MATTHEW 26:9 - Navajo Bible

⁹ Háálá díí ak'ahígíí lą'í bą́ą́h ílį́įgoda nahidoonih nít'éé', áko éí béeso diné badahojoobá'íígíí bitaa'niih doo nít'éé'.

MATTHEW 26:9 ပူးပေါင်းရင်းမြစ်များ

II KINGS 5:20

Diyin God yá naal'a'í Iiláísha bá naal'a'í Giihéízai ání, Shoo, shinanit'a'í díí Síriya diné Néíyaman yiníjaa'ígíí t'áadoo bá nízhdiinilgóó bá baa hą́ą́s niizį́į'go t'óó bił béézhníłnii'; ts'ídá t'áá aaníí Bóhólníihii hiná; ákót'éego ts'ídá t'áá aaníí éí diné bikéé' nídideeshwołgo t'áadoo le'é sheidoolééł.

MATTHEW 26:10

Nidi Jesus bił bééhózingo áhodííniid, Ha'át'íí biniyé asdzání baa nídaaht'į́? Jó, éí nizhónígi shá ádziidzaa.

MATTHEW 26:8

Nidi hódahooł'aahii éí dayiiłtsą́ągo, Díí lá ha'át'íí biniyé t'óó bee na'as'ne'? daaníigo yik'ee doo bił dahóózhǫǫd da.

MARK 14:5

Háálá díí ak'ahígíí táadi neeznádiin denériyas t'ah biláhígo bą́ą́h ílį́įgo nahidoonih nít'éé', áko éí béesoígíí diné badahojoobá'íígíí bitaas'nii' doo nít'éé', daaníigo yee haa nídaat'į́.

II PETER 2:15

Ts'ídá t'áá ákogi át'éego honít'i'ii yóó'adeideez'ą́ągo yóó'aheeskai. Bíyor biye', Béílam, áát'įįdígíí yikék'eh dookai. Jó, éí doo ákwii ó'oo'nííł bee a'ídeeł bił ayóó áhoot'éé nít'éé',

I SAMUEL 15:21

Nidi diné éí Ámalek dine'é bindaalye'é bitahdóó dibé índa béégashii ádadooldįįł nít'é'ígíí agháadi yá'ádaat'éehii éí Gílgal haz'ánígi Bóhólníihii niDiyin God bich'į' náádahidoonih biniyé nídeidiinil.

I SAMUEL 15:9

Nidi Saul áádóó diné danilíinii éí Éígag yi'oh áda'asdįįdgo dibé áádóó béégashii áádóó béégashii yáázh daalk'ai índa dibé yázhí agháadi bił yá'ádaat'éhígíí áádóó ha'át'íhída bił yá'ádaat'éhígíí t'áá ałtso t'áadoo ádeisdįįd da, nidi t'áá ałtsoní t'óó badaa'ihígíí índa doo danoodzį́į́' ádaat'éhígíí éí ałtso ádeisdįįd.