MATTHEW 26:3 - Navajo Bible

³ Ákohgo aláahgo nááda'iiłniihii [áádóó bee haz'áanii yínda'niłtinii] índa Jew dine'é yá aląąjį' naazíinii éí aláahgo náá'iiłniihii, Kéíyafas wolyéhígíí, bighangi áłah silį́į́',

MATTHEW 26:3 ပူးပေါင်းရင်းမြစ်များ

PSALMS 56:6

Shiniyé ahínéiikah. Shaa nidahaakai; shii' sizíinii yaa héeshjée'go hidishááhgóó shikék'eh hashchíínígóó hadeisííd.

JEREMIAH 11:19

Nidi dibé yázhí doo át'íínígíí naatseedjį' eedlóozii nahonishłin nít'éé'. Haa'íyee' tsin sikaadígíí bineest'ą' t'áá bił ádadiildįįł; haa'íyee' dahináanii bitahdóó dadiyiilyééł, áko bízhi' doo bénínááhániih da doo, daaníigo shik'ijį' danilį́įgo shindahazgizígíí doo shił bééhózin da nít'éé'.

JEREMIAH 17:27

Nidi doo dashíísółts'ą́ą́'góó háá'áyį́į́h jį́ doo hodiyingo ádeínóhsingóó índa Jerúsalemgi dáń'da'ditį́į́h góne' háá'áyį́į́h jį́įgo hééł t'áá yah adahoołjiidgo, áko dáń'da'ditį́į́hgóó bodahodideeshniłgo diné ayóó át'éii danilíinii éí dabighan adahididook'ą́ąłgo doo dadínóoltsis da.

MATTHEW 26:69

Áko Peter tł'óo'di kin binaagi haz'ą́ągo biná'ástł'iní góne' dzizdá. Nít'éé' asdzání naal'a'í kóníigo hach'į' niníyá, Ni la' ałdó' Jesus Gáliliidóóígíí bił nanikai ni'.

MATTHEW 27:27

Ákohgo naat'áanii bikin góne' Jesus yah adeizlóozgo naat'áanii bisiláo t'áá yinélee haa áłah ádayiilaa.

MARK 14:54

Áádóó Peter t'áá nízaadę́ę́' hakéé' yigáałgo, aláahgo náá'iiłniihii bikin binaa haz'ą́ągi biná'ástł'iní góne' yah ííyá; ákwe'é kǫ' léi'gi siláo yił naháaztą́ągo ná'iidzííł.

MARK 14:66

Áko Peter wóyahdi kin binaagi haz'ą́ągo biná'ástł'iní góne' dzizdáago, aláahgo náá'iiłniihii asdzání bá nidaal'a'ígíí ła' ákwe'é níyá,

MARK 15:16

Ákohgo naat'áanii bikin, éí Priitóriyam hoolyéé góne' yah adahazlóozgo, siláo t'áá yinélee haa áłah ádayiilaa.

LUKE 22:55

áko siláo éí kin binaagi haz'ą́ągo biná'ástł'in ałníi'di dideideeshjée'go ákwii dineezbingo naháaztą́, ákwii Peter atah dzineezdá.

LUKE 3:2

Ánas índa Kéíyafas aláahgo náá'iiłniihii nilį́įgo, íídą́ą́' Zekaráíyah biye' John, honoojíidi Diyin God bich'į' haadzíí',

JOHN 11:57

Jó, aláahgo nááda'iiłniihii índa Férisii danilíinii yee dahooł'a'go ádadííniid, Diné t'áá háiida Jesus naagháhígi hoł bééhózinígíí éí baa hozhdoolnih, áko deidiiltsoł.

JOHN 18:24

Ánas éí aláahgo náá'iiłniihii, Kéíyafas wolyéii, bich'į' Jesus t'áá be'astł'ǫ́ǫgo aho'doodlóóz.

JOHN 18:28

Áko t'áá íiyisí t'ah abínígo Kéíyafas bighandóó naat'ááh kinjį' Jesus dah náádeidiidlóóz. Atis'adeesdzá bee bééhániihgo dadiidį́łígíí nihits'ą́ą́' doochǫǫł danízingo biniinaa t'áadoo naat'ááh kin góne' yah aakai da.