzánída Bóhólníihii bik'ehgo honít'i'góó dayíkáhígíí ła' bik'ízhníyáá ládą́ą́' bidazhdootł'oołgo Jerúsalemjį' nízhdoo'ish biniyé.

I TIMOTHY 6:13

Diyin God t'áá ałtsoní hináago áyósinii, índa Pántiyas Páílat bidááhdóó Christ Jesus yá'át'éehgo ádaa hadoodzíi'ii binááł ánidishní,

II TIMOTHY 2:9

Hane' yá'át'éehii baa hashne'go biniinaa ti'hooshnííh. Diné ádąąh dahast'áanii nahalingo béésh da'ahólzha'í bee dashi'diistł'ǫ́, nidi Diyin God bizaad t'éí doo dahaastł'ǫ́ǫ da.

HEBREWS 13:3

Awáalyaaí danilínígíí t'áá bił awáalyaaí danohłį́ nahalingo baa nitsídaahkees, áádóó ti'dahooníhígíí ałdó' bił ti'dahoohnííh nahalingo baa nitsídaahkees, háálá nihí ałdó' ats'íís bee dahinohná.

JUDGES 15:12

Áko ádahodííniid, Nida'diitł'óołgo Filístiya dine'é bílák'ee dandidiit'ááł biniyé naa niikai. Áko Sámson éí diné áyidííniid, T'áá nihí doo dashidiyoołhééłgóó bee shich'į' ádee hadahididoohdzih.