MATTHEW 24:9 - Navajo Bible

⁹ Ákohgo até'él'į́ yaa danihidii'aah dooleeł, áádóó nidanihidoołtsił, índa shízhi' biniinaa ał'ąą dine'é t'áá ałtso nihik'ee dadiniih doo.

MATTHEW 24:9 ပူးပေါင်းရင်းမြစ်များ

PROVERBS 29:27

Diné doo ákwii át'éii éí diné t'áá ákogi ádaat'éii doo dabíłdin da, áádóó diné k'éhézdongo yigáłígíí éí diné doo yá'ádaashóonii doo dabíłdin da.

DANIEL 11:33

Áko diné bitahgóó dahóyą́ągo ak'idadi'yiitįįhígíí éí lą'í nideintin doo. Ákondi lą'í yiską́ąjį' diltłish bee nidabidi'dootsił áádóó adabidi'doolk'ą́ą́ł áádóó dabidi'doolnééł índa bighadadi'yoo'nił.

MATTHEW 22:6

náánáła' éí naat'áanii bá nidaal'a'ígíí deisiłgo t'áá na'níle'dii nideistseed.

MATTHEW 23:34

Éí bąą jó'akon, Diyin God yá dahalne'ii áádóó diné dahóyáanii índa bee haz'áanii yínda'niłtinii nihich'į' ahish'á, áko ła' nidadoołtsił áádóó ła' tsin ałnáoszid bikáa'jį' bił ida'doołkał, ła' kin bii' áłah nídaahdleehí biyi'góó nabídadí'nóołtsxis índa kin hadaas'áágóó atídaał'į́į doo.

LUKE 11:49

Éí bąą Diyin God bibee hódzáanii ałdó' ádííniid, Diyin God yá dahalne'ii índa daal'aadii hach'į' dadeesh'aał, ła' nidazdoołtsił, áádóó ła' éí atídazhdoolííł,

LUKE 21:12

Nidi díí t'áá át'é t'ah doo ánééhgóó danihiidoołtsołgo atídanihił'į́į doo, kin bii' áłah nída'adleehígíí índa awáalyaajį' adanihii'éeshgo, áádóó shízhi' biniinaa aláahgo naat'áanii índa naat'áanii naazdáágóó bidááhdę́ę́' nidanihii'éesh doo.

JOHN 15:18

Ííshją́ą́ nihokáá' dine'é danihijoołáago, t'ah doo danihijoołaahdą́ą́' shí átséedi dashijoosłá'ígíí nihił béédahózin.

JOHN 15:21

Nidi shízhi' biniinaa díí t'áá ałtso yee nihaa nidookah, háálá shiníł'a'ii doo yéédahósin da.

JOHN 16:2

Jew dine'é áłah nádleehii bitahdóó bits'ánihidi'doo'nił; t'áá aaníí bich'į' hoolzhish, t'áá háiida nihiisxį́įgo éí Diyin God bá nisis'a' nízin doo.

ACTS 28:22

Nidi bee nitsíníkeesii ná dadidiits'į́į́ł daniidzin, háálá díí nahadlá bee ałts'á'áldah ha'nínígíí t'áá ałtsogóó dooda daha'níigo bee yádaati'go nihił béédahózin.

ACTS 7:59

Áádóó Stephen hoł nidzílne'go, Bóhólníihii józhíigo sozdilzingo ájíní, Bóhólníihii Jesus, shii' sizíinii nídiilé.

I PETER 4:16

Nihí Christ deinohdlą́ągo biniinaa ti'dahooh'níihgo t'áadoo baa yádanohsiní, nidi Christ bízhi' bee danihi'dójíhígíí bee Diyin God baa dahohniih.

REVELATION 2:10

Bik'ee ti'dahwiidoohnihgo bich'į' hoolzhishígíí t'áadoo bik'ee nihił daayé'í. Jó'akon, nihí dahodínóotahígíí biniyé níłch'i bida'iiníziinii binanit'a'í k'adę́ę nihí ła' awáalyaa góne' anihiiłtł'iid, áádóó nihich'į' nidahwii'náago neeznáá yidoołkááł. T'áá dasinoonáajį' hada'íínółní, áko iináájí naat'á ch'ah nihitaa deeshnih.

REVELATION 2:13

[Baa nidaahkaii shił bééhózin, áádóó] níłch'i bida'iiníziinii binanit'a'í Séítan wolyéii bibikáá'dóó nahat'áii si'ą́ągi kééhoht'į́įgo shił bééhózin. Shízhi' yéego dayínóhtą', áádóó Ántipas, ba'ahódlíigo shá halne'ii, éí nihitahgi níłch'i bida'iiníziinii binanit'a'í kééhat'į́įgi bi'diisyíinii bíyoołkááł yę́ędą́ą́' doo haa dadzííníidlíi da, t'áadoo dashidooniid da.

REVELATION 7:14

Áko ádíshní, Kwá'ásiní, jó, nił bééhózin. Nít'éé' áshidííniid, Díidí ayóó át'éego ach'į' nahwii'ná yii'dę́ę́' ch'éheeskai. Bi'éé' táádeizgizgo Dibé Yázhí nilíinii bidił yee dayiiłgaígíí ádaat'į́.